Texts

atha lohakalpaḥ // (1) Par.?

pātañjale tathā tantre lohā bahuvidhā matāḥ // (2) Par.?

duṣprāpyatvānniṣphalatvācca likhyate hi bhidā mayā // (3) Par.?

cārutvād bhadravajraṃ tu pāṇḍikāntādayo yathā / (4.1) Par.?

rūpairguṇaiśca kathyante te nāgārjunadeśataḥ // (4.2) Par.?

sāmānyāddviguṇaṃ proktaṃ tasmādaṣṭaguṇaṃ kaliḥ / (5.1) Par.?

kalerdaśaguṇaṃ bhadraṃ bhadrādvajraṃ sahasradhā // (5.2) Par.?

vajrāt sahasraguṇitāt pāḍinī daśabhirguṇaiḥ / (6.1) Par.?

tataḥ koṭisahasratvād ayaḥ kāntaṃ mahāphalam // (6.2) Par.?

iti // (7) Par.?

tatra viśeṣa ucyate / (8.1) Par.?

kāñjījitaṃ tulāṅgaṃ syādājyavarṇamayo viduḥ / (8.2) Par.?

kāśatāḍaṃ kṛśāṅgaṃ ca śulāṃ gandho dudeśatam // (8.3) Par.?

paṇḍitaṃ dvividhaṃ kṛṣṇaṃ śuklaṃ ca samatārdrakam / (9.1) Par.?

bhadrameraṇḍabījābhaṃ snuhīpatranibhaṃ tathā // (9.2) Par.?

vajraṃ damanapatrābham īṣat svarṇacchavistathā / (10.1) Par.?

kāntaṃ mṛdutaraṃ tārarukmakāntaḥ sitākaram // (10.2) Par.?

svāduryatra bhavennimbakalko rātridivoṣitaḥ / (11.1) Par.?

kāntaṃ taduttamaṃ yacca śilārūpeṇa vārttikam // (11.2) Par.?

kahvoṇam uttamaṃ kāntam ato'nyanmadhyamaṃ matam / (12.1) Par.?

kṣudrāṇḍaṃ gurutāḍaṃ syātkaliṅgajamayo matam // (12.2) Par.?

rukmārukmapratīkāśaṃ tīkṣṇaṃ mṛduphalaṃ matam / (13.1) Par.?

tattadākarasambhūtaṃ tattadrogavināśanam // (13.2) Par.?

tena tasya parīkṣāyāṃ yāte madimadetakam / (14.1) Par.?

iti lohabhedāḥ // (14.2) Par.?

atha māraṇam // (15) Par.?

vajraṃ pañcādikaṃ teṣāṃ bhedā yājyatamaṃ śubham / (16.1) Par.?

prākpañcapalād ūrdhvaṃ yāvad ā ṣoḍaśaṃ palam // (16.2) Par.?

atha lohaśodhanam / (17.1) Par.?

triphalātriguṇaistoyais triphalā ṣoḍaśaṃ palam / (17.2) Par.?

tatkvāthe pādaśeṣe tu lohasya palapañcakam // (17.3) Par.?

kṛtvā patrāṇi taptāni saptavāraṃ niṣecayet / (18.1) Par.?

evaṃ pralīyate doṣo girijo lohasaṃbhavaḥ // (18.2) Par.?

iti // (19) Par.?

atha māraṇe puṭapraśaṃsā / (20.1) Par.?

puṭairdoṣavināśaḥ syāt puṭādeva guṇodayaḥ / (20.2) Par.?

mriyate ca puṭāllohaṃ puṭāṃstasmātsamācaret // (20.3) Par.?

yathā yathā pradīyante puṭāśca bahavo'yasi / (21.1) Par.?

tathā tathā pravardhante guṇāḥ śatasahasraśaḥ // (21.2) Par.?

tāvallohaṃ puṭedvaidyo yāvaccūrṇīkṛtaṃ jale / (22.1) Par.?

tannistarellaghutvena nīre tarati haṃsavat // (22.2) Par.?

tāvanna cūrṇayedevaṃ yāvatkajjalisaṃnibham / (23.1) Par.?

karoti nihitaṃ netre naiva pīḍā manāgapi // (23.2) Par.?

puṭe puṭe kvāthayitvā sthālīpākaṃ pradāpayet / (24.1) Par.?

puṭaikamantare vāpi kṣālanaṃ vyayabhītitaḥ // (24.2) Par.?

iti // (25) Par.?

atha doṣabhedena puṭānāha / (26.1) Par.?

pākaḥ phalāmbudaśamūlarasena vāyau pitte tu śītamadhurais triphalairvidāryāḥ / (26.2) Par.?

tajjñaiḥ śatāvarijaṭāsvarasena deyaḥ śleṣmāṇake tu daśamūlarasārdrakeṇa // (26.3) Par.?

vātaśleṣmavikāreṣu śvayathau vividhātmake / (27.1) Par.?

