Texts

Help

Select a text:
Bibliography
Select a chapter:
 (no revisions)
Associated topic(s): Court, Dharmaśāstra, process, jurisdiction

Show parallels  Show headlines
Use dependency labeler
Chapter id: 7927
  • Click on a sentence to show its analysis
  • Keep the mouse pointer over a lemma to show its meanings.
niyuktena tu vaktavyam apakṣapatitaṃ vacaḥ // (1.1) Par.?
yuktarūpaṃ bruvan sabhyo nāpnuyād dveṣakilbiṣe / (2.1) Par.?
bruvāṇas tv anyathā sabhyas tad evobhayam āpnuyāt // (2.2) Par.?
rājā tu dhārmikān sabhyān niyuñjyāt suparīkṣitān / (3.1) Par.?
vyavahāradhuraṃ voḍhuṃ ye śaktāḥ sadgavā iva // (3.2) Par.?
dharmaśāstrārthakuśalāḥ kulīnāḥ satyavādinaḥ / (4.1) Par.?
samāḥ śatrau ca mitre ca nṛpateḥ syuḥ sabhāsadaḥ // (4.2) Par.?
tatpratiṣṭhaḥ smṛto dharmo dharmamūlaś ca pārthivaḥ / (5.1) Par.?
saha sadbhir ato rājā vyavahārān viśodhayet // (5.2) Par.?
śuddheṣu vyavahāreṣu śuddhiṃ yānti sabhāsadaḥ / (6.1) Par.?
śuddhiś ca teṣāṃ dharmāddhi dharmam eva vadet tataḥ // (6.2) Par.?
yatra dharmo hy adharmeṇa satyaṃ yatrānṛtena ca / (7.1) Par.?
hanyate prekṣamāṇānāṃ hatās tatra sabhāsadaḥ // (7.2) Par.?
viddho dharmo hy adharmeṇa sabhāṃ yatropatiṣṭhate / (8.1) Par.?
na ced viśalyaḥ kriyate viddhās tatra sabhāsadaḥ // (8.2) Par.?
sabhā vā na praveṣṭavyā vaktavyaṃ vā samañjasam / (9.1) Par.?
abruvan vibruvan vāpi naro bhavati kilbiṣī // (9.2) Par.?
ye tu sabhyāḥ sabhāṃ gatvā tūṣṇīṃ dhyāyanta āsate / (10.1) Par.?
yathāprāptaṃ na bruvate sarve te 'nṛtavādinaḥ // (10.2) Par.?
pādo 'dharmasya kartāraṃ pādaḥ sākṣiṇam ṛcchati / (11.1) Par.?
pādaḥ sabhāsadaḥ sarvān pādo rājānam ṛcchati // (11.2) Par.?
rājā bhavaty anenās tu mucyante ca sabhāsadaḥ / (12.1) Par.?
eno gacchati kartāraṃ nindārho yatra nindyate // (12.2) Par.?
andho matsyān ivāśnāti nirapekṣaḥ sakaṇṭakān / (13.1) Par.?
parokṣam arthavaikalyād bhāṣate yaḥ sabhāṃ gataḥ // (13.2) Par.?
tasmāt sabhyaḥ sabhāṃ prāpya rāgadveṣavivarjitaḥ / (14.1) Par.?
vacas tathāvidhaṃ brūyād yathā na narakaṃ patet // (14.2) Par.?
yathā śalyaṃ bhiṣag vidvān uddhared yantrayuktitaḥ / (15.1) Par.?
prāḍvivākas tathā śalyam uddhared vyavahārataḥ // (15.2) Par.?
yatra sabhyo janaḥ sarvaḥ sādhv etad iti manyate / (16.1) Par.?
sa niḥśalyo vivādaḥ syāt saśalyaḥ syād ato 'nyathā // (16.2) Par.?
na sā sabhā yatra na santi vṛddhā vṛddhā na te ye na vadanti dharmam / (17.1) Par.?
nāsau dharmo yatra na satyam asti na tat satyaṃ yac chalenānuviddham // (17.2) Par.?
Duration=0.14683604240417 secs.