Texts

idāvatsarāya parivatsarāya saṃvatsarāya kṛṇutā bṛhan namaḥ / (1.1) Par.?

teṣāṃ vayaṃ sumatau yajñiyānām api bhadre saumanase syāma // (1.2) Par.?

ye vaḥ panthā bahavo devayānā anu dyāvāpṛthivī saṃcaranti / (2.1) Par.?

teṣām ajyāniṃ yatamo na āvahāt tasmai no devāḥ pari datta sarve // (2.2) Par.?

śarad dhemantaḥ śiśiro vasanto grīṣmo varṣā suvite no dadhāta / (3.1) Par.?

ā no goṣu bhajatauṣadhīṣu nivāta id vaḥ śaraṇe syāma // (3.2) Par.?

vaiśvānaro na ūtaya ā pra yātu parāvataḥ / (4.1) Par.?

agnir ukthair no aṃhasaḥ // (4.2) Par.?

vaiśvānaro na āgamad imaṃ yajñaṃ sajūḥ / (5.1) Par.?

upemāṃ suṣṭutiṃ mama // (5.2) Par.?

vaiśvānaro no aṅgirobhi stomaṃ yajñaṃ ca cākﾱpat / (6.1) Par.?

aiṣu dyumnaṃ svar yamat // (6.2) Par.?

ajaiṣaṃ tvā saṃlikhitam ajaiṣam uta saṃrudham / (7.1) Par.?

aviṃ vṛko yathā mathad evā mathnāmi te kṛtam // (7.2) Par.?

yathā vṛkṣam aśanir viśvahā hanty aprati / (8.1) Par.?

evāham amuṃ kitavam akṣair vadhyāsam aprati // (8.2) Par.?

turāṇām aturāṇāṃ viśāṃ devayatīnām / (9.1) Par.?

samaitu viśvato bhago antarhastaṃ kṛtaṃ mama // (9.2) Par.?

yāvad dyaur yāvat pṛthivī yāvad ābhāti sūryaḥ / (10.1) Par.?

tāvat sṛjāmi te viṣaṃ yāvad arṣanti sindhavaḥ // (10.2) Par.?

ucchvasanta ud īrate gāva āvasathād iva / (11.1) Par.?

ahīnāṃ paśyatā viṣam apavaktā na vidyate // (11.2) Par.?

ā jaghāna pṛṣad dhanuḥ saṃgathe dhamanīnām / (12.1) Par.?

mūrdhānaṃ viṣam āskadyāṅgāni vy asisrasat // (12.2) Par.?

mā no devā ahir vadhīt saṃtokān sahapūruṣān / (13.1) Par.?

saṃyataṃ na vi ṣparad vyāttaṃ na saṃ yamat // (13.2) Par.?

saṃ te dadhāmi dadbhir dataḥ saṃ te hanvā hanū / (14.1) Par.?

saṃ te jihvayā jihvāṃ saṃ ta āsnāha āsyam // (14.2) Par.?

namo 'haye asitāya namas tiraścirājaye / (15.1) Par.?

svajāya babhrave namo namo devajanebhyaḥ // (15.2) Par.?