UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1149
- Click on a sentence to show its analysis
- Keep the mouse pointer over a lemma to show its meanings.
evaṃ bruvāṇaṃ janakaḥ pratyuvāca kṛtāñjaliḥ / (1.1)
Par.?
śrotum arhasi bhadraṃ te kulaṃ naḥ kīrtitaṃ param / (1.2)
Par.?
pradāne hi muniśreṣṭha kulaṃ niravaśeṣataḥ / (1.3)
Par.?
vaktavyaṃ kulajātena tan nibodha mahāmune // (1.4)
Par.?
rājābhūt triṣu lokeṣu viśrutaḥ svena karmaṇā / (2.1)
Par.?
nimiḥ paramadharmātmā sarvasattvavatāṃ varaḥ // (2.2)
Par.?
tasya putro mithir nāma janako mithiputrakaḥ / (3.1)
Par.?
prathamo janako nāma janakād apy udāvasuḥ // (3.2)
Par.?
udāvasos tu dharmātmā jāto vai nandivardhanaḥ / (4.1)
Par.?
nandivardhanaputras tu suketur nāma nāmataḥ // (4.2)
Par.?
suketor api dharmātmā devarāto mahābalaḥ / (5.1)
Par.?
devarātasya rājarṣer bṛhadratha iti śrutaḥ // (5.2)
Par.?
bṛhadrathasya śūro 'bhūn mahāvīraḥ pratāpavān / (6.1)
Par.?
mahāvīrasya dhṛtimān sudhṛtiḥ satyavikramaḥ // (6.2)
Par.?
sudhṛter api dharmātmā dhṛṣṭaketuḥ sudhārmikaḥ / (7.1)
Par.?
dhṛṣṭaketos tu rājarṣer haryaśva iti viśrutaḥ // (7.2)
Par.?
haryaśvasya maruḥ putro maroḥ putraḥ pratīndhakaḥ / (8.1)
Par.?
pratīndhakasya dharmātmā rājā kīrtirathaḥ sutaḥ // (8.2)
Par.?
putraḥ kīrtirathasyāpi devamīḍha iti smṛtaḥ / (9.1)
Par.?
devamīḍhasya vibudho vibudhasya mahīdhrakaḥ // (9.2)
Par.?
mahīdhrakasuto rājā kīrtirāto mahābalaḥ / (10.1)
Par.?
kīrtirātasya rājarṣer mahāromā vyajāyata // (10.2)
Par.?
mahāromṇas tu dharmātmā svarṇaromā vyajāyata / (11.1)
Par.?
svarṇaromṇas tu rājarṣer hrasvaromā vyajāyata // (11.2)
Par.?
tasya putradvayaṃ jajñe dharmajñasya mahātmanaḥ / (12.1) Par.?
jyeṣṭho 'ham anujo bhrātā mama vīraḥ kuśadhvajaḥ // (12.2)
Par.?
māṃ tu jyeṣṭhaṃ pitā rājye so 'bhiṣicya narādhipaḥ / (13.1)
Par.?
kuśadhvajaṃ samāveśya bhāraṃ mayi vanaṃ gataḥ // (13.2)
Par.?
vṛddhe pitari svaryāte dharmeṇa dhuram āvaham / (14.1)
Par.?
bhrātaraṃ devasaṃkāśaṃ snehāt paśyan kuśadhvajam // (14.2)
Par.?
kasyacit tv atha kālasya sāṃkāśyād agamat purāt / (15.1)
Par.?
sudhanvā vīryavān rājā mithilām avarodhakaḥ // (15.2)
Par.?
sa ca me preṣayāmāsa śaivaṃ dhanur anuttamam / (16.1)
Par.?
sītā kanyā ca padmākṣī mahyaṃ vai dīyatām iti // (16.2)
Par.?
tasyāpradānād brahmarṣe yuddham āsīn mayā saha / (17.1)
Par.?
sa hato 'bhimukho rājā sudhanvā tu mayā raṇe // (17.2)
Par.?
nihatya taṃ muniśreṣṭha sudhanvānaṃ narādhipam / (18.1)
Par.?
sāṃkāśye bhrātaraṃ śūram abhyaṣiñcaṃ kuśadhvajam // (18.2)
Par.?
kanīyān eṣa me bhrātā ahaṃ jyeṣṭho mahāmune / (19.1)
Par.?
dadāmi paramaprīto vadhvau te munipuṃgava // (19.2)
Par.?
sītāṃ rāmāya bhadraṃ te ūrmilāṃ lakṣmaṇāya ca / (20.1)
Par.?
vīryaśulkāṃ mama sutāṃ sītāṃ surasutopamām // (20.2)
Par.?
dvitīyām ūrmilāṃ caiva trir vadāmi na saṃśayaḥ / (21.1)
Par.?
dadāmi paramaprīto vadhvau te raghunandana // (21.2)
Par.?
rāmalakṣmaṇayo rājan godānaṃ kārayasva ha / (22.1)
Par.?
pitṛkāryaṃ ca bhadraṃ te tato vaivāhikaṃ kuru // (22.2)
Par.?
maghā hy adya mahābāho tṛtīye divase prabho / (23.1)
Par.?
phalgunyām uttare rājaṃs tasmin vaivāhikaṃ kuru / (23.2)
Par.?
rāmalakṣmaṇayor arthe dānaṃ kāryaṃ sukhodayam // (23.3)
Par.?
Duration=0.11636686325073 secs.