UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1161
- Click on a sentence to show its analysis
- Keep the mouse pointer over a lemma to show its meanings.
gateṣv atha nṛpo bhūyaḥ paureṣu saha mantribhiḥ / (1.1)
Par.?
mantrayitvā tataś cakre niścayajñaḥ sa niścayam // (1.2)
Par.?
śva eva puṣyo bhavitā śvo 'bhiṣecyeta tu me sutaḥ / (2.1)
Par.?
rāmo rājīvatāmrākṣo yauvarājya iti prabhuḥ // (2.2)
Par.?
athāntargṛham āviśya rājā daśarathas tadā / (3.1)
Par.?
sūtam ājñāpayāmāsa rāmaṃ punar ihānaya // (3.2)
Par.?
pratigṛhya sa tadvākyaṃ sūtaḥ punar upāyayau / (4.1)
Par.?
rāmasya bhavanaṃ śīghraṃ rāmam ānayituṃ punaḥ // (4.2)
Par.?
dvāḥsthair āveditaṃ tasya rāmāyāgamanaṃ punaḥ / (5.1)
Par.?
śrutvaiva cāpi rāmas taṃ prāptaṃ śaṅkānvito 'bhavat // (5.2)
Par.?
praveśya cainaṃ tvaritaṃ rāmo vacanam abravīt / (6.1)
Par.?
yad āgamanakṛtyaṃ te bhūyas tad brūhy aśeṣataḥ // (6.2)
Par.?
tam uvāca tataḥ sūto rājā tvāṃ draṣṭum icchati / (7.1)
Par.?
śrutvā pramāṇam atra tvaṃ gamanāyetarāya vā // (7.2)
Par.?
iti sūtavacaḥ śrutvā rāmo 'tha tvarayānvitaḥ / (8.1)
Par.?
prayayau rājabhavanaṃ punar draṣṭuṃ nareśvaram // (8.2)
Par.?
taṃ śrutvā samanuprāptaṃ rāmaṃ daśaratho nṛpaḥ / (9.1)
Par.?
praveśayāmāsa gṛhaṃ vivikṣuḥ priyam uttamam // (9.2)
Par.?
praviśann eva ca śrīmān rāghavo bhavanaṃ pituḥ / (10.1)
Par.?
dadarśa pitaraṃ dūrāt praṇipatya kṛtāñjaliḥ // (10.2)
Par.?
praṇamantaṃ samutthāpya taṃ pariṣvajya bhūmipaḥ / (11.1)
Par.?
pradiśya cāsmai ruciram āsanaṃ punar abravīt // (11.2)
Par.?
rāma vṛddho 'smi dīrghāyur bhuktā bhogā mayepsitāḥ / (12.1)
Par.?
annavadbhiḥ kratuśatais tatheṣṭaṃ bhūridakṣiṇaiḥ // (12.2)
Par.?
jātam iṣṭam apatyaṃ me tvam adyānupamaṃ bhuvi / (13.1)
Par.?
dattam iṣṭam adhītaṃ ca mayā puruṣasattama // (13.2)
Par.?
anubhūtāni ceṣṭāni mayā vīra sukhāni ca / (14.1)
Par.?
devarṣipitṛviprāṇām anṛṇo 'smi tathātmanaḥ // (14.2)
Par.?
na kiṃcin mama kartavyaṃ tavānyatrābhiṣecanāt / (15.1)
Par.?
ato yat tvām ahaṃ brūyāṃ tan me tvaṃ kartum arhasi // (15.2)
Par.?
adya prakṛtayaḥ sarvās tvām icchanti narādhipam / (16.1)
Par.?
atas tvāṃ yuvarājānam abhiṣekṣyāmi putraka // (16.2)
Par.?
api cādyāśubhān rāma svapnān paśyāmi dāruṇān / (17.1)
Par.?
sanirghātā maholkāś ca patantīha mahāsvanāḥ // (17.2)
Par.?
avaṣṭabdhaṃ ca me rāma nakṣatraṃ dāruṇair grahaiḥ / (18.1)
Par.?
āvedayanti daivajñāḥ sūryāṅgārakarāhubhiḥ // (18.2)
Par.?
prāyeṇa hi nimittānām īdṛśānāṃ samudbhave / (19.1)
Par.?
rājā vā mṛtyum āpnoti ghorāṃ vāpadam ṛcchati // (19.2)
Par.?
tad yāvad eva me ceto na vimuhyati rāghava / (20.1)
Par.?
tāvad evābhiṣiñcasva calā hi prāṇināṃ matiḥ // (20.2)
Par.?
adya candro 'bhyupagataḥ puṣyāt pūrvaṃ punar vasum / (21.1)
Par.?
śvaḥ puṣyayogaṃ niyataṃ vakṣyante daivacintakāḥ // (21.2)
Par.?
tatra puṣye 'bhiṣiñcasva manas tvarayatīva mām / (22.1)
Par.?
