Texts

Help

Select a text:
Bibliography

Select a chapter:
(no revisions)

Associated topic(s): garbhādhāna, puṃsavana, sīmantonnayana

Show parallels Show headlines
Use dependency labeler

Chapter id: 917

Click on a sentence to show its analysis
Keep the mouse pointer over a lemma to show its meanings.

garbhādhāna

tau saṃnipātayataḥ / (1.1) Par.?

apaśyaṃ tvā manasā cekitānaṃ tapaso jātaṃ tapaso 'bhibhūtam / (1.2) Par.?

iha prajāmiha rayiṃ rarāṇaḥ prajāyasva prajayā putrakāma / (1.3) Par.?

apaśyaṃ tvā manasā dīdhyānāṃ svāyāṃ tanūm ṛtviye nādhamānām / (1.4) Par.?

upa mām uccā yuvatir babhūyāt prajāyasva prajayā putrakāme / (1.5) Par.?

prajāpate tanvaṃ me juṣasva tvaṣṭā vīraiḥ sahasāham indraḥ / (1.6) Par.?

indreṇa devairvīrudhaḥ saṃvyayantāṃ bahūnāṃ puṃsāṃ pitarau syāva / (1.7) Par.?

ahaṃ prajā ajanayaṃ pṛthivyām ahaṃ garbham adadhām oṣadhīṣu / (1.8) Par.?

ahaṃ viśveṣu bhuvaneṣvantar ahaṃ prajābhyo bibharṣi putrān / (1.9) Par.?

iti stryādivyatyāsaṃ japataḥ // (1.10) Par.?

karad iti bhasadabhimṛśet // (2) Par.?

janad ity uparijananam // (3) Par.?

bṛhad iti jātaḥ pratiṣṭhitam // (4) Par.?

puṃsavana

athāsyāstṛtīye garbhamāse puṃsā nakṣatreṇa yad ahaścandramā na dṛśyeta tadahar vopoṣyāplāvyāhataṃ vāsa ācchādya nyagrodhāvarohaśuṅgāny udapeṣaṃ piṣṭvā dakṣiṇasmin nāsikāchidra āsiñcet / (5.1) Par.?

hiraṇyagarbhaḥ / (5.2) Par.?

adbhyaḥ saṃbhṛta ityetābhyām // (5.3) Par.?

athāsyā dakṣiṇaṃ kukṣim abhimṛśet / (6.1) Par.?

pumān agniḥ pumānindraḥ pumāndevo bṛhaspatiḥ / (6.2) Par.?

pumānagniśca vāyuśca pumāngarbhas tavodare / (6.3) Par.?

pumāṃsau mitrāvaruṇau pumāṃsāv aśvināv ubhau / (6.4) Par.?

pumāṃsaṃ garbhaṃ jāyasva tvaṃ pumān anujāyatām / (6.5) Par.?

ityetābhyām // (6.6) Par.?

sīmantonnayana

athāsyāḥ pañcame ṣaṣṭhe saptame vā garbhamāse maṅgalyaiḥ snāpayitvā prājāpatyena sthālīpākeneṣṭvā jayaprabhṛtibhiścājyasya purastātsviṣṭakṛtaḥ / (7.1) Par.?

paścād agner darbheṣv āsīnāyāḥ sarvān keśān vipramucya / (7.2) Par.?

tvamaryamā bhavasi yatkanīnāṃ devaḥ svadhāvo guhyaṃ bibharṣi / (7.3) Par.?

añjanti vipraṃ sukṛtaṃ na gobhir yad dampatī sumanasā kṛṇoṣi / (7.4) Par.?

iti navanītena pāṇī pralipya sarvān keśān saṃprayauti // (7.5) Par.?

indrāṇī cakre kaṅkataṃ sa sīmantaṃ visarpatu / (8.1) Par.?

iti kaṅkataṃ gṛhṇāti // (8.2) Par.?

punaḥ patnīm agnir iti keśaprasādhanaṃ kuryāt // (9) Par.?

śalalyā śamīśākhayā sapalāśayā / (10.1) Par.?

antarvatī pumāṃsaṃ dīrghaṃ jīvantaṃ śatāyuṣam / (10.2) Par.?

dīrghāyur asyā yaḥ patir jīvātu śaradaḥ śatam / (10.3) Par.?

iti triśvetayā sīmantaṃ karoti // (10.4) Par.?

athāsyāḥ patir dvedhā keśān badhnāti nīlalohitena sūtreṇa jīvorṇayā vā // (11) Par.?

Duration=0.25358486175537 secs.