Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14846
  • Click on a sentence to show its analysis
  • Keep the mouse pointer over a lemma to show its meanings.
payasyayā yajetāmayāvī // (1) Par.?
maitrāvaruṇī brāhmaṇasya syād aindrāvaruṇī rājanyasyāgnivāruṇī vaiśyasya // (2) Par.?
ṛddhyā evāgneyaḥ // (3) Par.?
maitro brāhmaṇo devatayā // (4) Par.?
varuṇagṛhīta eṣa ya āmayāvī // (5) Par.?
svām eva devatāṃ bhāgadheyenopadhāvati // (6) Par.?
varuṇād enaṃ vāruṇena muñcati // (7) Par.?
aindro rājanyo devatayā // (8) Par.?
varuṇagṛhīta eṣa ya āmayāvī // (9) Par.?
svām eva devatāṃ bhāgadheyenopadhāvati // (10) Par.?
varuṇād enaṃ vāruṇena muñcati // (11) Par.?
agnis sarvā devatāḥ // (12) Par.?
tatra vaiśyasyāpi varuṇagṛhīta eṣa ya āmayāvī // (13) Par.?
svām eva devatāṃ bhāgadheyenopadhāvati // (14) Par.?
varuṇād enaṃ vāruṇena muñcati // (15) Par.?
payasyā bhavati // (16) Par.?
payo vai payasyā // (17) Par.?
payaḥ puruṣaḥ // (18) Par.?
paya etasyāmayati yasyāmayati // (19) Par.?
payasaivāsya payas spṛṇoti // (20) Par.?
puroḍāśo bhavati // (21) Par.?
asthanvantam evainaṃ kṛtvā pratiṣṭhāpayati // (22) Par.?
paśur vai puruṣaḥ // (23) Par.?
paśuḥ puroḍāśaḥ // (24) Par.?
paśunaiva paśuṃ spṛṇoti // (25) Par.?
vyuhyāvadyati // (26) Par.?
yathānubhidya śalyaṃ nirharaty evam evāsyaitan madhyato yakṣmaṃ nirharati // (27) Par.?
samuhyāgnaye 'vadyati // (28) Par.?
yathā śalyaṃ nirhṛtya samāyatya saṃnahyaty evam eva tat // (29) Par.?
athaita ekakapālāḥ // (30) Par.?
na vai puruṣaṃ kapālair āptum arhati // (31) Par.?
ekadhaivainam āpnoti // (32) Par.?
aṣṭau bhavanti // (33) Par.?
aṣṭau vai puruṣasya śaphāḥ // (34) Par.?
śaphaśa evainam āpnoti // (35) Par.?
tān anuparicāraṃ juhoti // (36) Par.?
atrātra vai varuṇapāśaḥ // (37) Par.?
yatrayatraiva varuṇapāśas tata enaṃ varuṇān muñcati // (38) Par.?
vyṛddhā vā eṣāhutir yām anagnau juhoti // (39) Par.?
agnau sarve hotavyāḥ // (40) Par.?
agnis sarvā devatāḥ // (41) Par.?
tenaiva tān kāmān spṛṇoti // (42) Par.?
na vyṛddhām āhutiṃ juhoti // (43) Par.?
payasyayā yajeta sajātakāmaḥ // (44) Par.?
ṛddhyā evāgneyaḥ // (45) Par.?
maitro brāhmaṇo devatayā // (46) Par.?
varuṇagṛhīta eṣa yo 'laṃ sajātebhyas sann asajāto bhavati // (47) Par.?
svām eva devatāṃ bhāgadheyenopadhāvati // (48) Par.?
varuṇād enaṃ vāruṇena muñcati // (49) Par.?
payasyā bhavati // (50) Par.?
payo vai payasyā // (51) Par.?
payas sajātāḥ // (52) Par.?
payasaiva payo 'varunddhe // (53) Par.?
vyūhati // (54) Par.?
diśas tarpayati // (55) Par.?
samūhati // (56) Par.?
sajātān evāsmai samūhati // (57) Par.?
samānam ekakapālānāṃ brāhmaṇam // (58) Par.?
payasyayā yajeta paśukāmaḥ // (59) Par.?
ṛddhyā evāgneyaḥ // (60) Par.?
maitro brāhmaṇo devatayā // (61) Par.?
varuṇagṛhīta eṣa yo 'laṃ paśubhyas sann apaśur bhavati // (62) Par.?
svām eva devatāṃ bhāgadheyenopadhāvati // (63) Par.?
varuṇād enaṃ vāruṇena muñcati // (64) Par.?
payasyā bhavati // (65) Par.?
payo vai payasyā // (66) Par.?
payaḥ paśavaḥ // (67) Par.?
payasaiva payo 'varunddhe // (68) Par.?
vyūhati // (69) Par.?
diśas tarpayati // (70) Par.?
samūhati // (71) Par.?
paśūn evāsmai samūhati // (72) Par.?
samānam ekakapālānāṃ brāhmaṇam // (73) Par.?
payasyayā yajeta bubhūṣan // (74) Par.?
ṛddhyā evāgneyaḥ // (75) Par.?
maitro brāhmaṇo devatayā // (76) Par.?
varuṇagṛhīta eṣa yo 'laṃ bhūtyai san na bhavati // (77) Par.?
svām eva devatāṃ bhāgadheyenopadhāvati // (78) Par.?
varuṇād enaṃ vāruṇena muñcati // (79) Par.?
payasyā bhavati // (80) Par.?
payo vai payasyā // (81) Par.?
payaḥ puruṣaḥ // (82) Par.?
payasaiva payo 'varunddhe // (83) Par.?
vyūhati // (84) Par.?
diśas tarpayati // (85) Par.?
samūhati // (86) Par.?
bhūtim evāsmai samūhati // (87) Par.?
samānam ekakapālānāṃ brāhmaṇam // (88) Par.?
Duration=0.13419795036316 secs.