UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1143
- Click on a sentence to show its analysis
- Keep the mouse pointer over a lemma to show its meanings.
janakasya vacaḥ śrutvā viśvāmitro mahāmuniḥ / (1.1)
Par.?
dhanur darśaya rāmāya iti hovāca pārthivam // (1.2) Par.?
tataḥ sa rājā janakaḥ sacivān vyādideśa ha / (2.1)
Par.?
dhanur ānīyatāṃ divyaṃ gandhamālyavibhūṣitam // (2.2)
Par.?
janakena samādiṣṭāḥ sacivāḥ prāviśan purīm / (3.1)
Par.?
tad dhanuḥ purataḥ kṛtvā nirjagmuḥ pārthivājñayā // (3.2)
Par.?
nṛṇāṃ śatāni pañcāśad vyāyatānāṃ mahātmanām / (4.1)
Par.?
mañjūṣām aṣṭacakrāṃ tāṃ
samūhus te kathaṃcana // (4.2)
Par.?
tām ādāya tu mañjūṣām āyatīṃ yatra tad dhanuḥ / (5.1)
Par.?
suropamaṃ te janakam ūcur nṛpatimantriṇaḥ // (5.2)
Par.?
idaṃ dhanurvaraṃ rājan pūjitaṃ sarvarājabhiḥ / (6.1)
Par.?
mithilādhipa rājendra darśanīyaṃ yadīcchasi // (6.2)
Par.?
teṣāṃ nṛpo vacaḥ śrutvā kṛtāñjalir abhāṣata / (7.1)
Par.?
viśvāmitraṃ mahātmānaṃ tau cobhau rāmalakṣmaṇau // (7.2)
Par.?
idaṃ dhanurvaraṃ brahmañ janakair abhipūjitam / (8.1)
Par.?
rājabhiś ca mahāvīryair aśakyaṃ pūrituṃ tadā // (8.2)
Par.?
naitat suragaṇāḥ sarve nāsurā na ca rākṣasāḥ / (9.1)
Par.?
gandharvayakṣapravarāḥ sakiṃnaramahoragāḥ // (9.2)
Par.?
kva gatir mānuṣāṇāṃ ca dhanuṣo 'sya prapūraṇe / (10.1)
Par.?
āropaṇe samāyoge vepane tolane 'pi vā // (10.2)
Par.?
tad etad dhanuṣāṃ śreṣṭham ānītaṃ munipuṃgava / (11.1)
Par.?
darśayaitan mahābhāga anayo rājaputrayoḥ // (11.2)
Par.?
viśvāmitras tu dharmātmā śrutvā janakabhāṣitam / (12.1)
Par.?
vatsa rāma dhanuḥ paśya iti rāghavam abravīt // (12.2)
Par.?
maharṣer vacanād rāmo yatra tiṣṭhati tad dhanuḥ / (13.1)
Par.?
mañjūṣāṃ tām apāvṛtya dṛṣṭvā dhanur athābravīt // (13.2)
Par.?
idaṃ dhanurvaraṃ brahman saṃspṛśāmīha pāṇinā / (14.1)
Par.?
yatnavāṃś ca bhaviṣyāmi tolane pūraṇe 'pi vā // (14.2)
Par.?
bāḍham ity eva taṃ rājā muniś ca samabhāṣata / (15.1)
Par.?
līlayā sa dhanur madhye jagrāha vacanān muneḥ // (15.2)
Par.?
paśyatāṃ nṛsahasrāṇāṃ bahūnāṃ raghunandanaḥ / (16.1)
Par.?
āropayat sa dharmātmā salīlam iva tad dhanuḥ // (16.2)
Par.?
āropayitvā maurvīṃ ca pūrayāmāsa vīryavān / (17.1)
Par.?
tad babhañja dhanur madhye naraśreṣṭho mahāyaśāḥ // (17.2)
Par.?
tasya śabdo mahān āsīn nirghātasamaniḥsvanaḥ / (18.1)
Par.?
bhūmikampaś ca sumahān parvatasyeva dīryataḥ // (18.2)
Par.?
nipetuś ca narāḥ sarve tena śabdena mohitāḥ / (19.1)
Par.?
varjayitvā munivaraṃ rājānaṃ tau ca rāghavau // (19.2)
Par.?
pratyāśvaste jane tasmin rājā vigatasādhvasaḥ / (20.1)
Par.?
uvāca prāñjalir vākyaṃ vākyajño munipuṃgavam // (20.2)
Par.?
bhagavan dṛṣṭavīryo me rāmo daśarathātmajaḥ / (21.1)
Par.?
atyadbhutam acintyaṃ ca atarkitam idaṃ mayā // (21.2)
Par.?
janakānāṃ kule kīrtim āhariṣyati me sutā / (22.1)
Par.?
sītā bhartāram āsādya rāmaṃ daśarathātmajam // (22.2)
Par.?
mama satyā pratijñā ca vīryaśulketi kauśika / (23.1)
Par.?
sītā prāṇair bahumatā deyā rāmāya me sutā // (23.2)
Par.?
bhavato 'numate brahmañ śīghraṃ gacchantu mantriṇaḥ / (24.1)
Par.?
mama kauśika bhadraṃ te ayodhyāṃ tvaritā rathaiḥ // (24.2)
Par.?
rājānaṃ praśritair vākyair ānayantu puraṃ mama / (25.1)
Par.?
pradānaṃ vīryaśulkāḥ kathayantu ca sarvaśaḥ // (25.2)
Par.?
muniguptau ca kākutsthau kathayantu nṛpāya vai / (26.1)
Par.?
prīyamāṇaṃ tu rājānam ānayantu suśīghragāḥ // (26.2)
Par.?
kauśikaś ca tathety āha rājā cābhāṣya mantriṇaḥ / (27.1)
Par.?
ayodhyāṃ preṣayāmāsa dharmātmā kṛtaśāsanāt // (27.2)
Par.?
Duration=0.089301824569702 secs.