Texts

Help

Select a text:
Bibliography
Select a chapter:
 (no revisions)
Associated topic(s): Buddhism

Show parallels  Show headlines
Use dependency labeler
Chapter id: 3667
  • Click on a sentence to show its analysis
  • Keep the mouse pointer over a lemma to show its meanings.
na saṃbhavaḥ svabhāvasya yuktaḥ pratyayahetubhiḥ / (1.1) Par.?
hetupratyayasambhūtaḥ svabhāvaḥ kṛtako bhavet // (1.2) Par.?
svabhāvaḥ kṛtako nāma bhaviṣyati punaḥ katham / (2.1) Par.?
akṛtrimaḥ svabhāvo hi nirapekṣaḥ paratra ca // (2.2) Par.?
kutaḥ svabhāvasyābhāve parabhāvo bhaviṣyati / (3.1) Par.?
svabhāvaḥ parabhāvasya parabhāvo hi kathyate // (3.2) Par.?
svabhāvaparabhāvābhyām ṛte bhāvaḥ kutaḥ punaḥ / (4.1) Par.?
svabhāve parabhāve ca sati bhāvo hi sidhyati // (4.2) Par.?
bhāvasya ced aprasiddhir abhāvo naiva sidhyati / (5.1) Par.?
bhāvasya hy anyathābhāvam abhāvaṃ bruvate janāḥ // (5.2) Par.?
svabhāvaṃ parabhāvaṃ ca bhāvaṃ cābhāvam eva ca / (6.1) Par.?
ye paśyanti na paśyanti te tattvaṃ buddhaśāsane // (6.2) Par.?
kātyāyanāvavāde cāstīti nāstīti cobhayam / (7.1) Par.?
pratiṣiddhaṃ bhagavatā bhāvābhāvavibhāvinā // (7.2) Par.?
yady astitvaṃ prakṛtyā syān na bhaved asya nāstitā / (8.1) Par.?
prakṛter anyathābhāvo na hi jātūpapadyate // (8.2) Par.?
prakṛtau kasya vāsatyām anyathātvaṃ bhaviṣyati / (9.1) Par.?
prakṛtau kasya vā satyām anyathātvaṃ bhaviṣyati // (9.2) Par.?
astīti śāśvatagrāho nāstīty ucchedadarśanam / (10.1) Par.?
tasmād astitvanāstitve nāśrīyeta vicakṣaṇaḥ // (10.2) Par.?
asti yaddhi svabhāvena na tan nāstīti śāśvatam / (11.1) Par.?
nāstīdānīm abhūt pūrvam ity ucchedaḥ prasajyate // (11.2) Par.?
Duration=0.10974597930908 secs.