UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1112
- Click on a sentence to show its analysis
- Keep the mouse pointer over a lemma to show its meanings.
sa gatvā sāgaraṃ rājā gaṅgayānugatas tadā / (1.1)
Par.?
praviveśa talaṃ bhūmer yatra te bhasmasātkṛtāḥ // (1.2)
Par.?
bhasmany athāplute rāma gaṅgāyāḥ salilena vai / (2.1)
Par.?
sarvalokaprabhur brahmā rājānam idam abravīt // (2.2)
Par.?
tāritā naraśārdūla divaṃ yātāś ca devavat / (3.1)
Par.?
ṣaṣṭiḥ putrasahasrāṇi sagarasya mahātmanaḥ // (3.2)
Par.?
sāgarasya jalaṃ loke yāvat sthāsyati pārthiva / (4.1)
Par.?
sagarasyātmajās tāvat svarge sthāsyanti devavat // (4.2)
Par.?
iyaṃ ca duhitā jyeṣṭhā tava gaṅgā bhaviṣyati / (5.1)
Par.?
tvatkṛtena ca nāmnā vai loke sthāsyati viśrutā // (5.2)
Par.?
gaṅgā tripathagā nāma divyā bhāgīrathīti ca / (6.1)
Par.?
tripatho bhāvayantīti tatas tripathagā smṛtā // (6.2)
Par.?
pitāmahānāṃ sarveṣāṃ tvam atra manujādhipa / (7.1)
Par.?
kuruṣva salilaṃ rājan pratijñām apavarjaya // (7.2)
Par.?
pūrvakeṇa hi te rājaṃs tenātiyaśasā tadā / (8.1)
Par.?
dharmiṇāṃ pravareṇātha naiṣa prāpto manorathaḥ // (8.2)
Par.?
tathaivāṃśumatā tāta loke 'pratimatejasā / (9.1)
Par.?
gaṅgāṃ prārthayatā netuṃ pratijñā nāpavarjitā // (9.2)
Par.?
rājarṣiṇā guṇavatā maharṣisamatejasā / (10.1)
Par.?
mattulyatapasā caiva kṣatradharmasthitena ca // (10.2)
Par.?
dilīpena mahābhāga tava pitrātitejasā / (11.1)
Par.?
punar na śaṅkitā netuṃ gaṅgāṃ prārthayatānagha // (11.2)
Par.?
sā tvayā samatikrāntā pratijñā puruṣarṣabha / (12.1)
Par.?
prāpto 'si paramaṃ loke yaśaḥ paramasaṃmatam // (12.2)
Par.?
yac ca gaṅgāvataraṇaṃ tvayā kṛtam ariṃdama / (13.1)
Par.?
anena ca bhavān prāpto dharmasyāyatanaṃ mahat // (13.2)
Par.?
plāvayasva tvam ātmānaṃ narottama sadocite / (14.1)
Par.?
salile puruṣavyāghra śuciḥ puṇyaphalo bhava // (14.2)
Par.?
pitāmahānāṃ sarveṣāṃ kuruṣva salilakriyām / (15.1)
Par.?
svasti te 'stu gamiṣyāmi svaṃ lokaṃ gamyatāṃ nṛpa // (15.2)
Par.?
ity evam uktvā deveśaḥ sarvalokapitāmahaḥ / (16.1)
Par.?
yathāgataṃ tathāgacchad devalokaṃ mahāyaśāḥ // (16.2)
Par.?
bhagīratho 'pi rājarṣiḥ kṛtvā salilam uttamam / (17.1)
Par.?
yathākramaṃ yathānyāyaṃ sāgarāṇāṃ mahāyaśāḥ / (17.2)
Par.?
kṛtodakaḥ śucī rājā svapuraṃ praviveśa ha // (17.3)
Par.?
samṛddhārtho naraśreṣṭha svarājyaṃ praśaśāsa ha / (18.1)
Par.?
pramumoda ca lokas taṃ nṛpam āsādya rāghava / (18.2)
Par.?
naṣṭaśokaḥ samṛddhārtho babhūva vigatajvaraḥ // (18.3) Par.?
eṣa te rāma gaṅgāyā vistaro 'bhihito mayā / (19.1)
Par.?
svasti prāpnuhi bhadraṃ te saṃdhyākālo 'tivartate // (19.2)
Par.?
dhanyaṃ yaśasyam āyuṣyaṃ svargyaṃ putryam athāpi ca / (20.1)
Par.?
idam ākhyānam ākhyātaṃ gaṅgāvataraṇaṃ mayā // (20.2)
Par.?
Duration=0.089892864227295 secs.