Texts

Help

Select a text:
Bibliography
Select a chapter:
 (no revisions)
Associated topic(s): kāmyapaśubandha, kāmya paśu

Show parallels  Show headlines
Use dependency labeler
Chapter id: 14915
  • Click on a sentence to show its analysis
  • Keep the mouse pointer over a lemma to show its meanings.
vāruṇaṃ kṛṣṇaṃ petvam ekaśitipādam ālabhetāmayāvī jyogāmayāvī // (1) Par.?
prajāpatiḥ prajā asṛjata // (2) Par.?
tā enam atyacaran // (3) Par.?
tā aticarantīr varuṇenāgrāhayat // (4) Par.?
tā jihmāḥ pannā aśerata varuṇagṛhītāḥ // (5) Par.?
tāḥ kṛṣṇaḥ petva āpravata // (6) Par.?
tasyābhihāya pādam agṛhṇāt // (7) Par.?
sa prāvṛhyata // (8) Par.?
sa ekaśitipād abhavat // (9) Par.?
tāḥ prajāpatā anāthanta // (10) Par.?
so 'paśyat // (11) Par.?
yo 'yam avaruṇagṛhītas tenainā varuṇān muñcānīti // (12) Par.?
taṃ vāruṇam ālabhata // (13) Par.?
tenainā varuṇād amuñcat // (14) Par.?
varuṇagṛhīta eṣa ya āmayāvī // (15) Par.?
yad vāruṇaḥ // (16) Par.?
varuṇād evainaṃ muñcati // (17) Par.?
dvīpe yajeta // (18) Par.?
āpo vai varuṇaḥ // (19) Par.?
samakṣam evainaṃ varuṇān muñcati // (20) Par.?
prajāpatiḥ paśūn sṛṣṭvā varuṇaṃ varam abhyasṛjat // (21) Par.?
sa etam avṛṇīta // (22) Par.?
tasmād varuṇadevatyaḥ // (23) Par.?
pāpmanaiṣa gṛhīto ya āmayāvī // (24) Par.?
kṛṣṇa iva pāpmā // (25) Par.?
yat kṛṣṇaḥ // (26) Par.?
pāpmānam evāpahate // (27) Par.?
yad ekaśitipāt // (28) Par.?
varuṇapāśam eva tena pramuñcate // (29) Par.?
āgneyam ajam ālabheta vāruṇaṃ kṛṣṇaṃ petvaṃ bubhūṣan // (30) Par.?
ṛddhyā evāgneyaḥ // (31) Par.?
varuṇagṛhīta eṣa yo 'laṃ bhūtyai san na bhavati // (32) Par.?
yad vāruṇaḥ // (33) Par.?
varuṇād evainaṃ muñcati // (34) Par.?
ardhaṃ vai puruṣasyāgneyam // (35) Par.?
ardhaṃ vāruṇam // (36) Par.?
asthāny āgneyāni māṃsāni vāruṇāni // (37) Par.?
tayor evainaṃ bhāgadheyena niṣkrīṇāti // (38) Par.?
so 'nṛṇo bhūtvā bhavaty eva // (39) Par.?
vāruṇaṃ kṛṣṇaṃ vṛṣṇim abhicarann ālabheta // (40) Par.?
mṛtyur vai varuṇaḥ // (41) Par.?
mṛtyunaivainaṃ grāhayati // (42) Par.?
etad vai pāpmano rūpam // (43) Par.?
kṛṣṇa iva pāpmā // (44) Par.?
yat kṛṣṇaḥ // (45) Par.?
pāpmanaivainam abhiṣuvati // (46) Par.?
paśuṃ badhnāmi varuṇāya rājña indrāya bhāgam ṛṣabhaṃ kevalo hi / (47.1) Par.?
gātrāṇi devā abhisaṃviśantu yamo gṛhṇātu nirṛtis sapatnān iti // (47.2) Par.?
etā vai devatāḥ puruṣasyeśate // (48) Par.?
tābhya evainam adhi niṣkrīya // (49) Par.?
mṛtyur yamaḥ // (50) Par.?
mṛtyunaivainaṃ grāhayati // (51) Par.?
Duration=0.075557947158813 secs.