varṣābhūśṛṅgaverābhyāṃ māṇakena viśeṣataḥ // (27.2) Par.?

iti // (28) Par.?

māṇakaḥ māṇakandaḥ / (29.1) Par.?

pittānile pittayute ca rakte drākṣāvidārīśatamūlikābhiḥ / (29.2) Par.?

kṣīrakākolīkākolyā ca madhūkapuṣpaiḥ kharjūrakeṇāpi // (29.3) Par.?

tathaiva deyāḥ // (30) Par.?

atha vyādhibhedena puṭānāha / (31.1) Par.?

jīrṇajvare guḍūcī kāse śvāse ca śasyate vyāghrī / (31.2) Par.?

yakṣmāsṛk pittarujorvāsā śastā balā nāma // (31.3) Par.?

nāsāvraṇaśoṇitaśāntyarthaṃ svarasayavadūrvāyāḥ / (32.1) Par.?

kaṅkellicchallasalilaṃ śastaṃ pradareṣu sarveṣu // (32.2) Par.?

niculadalodbhavasalilaiḥ pravāhikāyāṃ ca śasyate sutarām / (33.1) Par.?

grahaṇīṣu mustakānāṃ kuṭajakvāthātisāreṣu // (33.2) Par.?

mehe varāvare kṛcchre pāṣāṇabhedikātivane / (34.1) Par.?

varṣābhūnāgarayoḥ kvāthaḥ śvayathupraśāntyartham // (34.2) Par.?

gomūtraṃ triṣu śastam udarāpasmārapāṇḍurogeṣu / (35.1) Par.?

astreṣu māṇakando gulme rohītakaḥ kvāthaḥ // (35.2) Par.?

hikkāśvāse brāhmībhārgīsvarasena śastaśca / (36.1) Par.?

eraṇḍanāgarayoḥ kvāthaḥ sāme'tiśastaḥ // (36.2) Par.?

śūleṣu daśamūlena gomūtreṇa phalāmbunā / (37.1) Par.?

yakṛti plīhni dātavyo gṛhakanyārkajaṃ payaḥ // (37.2) Par.?

devadāruviḍaṅgena palāśena kṛmau mataḥ / (38.1) Par.?

kuṣṭhe sampākanimbena saptaparṇāṭarūṣakaiḥ // (38.2) Par.?

bhallātakena vākucyavṛndārkeṇāśanena ca / (39.1) Par.?

madhurekṣurasaṃpākaiḥ abhīrūvaruṇena ca // (39.2) Par.?

eraṇḍatṛṇapañcānāṃ mūlaiḥ śailūṣakena ca / (40.1) Par.?

triphalena ca kartavyo mūlastambhe tridoṣaje // (40.2) Par.?

aśmarīṣu ca sarvāsu mūtrāghāte viśeṣataḥ / (41.1) Par.?

vṛkṣakṣīrāmṛtā drākṣā abhīrūdaśamūlakaiḥ // (41.2) Par.?

vājigandhānvitairebhiḥ kṣayeṣu ca nigadyate / (42.1) Par.?

amlapitte śatāvaryāḥ puṭā deyāśca sarvataḥ // (42.2) Par.?

muṇḍikā śatamūlī ca citrāṅgakarikarṇakeśarājaistu / (43.1) Par.?

madhukaguḍūcīmārkavamusalībhallātakaiḥ kalpe rasāyane nāgabalā hayagandhā gokarṇakavṛddhadārakāmalakī vājīkaraṇe vihitā vānarīśatamūlikā kṣurikā jñātvaivam // (43.2) Par.?

rogaviśeṣānebhirvāratrayaṃ puṭena sthālīpāke adhikataḥ puruṣasvabhāvaṃ buddhimānkathitamapi hemamauṣadham ucitam upādeyam anyadapi // (44) Par.?

yaḥ kalpakāmaḥ kurute ca lohaṃ sa sarvaśaṅkāparivarjitāṅgaḥ / (45.1) Par.?

dviraṣṭavarṣākṛtireṣa nityaṃ jīveta pṛthivyāmamaropamānaḥ / (45.2) Par.?

iti // (45.3) Par.?

lohakalpaḥ samāptaḥ // (46) Par.?

atha kiṭṭam // (47) Par.?

gomūtratriphalākvāthe taptaṃ śodhyaṃ trisaptadhā / (48.1) Par.?

svarṇādisarvalohānāṃ kiṭṭasya ca guṇāvaham / (48.2) Par.?

iti lohādikiṭṭamāraṇam // (48.3) Par.?

atha svarṇādidhātubhakṣaṇapramāṇam // (49) Par.?

yavadvayaṃ prayoktavyaṃ hemaguñjāṣṭakāvadhi / (50.1) Par.?

tāraṃ taddviguṇaṃ lohamanyat tattriguṇātmakam // (50.2) Par.?