Texts

Select a text:
Bibliography

Select a chapter:
(no revisions)

Associated topic(s): aśvamedha, hayamedha

Show parallels Show headlines
Use dependency labeler

Chapter id: 15912

Click on a sentence to show its analysis
Keep the mouse pointer over a lemma to show its meanings.

gaṇānāṃ tvā gaṇapatiṃ havāmaha ity abhimantryāhaṃ syāṃ tvaṃ syāḥ surāyāḥ kulajaḥ syāt tatremāṃś caturaḥ pado vyatiṣajya śayāvahā iti pado vyatiṣajate // (1.1) Par.?

tau saha caturaḥ padaḥ samprasārayāvahā iti padaḥ samprasārayate // (2.1) Par.?

subhage kāmpīlavāsinīti kṣaumeṇa vāsasādhvaryur mahiṣīm aśvaṃ ca pracchādya vṛṣā vām ity abhimantrayate // (3.1) Par.?

ut sakthyor gṛdaṃ dhehīti prajananena prajananaṃ saṃdhāyāmbe ambāly ambika iti mahiṣy aśvaṃ garhate // (4.1) Par.?

ūrdhvām enām ucchrayatād iti patnayo 'bhimedhante // (5.1) Par.?

trir mahiṣī garhate / (6.1) Par.?

triḥ patnayo 'bhimedhanta uttarayottarayarcā // (6.2) Par.?

dadhikrāvṇo akāriṣam iti sarvāḥ surabhimatīm ṛcam antato japitvāpohiṣṭhīyābhir mārjayitvā gāyatrī triṣṭub iti dvābhyāṃ sauvarṇībhiḥ sūcībhir mahiṣy aśvasyāsipathān kalpayati prāk kroḍāt / (7.1) Par.?

evam uttarābhyāṃ rājatībhir vāvātā pratyak kroḍāt prāṅ nābheḥ / (7.2) Par.?

evam uttarābhyāṃ lauhībhiḥ sīsābhir vā parivṛktī śeṣam // (7.3) Par.?

tūṣṇīṃ tūparagomṛgayor asipathān kalpayanti // (8.1) Par.?

kas tvā chyati kas tvā vi śāstīty aśvasya tvacam āchyati // (9.1) Par.?

candraṃ nāma medaḥ / (10.1) Par.?

tad uddharati // (10.2) Par.?

nāśvasya vapā vidyate // (11.1) Par.?

uddharatītareṣām // (12.1) Par.?

karṇaṃ chittvā tryaṅgeṣūpasaṃnahyati // (13.1) Par.?

nāśvasya gudo vidyate // (14.1) Par.?

śṛtāsu vapāsūttarata upariṣṭād agner vetasaśākhāyām aśvatūparagomṛgāṇāṃ vapāḥ sādayati // (15.1) Par.?

Duration=0.047339916229248 secs.