Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra, dharma

Show parallels  Show headlines
Use dependency labeler
Chapter id: 5576
  • Click on a sentence to show its analysis
  • Keep the mouse pointer over a lemma to show its meanings.
atha na kaṃcanāvamanyeta // (1.1) Par.?
na ca hīnādhikāṅgān mūrkhān dhanahīnān avahaset // (2.1) Par.?
na hīnān seveta // (3.1) Par.?
svādhyāyavirodhi karma nācaret // (4.1) Par.?
vayo'nurūpaṃ veṣaṃ kuryāt // (5.1) Par.?
śrutasyābhijanasya dhanasya deśasya ca // (6.1) Par.?
noddhataḥ // (7.1) Par.?
nityaṃ śāstrādyavekṣī syāt // (8.1) Par.?
sati vibhave na jīrṇamalavadvāsāḥ syāt // (9.1) Par.?
na nāstītyabhibhāṣeta // (10.1) Par.?
na nirgandhogragandhi raktaṃ ca mālyaṃ bibhṛyāt // (11.1) Par.?
bibhṛyāj jalajaṃ raktam api // (12.1) Par.?
yaṣṭiṃ ca vaiṇavīm // (13.1) Par.?
kamaṇḍaluṃ ca sodakam // (14.1) Par.?
kārpāsam upavītam // (15.1) Par.?
raukme ca kuṇḍale // (16.1) Par.?
nādityam udyantam īkṣeta // (17.1) Par.?
nāstaṃ yāntam // (18.1) Par.?
na vāsasā tirohitam // (19.1) Par.?
na cādarśajalamadhyastham // (20.1) Par.?
na madhyāhne // (21.1) Par.?
na kruddhasya guror mukham // (22.1) Par.?
na tailodakayoḥ svāṃ chāyām // (23.1) Par.?
na malavatyādarśe // (24.1) Par.?
na patnīṃ bhojanasamaye // (25.1) Par.?
na striyaṃ nagnām // (26.1) Par.?
na kaṃcana mehamānam // (27.1) Par.?
na cālānabhraṣṭaṃ kuñjaram // (28.1) Par.?
na ca viṣamastho vṛṣādiyuddham // (29.1) Par.?
nonmattam // (30.1) Par.?
na mattam // (31.1) Par.?
nāmedhyam agnau prakṣipet // (32.1) Par.?
nāsṛk // (33.1) Par.?
na viṣam // (34.1) Par.?
ambhasyāpi // (35.1) Par.?
nāgniṃ laṅghayet // (36.1) Par.?
na pādau pratāpayet // (37.1) Par.?
na kuśeṣu parimṛjyāt // (38.1) Par.?
na kāṃsyabhājane dhāvayet // (39.1) Par.?
na pādaṃ pādena // (40.1) Par.?
na bhuvam ālikhet // (41.1) Par.?
na loṣṭamardī syāt // (42.1) Par.?
na tṛṇacchedī syāt // (43.1) Par.?
na dantair nakhalomāni chindyāt // (44.1) Par.?
dyūtaṃ ca varjayet // (45.1) Par.?
bālātapasevāṃ va // (46.1) Par.?
vastropānahamālyopavītānyanyadhṛtāni na dhārayet // (47.1) Par.?
na śūdrāya matiṃ dadyāt // (48.1) Par.?
nocchiṣṭahaviṣī // (49.1) Par.?
na tilān // (50.1) Par.?
na cāsyopadiśed dharmam // (51.1) Par.?
na vratam // (52.1) Par.?
na saṃhatābhyāṃ pāṇibhyāṃ śira udaraṃ ca kaṇḍūyet // (53.1) Par.?
na dadhisumanasī pratyācakṣīta // (54.1) Par.?
nātmanaḥ srajam apakarṣet // (55.1) Par.?
suptaṃ na prabodhayet // (56.1) Par.?
na raktaṃ virāgayet // (57.1) Par.?
nodakyām abhibhāṣeta // (58.1) Par.?
na mlecchāntyajān // (59.1) Par.?
agnidevabrāhmaṇasaṃnidhau dakṣiṇaṃ pāṇim uddharet // (60.1) Par.?
na parakṣetre carantīṃ gām ācakṣīta // (61.1) Par.?
na pibantaṃ vatsakam // (62.1) Par.?
noddhatān praharṣayet // (63.1) Par.?
na śūdrarājye nivaset // (64.1) Par.?
nādhārmikajanākīrṇe // (65.1) Par.?
na saṃvased vaidyahīne // (66.1) Par.?
nopasṛṣṭe // (67.1) Par.?
na ciraṃ parvate // (68.1) Par.?
na vṛthāceṣṭāṃ kuryāt // (69.1) Par.?
na nṛtyagīte // (70.1) Par.?
nāsphoṭanam // (71.1) Par.?
nāślīlaṃ kīrtayet // (72.1) Par.?
nānṛtam // (73.1) Par.?
nāpriyam // (74.1) Par.?
na kaṃcin marmaṇi spṛśet // (75.1) Par.?
nātmānam avajānīyād dīrgham āyur jijīviṣuḥ // (76.1) Par.?
ciraṃ saṃdhyopāsanaṃ kuryāt // (77.1) Par.?
na sarpaśastraiḥ krīḍet // (78.1) Par.?
animittataḥ khāni na spṛśet // (79.1) Par.?
parasya daṇḍaṃ nodyacchet // (80.1) Par.?
śāsyaṃ śāsanārthaṃ tāḍayet // (81.1) Par.?
taṃ veṇudalena rajjvā vā pṛṣṭhe // (82.1) Par.?
devabrāhmaṇaśāstramahātmanāṃ parivādaṃ pariharet // (83.1) Par.?
dharmaviruddhau cārthakāmau // (84.1) Par.?
lokavidviṣṭaṃ ca dharmam api // (85.1) Par.?
parvasu ca śāntihomān kuryāt // (86.1) Par.?
na tṛṇam api chindyāt // (87.1) Par.?
alaṃkṛtaśca tiṣṭhet // (88.1) Par.?
evam ācārasevī syāt // (89.1) Par.?
śrutismṛtyuditaṃ dharmyaṃ sādhubhiśca niṣevitam / (90.1) Par.?
tam ācāraṃ niṣeveta dharmakāmo jitendriyaḥ // (90.2) Par.?
ācārāllabhate cāyur ācārād īpsitāṃ gatim / (91.1) Par.?
ācārād dhanam akṣayyam ācārāddhantyalakṣaṇam // (91.2) Par.?
sarvalakṣaṇahīno 'pi yaḥ sadācāravān naraḥ / (92.1) Par.?
śraddadhāno 'nasūyaśca śataṃ varṣāṇi jīvati // (92.2) Par.?
Duration=0.2249231338501 secs.