UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 1791
- Click on a sentence to show its analysis
- Keep the mouse pointer over a lemma to show its meanings.
saptamoddiṣṭasaṃskāraṃ spaṣṭayannāha itītyādi // (1)
Par.?
iti pūrvoktavidhānena yantraṇādinā tadanu rodhanānantaram asau capalaścañcalo raso niyamyate karmavidā saṃniyamanaṃ kriyate // (2)
Par.?
kasmāt phaṇīlaśunāmbujamārkavakarkoṭīciñcikāsvedāt phaṇī tāmbūlaṃ laśunaṃ rasonaḥ ambujaṃ lavaṇaṃ mārkavaḥ bhṛṅgarājaḥ karkoṭīti pratītā vandhyā ciñcikā amlikā etābhiḥ saha yaḥ svedaḥ yantre agnitāpaḥ tasmāt // (3)
Par.?
kiṃviśiṣṭaḥ samyak labdhavīryaḥ prāptabalo vīryavān rasaḥ capalatvanivṛttaye niyamyata ityarthaḥ // (4)
Par.?
viśeṣaścātra kācakūpīṃ mṛdā lipya raso madhye vimucyate / (5.1)
Par.?
kalāṃśaṃ ṭaṅkaṇaṃ dattvā madhye kiṃcit pradīyate // (5.2)
Par.?
dvāramudrā prakartavyā vajramṛttikayā dṛḍhā / (6.1)
Par.?
bhūgarbhe kūpikāṃ sthāpya sitayā garbhapūraṇam // (6.2)
Par.?
karīṣāgniḥ prakartavya ekaviṃśaddināvadhi / (7.1)
Par.?
ayaṃ niyāmako nāma vahnipratyantakārakaḥ // (7.2)
Par.?
rodhanāllabdhavīryasya capalatvanivṛttaye / (8.1)
Par.?
kriyate yo rasasvedaḥ proktaṃ niyamanaṃ hi tat // (8.2)
Par.?
yantralakṣaṇaṃ tu / (10.1)
Par.?
catuḥprasthajalādhāraṃ caturaṅgulakānanam / (10.2)
Par.?
ghaṭayantramidaṃ proktaṃ tadāpyāyanakaṃ smṛtam iti // (10.3)
Par.?
Duration=0.033545970916748 secs.