Texts

Help

Select a text:
Bibliography
Select a chapter:
 (no revisions)
Associated topic(s): ekāha, third pressing, tṛtīyasavana

Show parallels  Show headlines
Use dependency labeler
Chapter id: 16073
  • Click on a sentence to show its analysis
  • Keep the mouse pointer over a lemma to show its meanings.
yo ha vā agniṣṭomaṃ sāhnaṃ vedāgniṣṭomasya sāhnasya sāyujyaṃ salokatām aśnute ya evaṃ veda // (1) Par.?
yo ha vā eṣa tapaty eṣo 'gniṣṭoma eṣa sāhnaḥ // (2) Par.?
taṃ sahaivāhnā saṃsthāpayeyuḥ // (3) Par.?
sāhno vai nāmaiṣaḥ // (4) Par.?
tenāsaṃtvaramāṇāś careyuḥ // (5) Par.?
yaddha vā idaṃ pūrvayoḥ savanayor asaṃtvaramāṇāś caranti tasmāddhedaṃ prācyo grāmatā bahulāviṣṭāḥ // (6) Par.?
atha yaddhedaṃ tṛtīyasavane saṃtvaramāṇāś caranti tasmāddhedaṃ pratyañci dīrghāraṇyāni bhavanti // (7) Par.?
yathaiva prātaḥsavana evaṃ mādhyaṃdine savana evaṃ tṛtīyasavane // (8) Par.?
evam u ha yajamāno 'pramāyuko bhavati // (9) Par.?
tenāsaṃtvaramāṇāś careyuḥ // (10) Par.?
yadā vā eṣa prātar udety atha mandratamaṃ tapati // (11) Par.?
tasmān mandratamayā vācā prātaḥsavane śaṃset // (12) Par.?
atha yadābhyety atha balīyas tapati // (13) Par.?
tasmād balīyasyā vācā mādhyaṃdine savane śaṃset // (14) Par.?
atho yadābhitarām ety atho baliṣṭhatamaṃ tapati // (15) Par.?
tasmād baliṣṭhatamayā vācā tṛtīyasavane śaṃset // (16) Par.?
evaṃ śaṃsed yadi vāca īśīta // (17) Par.?
vāgghi śastram // (18) Par.?
yayā tu vacottariṇyottariṇyotsaheta samāpanāya tayā pratipadyeta // (19) Par.?
etat suśastataram iva bhavati // (20) Par.?
sa vā eṣa na kadā canāstam ayati nodayati // (21) Par.?
tad yad enaṃ paścād astam ayatīti manyante 'hna eva tad antaṃ gatvāthātmānaṃ viparyasyate // (22) Par.?
ahar evādhastāt kṛṇute rātrīṃ parastāt // (23) Par.?
sa vā eṣa na kadā canāstam ayati nodayati // (24) Par.?
tad yad enaṃ purastād udayatīti manyante rātrer eva tad antaṃ gatvāthātmānaṃ viparyasyate // (25) Par.?
rātrim evādhastāt kṛṇute 'haḥ parastāt // (26) Par.?
sa vā eṣa na kadā canāstam ayati nodayati // (27) Par.?
na ha vai kadā cana nimrocati // (28) Par.?
etasya ha sāyujyaṃ salokatām aśnute ya evaṃ veda // (29) Par.?
Duration=0.076514005661011 secs.