Texts

Help

Select a text:
Bibliography
Select a chapter:
 (no revisions)
Associated topic(s): brahman priest

Show parallels  Show headlines
Use dependency labeler
Chapter id: 16523
  • Click on a sentence to show its analysis
  • Keep the mouse pointer over a lemma to show its meanings.
indro ha vai viśvāmitrāyoktham uvāca / (1.1) Par.?
vasiṣṭhāya brahma / (1.2) Par.?
vāg uktham ity eva viśvāmitrāya / (1.3) Par.?
mano vāva brahma vasiṣṭhāya // (1.4) Par.?
tad vā etad vāsiṣṭhaṃ brahma // (2.1) Par.?
api haivaṃvidaṃ vā vāsiṣṭhaṃ vā brahmāṇaṃ kurvīta // (3.1) Par.?
tad yathobhayavartaninā rathena yāṃ yāṃ diśaṃ prārthayate tāṃ tām abhiprāpnoty evam etenobhayavartaninā yajñena yaṃ kāmaṃ kāmayate tam abhyaśnute // (4.1) Par.?
athārdhabhāg vai manaḥ prāṇānām / (5.1) Par.?
sa yad vyāharati vāci tan manaḥ pratiṣṭhāpayati / (5.2) Par.?
tad yathaikavartaninā rathena na kāṃcana diśaṃ vyaśnute tādṛg etat // (5.3) Par.?
yāvad ṛcā yajuṣā sāmnā kuryus tāvad brahmā vācaṃyamo bubhūṣet // (6.1) Par.?
prajāpatir vā imāṃs trīn vedān asṛjata / (7.1) Par.?
ta enaṃ sṛṣṭā nādhinvan tān abhyapīḍayat / (7.2) Par.?
tebhyo bhūr bhuvaḥ svar ity akṣarat / (7.3) Par.?
bhūr ity ṛgbhyo 'kṣarat / (7.4) Par.?
so 'yaṃ loko 'bhavat / (7.5) Par.?
bhuvar iti yajurbhyo 'kṣarat / (7.6) Par.?
so 'ntarikṣaloko 'bhavat / (7.7) Par.?
svar iti sāmabhyo 'kṣarat / (7.8) Par.?
sa svargo loko 'bhavat // (7.9) Par.?
tad yad ṛkta ulbaṇaṃ kriyeta gārhapatyaṃ paretya bhūḥ svāheti juhuyāt / (8.1) Par.?
ayaṃ vai loko gārhapatyo 'yaṃ loka ṛgvedas tad vā imaṃ ca lokam ṛgvedaṃ ca svena rasena samardhayati // (8.2) Par.?
atha yadi yajuṣṭa ulbaṇaṃ kriyetānvāhāryapacanaṃ paretya bhuvaḥ svāheti juhuyāt / (9.1) Par.?
antarikṣaloko vā anvāhāryapacano 'ntarikṣaloko yajurvedaḥ / (9.2) Par.?
tad vā antarikṣalokaṃ ca yajurvedaṃ ca svena rasena samardhayati // (9.3) Par.?
atha yadi sāmata ulbaṇaṃ kriyetāhavanīyaṃ paretya svaḥ svāheti juhuyāt / (10.1) Par.?
svargo vai loka āhavanīyaḥ / (10.2) Par.?
svargo lokaḥ sāmavedaḥ / (10.3) Par.?
tad vai svargaṃ ca lokaṃ sāmavedaṃ ca svena rasena samardhayati // (10.4) Par.?
ato vāva yatamasminn eva katamasmiṃścolbaṇaṃ kriyeta sarveṣv evānuparyāyaṃ juhuyāt / (11.1) Par.?
tathā hāsya yajño 'skannaḥ svagākṛto bhavatīti // (11.2) Par.?
atha skannād vā bhinnād vā tredhā yajña utkrāmati devān divaṃ tṛtīyam antarikṣaṃ manuṣyāṃs tṛtīyaṃ pṛthivīṃ pitṝṃs tṛtīyam // (12.1) Par.?
tad abhimṛśed devān divaṃ yajño 'gāt tato mā draviṇam aṣṭu / (13.1) Par.?
antarikṣaṃ manuṣyān yajño 'gāt tato mā draviṇam aṣṭu / (13.2) Par.?
pṛthivīṃ pitṝn yajño 'gāt tato mā draviṇam aṣṭu / (13.3) Par.?
yatra kva ca yajño 'gāt tato mā draviṇam aṣṭu / (13.4) Par.?
iti / (13.5) Par.?
tad vā ātmānaṃ ca yajamānaṃ ca svena rasena samardhayati // (13.6) Par.?
varuṇo vā etad viṣṇau yajñam upārpayati // (14.1) Par.?
yad yajña ulbaṇaṃ kriyate tad apa upaninayed yayor ojasā skabhitā rajāṃsi vīryebhir vīratamā śaviṣṭhā yā patyete apratītā sahobhir viṣṇū agan varuṇā pūrvahūtau svāheti tad vā ātmānaṃ ca yajamānaṃ ca svena rasena samardhayati // (15.1) Par.?
Duration=0.22527980804443 secs.