UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1207
- Click on a sentence to show its analysis
- Keep the mouse pointer over a lemma to show its meanings.
tataḥ sumantram aikṣvākaḥ pīḍito 'tra pratijñayā / (1.1)
Par.?
sabāṣpam atiniḥśvasya jagādedaṃ punaḥ punaḥ // (1.2)
Par.?
sūta ratnasusampūrṇā caturvidhabalā camūḥ / (2.1)
Par.?
rāghavasyānuyātrārthaṃ kṣipraṃ pratividhīyatām // (2.2)
Par.?
rūpājīvāśca śālinyo vaṇijaś ca mahādhanāḥ / (3.1)
Par.?
śobhayantu kumārasya vāhinīṃ suprasāritāḥ // (3.2)
Par.?
ye cainam upajīvanti ramate yaiś ca vīryataḥ / (4.1)
Par.?
teṣāṃ bahuvidhaṃ dattvā tān apy atra niyojaya // (4.2)
Par.?
nighnan mṛgān kuñjarāṃś ca pibaṃś cāraṇyakaṃ madhu / (5.1)
Par.?
nadīś ca vividhāḥ paśyan na rājyaṃ saṃsmariṣyati // (5.2)
Par.?
dhānyakośaś ca yaḥ kaścid dhanakośaś ca māmakaḥ / (6.1)
Par.?
tau rāmam anugacchetāṃ vasantaṃ nirjane vane // (6.2)
Par.?
yajan puṇyeṣu deśeṣu visṛjaṃś cāptadakṣiṇāḥ / (7.1)
Par.?
ṛṣibhiś ca samāgamya pravatsyati sukhaṃ vane // (7.2)
Par.?
bharataś ca mahābāhur ayodhyāṃ pālayiṣyati / (8.1)
Par.?
sarvakāmaiