UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Yoga
Show parallels
Show headlines
Use dependency labeler
Chapter id: 2154
- Click on a sentence to show its analysis
- Keep the mouse pointer over a lemma to show its meanings.
padārthānāṃ bhedahetavaḥ jātilakṣaṇadeśā bhavanti // (1)
Par.?
kvacidbhedahetur jātiḥ yathā gauriyaṃ mahiṣīyam iti // (2)
Par.?
jātyā tulyayoḥ lakṣaṇaṃ bhedahetuḥ yathā iyaṃ karburā iyam aruṇeti // (3)
Par.?
jātyā lakṣaṇena cābhinnayor bhedahetur deśo dṛṣṭaḥ yathā tulyapramāṇayorāmalakayor bhinnadeśasthitayoḥ // (4)
Par.?
yatra punarbhedo'vadhārayituṃ na śakyate yathaikadeśasthitayoḥ śuklayoḥ pārthivayoḥ paramāṇvoḥ // (5)
Par.?
tathāvidhe viṣaye bhedāya kṛtasaṃyamasya yadā bhedena jñānamupajāyate tadā tadabhyāsāt sūkṣmāṇyapi tattvāni bhedena pratipādyante // (6)
Par.?
etad uktaṃ bhavati yatra kenacid upāyena bhedo nāvadhārayituṃ śakyastatra saṃyamādbhavatyeva bhedapratipattiḥ sūkṣmāṇāṃ tattvānāṃ // (7)
Par.?
uktasya vivekajanyajñānasya saṃjñāṃ viṣayaṃ svabhāvyaṃ vyākhyātum āha // (8.1)
Par.?
Duration=0.049288034439087 secs.