Harṣacarita, 4, 91.1 tataś ca prāpte jyeṣṭhāmūlīye māsi bahulāsu bahulapakṣadvādaśyāṃ vyatīte pradoṣasamaye samārurukṣati kṣapāyauvane sahasaivāntaḥpure samudapādi kolāhalaḥ strījanasya //

Harṣacarita, 5, 14.1 kim idam iti ca samutpannavividhavikalpavimathitamatir apagatadhṛtiś cintāvanamitavadanaḥ stimitatārakeṇa cakṣuṣā samudbhidyamānasthalakamalinīvanām iva cakāra cakorekṣaṇaḥ kṣaṇaṃ kṣoṇīm //