Texts

śrotrāya ma ity āśvinam // (1) Par.?

ātmane ma ity āgrayaṇam // (2) Par.?

aṅgebhyo ma ity ukthyam // (3) Par.?

āyuṣe ma iti dhruvam // (4) Par.?

tejase me / (5.1) Par.?

ojase me / (5.2) Par.?

varcase ma ity atigrāhyān // (5.3) Par.?

vīryāya ma iti ṣoḍaśipātraṃ yadi ṣoḍaśī bhavati // (6) Par.?

viṣṇor jaṭharam asīti droṇakalaśam // (7) Par.?

indrasya jaṭharam asīty ādhavanīyam // (8) Par.?

viśveṣāṃ devānāṃ jaṭharam asīti pūtabhṛtam // (9) Par.?

sarvaṃ rājānam upatiṣṭhante ko 'si ko nāmeti pratipadya tasya ta idam unmṛja ity antena // (10) Par.?

bubhūṣann avekṣeta brahmavarcasakāmo 'vekṣetāmayāvy avekṣetābhicarann avekṣeteti vijñāyate // (11) Par.?

tata itarāṇi dravyāṇy upatiṣṭhante // (12) Par.?

utkare vedikaraṇāni sphyaḥ svastir vighanaḥ svastir ity etair mantrair yathārūpam // (13) Par.?

yajñiyā yajñakṛta stha te māsmin yajña upahvayadhvam iti ca sarvāṇi // (14) Par.?

upa mā dyāvāpṛthivī hvayetām iti dyāvāpṛthivī // (15) Par.?

upāstāva ity āstāvam // (16) Par.?

kalaśa iti droṇakalaśam // (17) Par.?

soma iti somam // (18) Par.?

agnir ity āhavanīyam // (19) Par.?

upa devā upa yajña iti yajñam // (20) Par.?

upa mā hotrā upahave hvayantām iti hotrakān // (21) Par.?

hvayatāṃ hvayetāṃ hvayantām ity anuṣaṅgān // (22) Par.?

namo 'gnaye makhaghna ity āhavanīyam // (23) Par.?

namo rudrāya makhaghna ity āgnīdhrīyam // (24) Par.?

nama indrāya makhaghna iti hotrīyam // (25) Par.?

dṛḍhe sthaḥ śithire samīcī māṃhasas pātam iti dyāvāpṛthivī // (26) Par.?

sūryo mā devo divyād aṃhasas pātu ity ādityam // (27) Par.?