śvas tvāham abhiṣekṣyāmi yauvarājye paraṃtapa // (22.2)
Par.?
tasmāt tvayādya vratinā niśeyaṃ niyatātmanā / (23.1)
Par.?
saha vadhvopavastavyā darbhaprastaraśāyinā // (23.2)
Par.?
suhṛdaś cāpramattās tvāṃ rakṣantv adya samantataḥ / (24.1)
Par.?
bhavanti bahuvighnāni kāryāṇy evaṃvidhāni hi // (24.2)
Par.?
viproṣitaś ca bharato yāvad eva purād itaḥ / (25.1)
Par.?
tāvad evābhiṣekas te prāptakālo mato mama // (25.2)
Par.?
kāmaṃ khalu satāṃ vṛtte bhrātā te bharataḥ sthitaḥ / (26.1) Par.?
jyeṣṭhānuvartī dharmātmā sānukrośo jitendriyaḥ // (26.2)
Par.?
kiṃ tu cittaṃ manuṣyāṇām anityam iti me matiḥ / (27.1)
Par.?
satāṃ ca dharmanityānāṃ kṛtaśobhi ca rāghava // (27.2)
Par.?
ity uktaḥ so 'bhyanujñātaḥ śvobhāviny abhiṣecane / (28.1)
Par.?
vrajeti rāmaḥ pitaram abhivādyābhyayād gṛham // (28.2)
Par.?
praviśya cātmano veśma rājñoddiṣṭe 'bhiṣecane / (29.1)
Par.?
tasmin kṣaṇe vinirgatya mātur antaḥpuraṃ yayau // (29.2)
Par.?
tatra tāṃ pravaṇām eva mātaraṃ kṣaumavāsinīm / (30.1)
Par.?
vāgyatāṃ devatāgāre dadarśa yācatīṃ śriyam // (30.2)
Par.?
prāg eva cāgatā tatra sumitrā lakṣmaṇas tathā / (31.1)
Par.?
sītā cānāyitā śrutvā priyaṃ rāmābhiṣecanam // (31.2)
Par.?
tasmin kāle hi kausalyā tasthāv āmīlitekṣaṇā / (32.1)
Par.?
sumitrayānvāsyamānā sītayā lakṣmaṇena ca // (32.2)
Par.?
śrutvā puṣyeṇa putrasya yauvarājyābhiṣecanam / (33.1)
Par.?
prāṇāyāmena puruṣaṃ dhyāyamānā janārdanam // (33.2)
Par.?
tathā saniyamām eva so 'bhigamyābhivādya ca / (34.1)
Par.?
uvāca vacanaṃ rāmo harṣayaṃs tām idaṃ tadā // (34.2)
Par.?
amba pitrā niyukto 'smi prajāpālanakarmaṇi / (35.1)
Par.?
bhavitā śvo 'bhiṣeko me yathā me śāsanaṃ pituḥ // (35.2)
Par.?
sītayāpy upavastavyā rajanīyaṃ mayā saha / (36.1)
Par.?
evam ṛtvigupādhyāyaiḥ saha mām uktavān pitā // (36.2)
Par.?
yāni yāny atra yogyāni śvobhāviny abhiṣecane / (37.1)
Par.?
tāni me maṅgalāny adya vaidehyāś caiva kāraya // (37.2)
Par.?
etac chrutvā tu kausalyā cirakālābhikāṅkṣitam / (38.1)
Par.?
harṣabāṣpakalaṃ vākyam idaṃ rāmam abhāṣata // (38.2)
Par.?
vatsa rāma ciraṃ jīva hatās te paripanthinaḥ / (39.1)
Par.?
jñātīn me tvaṃ śriyā yuktaḥ sumitrāyāś ca nandaya // (39.2)
Par.?
kalyāṇe bata nakṣatre mayi jāto 'si putraka / (40.1)
Par.?
yena tvayā daśaratho guṇair ārādhitaḥ pitā // (40.2)
Par.?
amoghaṃ bata me kṣāntaṃ puruṣe puṣkarekṣaṇe / (41.1)
Par.?
yeyam ikṣvākurājyaśrīḥ putra tvāṃ saṃśrayiṣyati // (41.2)
Par.?
ity evam ukto mātredaṃ rāmo bhāratam abravīt / (42.1)
Par.?
prāñjaliṃ prahvam āsīnam abhivīkṣya smayann iva // (42.2)
Par.?
lakṣmaṇemāṃ mayā sārdhaṃ praśādhi tvaṃ vasuṃdharām / (43.1)
Par.?
dvitīyaṃ me 'ntarātmānaṃ tvām iyaṃ śrīr upasthitā // (43.2)
Par.?
saumitre bhuṅkṣva bhogāṃs tvam iṣṭān rājyaphalāni ca / (44.1)
Par.?
jīvitaṃ ca hi rājyaṃ ca tvadartham abhikāmaye // (44.2)
Par.?
ity uktvā lakṣmaṇaṃ rāmo mātarāv abhivādya ca / (45.1)
Par.?
abhyanujñāpya sītāṃ ca jagāma svaṃ niveśanam // (45.2)
Par.?
Duration=0.16654706001282 secs.