Texts

Help

Select a text:
Bibliography

Select a chapter:
(no revisions)

Associated topic(s): Logic, Nyāya, study, śiṣya, adhyāya

Show parallels Show headlines
Use dependency labeler

Chapter id: 7217

Click on a sentence to show its analysis
Keep the mouse pointer over a lemma to show its meanings.

tattvajñānotpattiprakaraṇam

doṣanimittānāṃ tattvajñānādahaṅkāranivṛttiḥ // (1) Par.?

doṣanimittaṃ rūpādayo viṣayaḥ saṅkalpakṛtāḥ // (2) Par.?

tannimittaṃ tvavayavyabhimānaḥ // (3) Par.?

prāsaṅgikam avayaviprakaraṇam

vidyāvidyādvaividhyāt saṃśayaḥ // (4) Par.?

tadasaṃśayaḥ pūrvahetuprasiddhatvāt // (5) Par.?

vṛttyanupapatterapi tarhi na saṃśayaḥ // (6) Par.?

kṛtsnaikadeśāvṛttitvād avayavānām avayavyabhāvaḥ // (7) Par.?

teṣu cāvṛtteravayavyabhāvaḥ // (8) Par.?

pṛthak cāvayavebhyo 'vṛtteḥ // (9) Par.?

na cāvayavyavayavāḥ // (10) Par.?

ekasmin bhedābhāvād bhedaśabdaprayogānupapatterapraśnaḥ // (11) Par.?

avayavāntarabhāve 'pyavṛtterahetuḥ // (12) Par.?

keśasamūhe taimirikopalabdhivat tadupalabdhiḥ // (13) Par.?

svaviṣayānatikrameṇendriyasya paṭumandabhāvādviṣayagrahaṇasya tathābhābo nāviṣaye pravṛttiḥ // (14) Par.?

avayavāvayaviprasaṅgaścaivam ā pralayāt // (15) Par.?

na pralayo 'ṇusadbhāvāt // (16) Par.?

paraṃ vā truṭeḥ // (17) Par.?

aupodghātikaṃ niravayavaprakaraṇam

ākāśavyatibhedāt tadanupapattiḥ // (18) Par.?

ākāśāsarvagatatvaṃ vā // (19) Par.?

antarbahiśca kāryadravyasya kāraṇāntaravacanād akārye tadabhāvaḥ // (20) Par.?

śabdasaṃyogavibhāvācca sarvagatam // (21) Par.?

avyūhāviṣṭambhavibhutvāni cākāśadharmāḥ // (22) Par.?

mūrtimatāṃ ca saṃsthānopapatter avayavasadbhāvaḥ // (23) Par.?

saṃyogopapatteśca // (24) Par.?

anavasthākāritvād anavasthānupapatteś cāpratiṣedhaḥ // (25) Par.?

bāhyārthabhaṅganirākaraṇaprakaraṇam

buddhyā vivecanāttu bhāvānāṃ yāthātmyānupalabdhistantvapakarṣaṇe paṭasadbhāvānupalabdhivat tadanupalabdhiḥ // (26) Par.?

vyāhatatvādahetuḥ // (27) Par.?

tadāśrayatvādapṛthaggrahaṇam // (28) Par.?

pramāṇataścārthapratipatteḥ // (29) Par.?

pramāṇānupapattyupapattibhyām // (30) Par.?

svapnaviṣayābhimānavadayaṃ pramāṇaprameyābhimānaḥ // (31) Par.?

māyāgandharvanagaramṛgatṛṣṇikāvadvā // (32) Par.?

hetvabhāvādasiddhiḥ // (33) Par.?

smṛtisaṃkalpavacca svapnaviṣayābhimānaḥ // (34) Par.?

mithyopalabdher vināśastattvajñānāt svapnaviṣayābhimānapraṇāśavat pratibodhe // (35) Par.?

buddheścaivaṃ nimittasadbhāvopalambhāt // (36) Par.?

tattvapradhānabhedācca mithyābuddherdvaividhyopapattiḥ // (37) Par.?

tattvajñānavivṛddhiprakaraṇam

samādhiviśeṣābhyāsāt // (38) Par.?

nārthaviśeṣaprābalyāt // (39) Par.?

kṣudādibhiḥ pravartanācca // (40) Par.?

pūrvakṛtaphalānubandhāt tadutpattiḥ // (41) Par.?

araṇyaguhāpulinādiṣu yogābhyāsopadeśaḥ // (42) Par.?

apavarge 'pyevaṃ prasaṅgaḥ // (43) Par.?

na niṣpannāvaśyambhāvitvāt // (44) Par.?

tadabhāvaścāpavarge // (45) Par.?

tadarthaṃ yamaniyamābhyāsātmasaṃskāro yogāccādhyātmavidhyupāyaiḥ // (46) Par.?

jñānagrahaṇābhyāsas tadvidyaiśca saha saṃvādaḥ // (47) Par.?

taṃ śiṣyagurusabrahmacāriviśiṣṭaśreyo'rthibhir anasūyibhir abhyupeyāt // (48) Par.?

pratipakṣahīnam api vā prayojanārthamarthitve // (49) Par.?

tattvajñānaparipālanaprakaraṇam

tattvādhyavasāyasaṃrakṣaṇārthaṃ jalpavitaṇḍe bījaprarohasaṃrakṣaṇārthaṃ kaṇṭakaśākhāvaraṇavat // (50) Par.?

tābhyāṃ vigṛhyakathanam // (51) Par.?

Duration=0.08965277671814 secs.