Texts

camasaṃ pratigṛhya prastotā dakṣiṇa ūrāv ādhāya dakṣiṇena pāṇinā vidhāyāsīta // (1) Par.?

upahūyamānāyām iḍāyām anūpadhārayed anupaghnan // (2) Par.?

vaṣaṭkartur anubhakṣaṃ sarvatra bhakṣayeyuḥ // (3) Par.?

mitha upahūyodgātā prathamaḥ // (4) Par.?

dakṣiṇam anu bāhuṃ daṇḍaṃ kṛtvā śyena ity avekṣyendav iti dvir alpaṃ bhakṣayed yathāsavanaṃ chandāṃsy ādiśan // (5) Par.?

ūrdhva iti mukhyān prāṇān abhimṛśet // (6) Par.?

soma rārandhīti hṛdayam // (7) Par.?

soma gīrbhir iti nābhim // (8) Par.?

evam itarau kuryātāṃ pratihartā paścāt // (9) Par.?

taṃ sa āpyāyayed abhimṛśyāpyāyasvety etayā gāyatryā // (10) Par.?

sarve vā // (11) Par.?

tāṃ tṛtīyasavane dvir brūyuḥ // (12) Par.?

saṃ te payāṃsīti mādhyaṃdine // (13) Par.?

gāyatryaivānusavanam āpyāyayed iti śāṇḍilyaḥ // (14) Par.?

dvitīyāḥ savaneṣu nārāśaṃsāḥ // (15) Par.?

pūrvayoś ca tṛtīyau // (16) Par.?

teṣām anavekṣya bhakṣaṇam // (17) Par.?

avamair iti prātaḥsavane aurvair iti mādhyaṃdine kāvyair iti tṛtīyasavane // (18) Par.?

pitṛbhir iti sarvatrānusaṃharet // (19) Par.?

pratyabhimarśane yathākāmī // (20) Par.?

prathamadvitīyau pūrvayoḥ savanayor āpyāyayet // (21) Par.?

prathamaṃ tṛtīyasavane // (22) Par.?

āvṛttiṣu tṛṇe pratigṛhya prastotā prayacched yathāprastaram // (23) Par.?

anāhriyamāṇayor na mantraṃ jahyāt // (24) Par.?

tathaiva jaṅghām upahatya yuñjyāt stomaṃ dīkṣāyai tapaso manaso vāca iti // (25) Par.?

nānā dhānaṃjayyo yatrānantarāṇi catvāri // (26) Par.?

antaḥ sarveṣāṃ prajāpatis tveti // (27) Par.?

prathamenālpīyaḥsu // (28) Par.?

tatprabhṛtīni rātrau // (29) Par.?

tathātiriktastotreṣu // (30) Par.?

sarvair ekaikaṃ yathāmnāyaṃ śāṇḍilyaḥ // (31) Par.?

āvṛttinyāyaḥ saṃdhau // (32) Par.?

upavasathye 'hani na samāmaneran // (33) Par.?