UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Agni
Show parallels
Show headlines
Use dependency labeler
Chapter id: 9774
- Click on a sentence to show its analysis
- Keep the mouse pointer over a lemma to show its meanings.
agre bṛhann uṣasām ūrdhvo asthān nir jaganvān tamaso jyotiṣāgāt / (1.1)
Par.?
agnir bhānunā ruśatā svaṅga ā jāto viśvā sadmāny aprāḥ // (1.2)
Par.?
sa jāto garbho asi rodasyor agne cārur vi bhṛta oṣadhīṣu / (2.1)
Par.?
citraḥ śiśuḥ pari tamāṃsy aktūn pra mātṛbhyo adhi kanikradad gāḥ // (2.2)
Par.?
viṣṇur itthā paramam asya vidvāñ jāto bṛhann abhi pāti tṛtīyam / (3.1)
Par.?
āsā yad asya payo akrata svaṃ sacetaso abhy arcanty atra // (3.2)
Par.?
ata u tvā pitubhṛto janitrīr annāvṛdham prati caranty annaiḥ / (4.1)
Par.?
tā īm praty eṣi punar anyarūpā asi tvaṃ vikṣu mānuṣīṣu hotā // (4.2) Par.?
hotāraṃ citraratham adhvarasya yajñasya yajñasya ketuṃ ruśantam / (5.1)
Par.?
pratyardhiṃ devasya devasya mahnā śriyā tv agnim atithiṃ janānām // (5.2)
Par.?
sa tu vastrāṇy adha peśanāni vasāno agnir nābhā pṛthivyāḥ / (6.1)
Par.?
aruṣo jātaḥ pada iḍāyāḥ purohito rājan yakṣīha devān // (6.2)
Par.?
ā hi dyāvāpṛthivī agna ubhe sadā putro na mātarā tatantha / (7.1)
Par.?
pra yāhy acchośato yaviṣṭhāthā vaha sahasyeha devān // (7.2)
Par.?
Duration=0.027430057525635 secs.