Harṣacarita, 4, 16.1 yasmiṃś ca rājani nirantarair yūpanikarair aṅkuritam iva kṛtayugena diṅmukhavisarpibhir adhvaradhūmaiḥ palāyitam iva kalinā sasudhaiḥ surālayair avatīrṇam iva svargeṇa surālayaśikharoddhūyamānair dhavaladhvajaiḥ pallavitam iva dharmeṇa bahiruparacitavikaṭasabhāsatraprapāprāgvaṃśamaṇḍapaiḥ prasūtam iva grāmaiḥ kāñcanamayasarvopakaraṇair vibhavair viśīrṇam iva meruṇā dvijadīyamānair arthakalaśaiḥ phalitam iva bhāgyasaṃpadā //

Harṣacarita, 6, 38.0 tiṣṭhantu tāvat ete tātenaiva śatasamadhikādhigatādhvaradhūmavisaradhūsaritavāsavavayasi sugṛhītanāmni tatrabhavati parāsutāṃ gate pitari kiṃ nākāri rājyam //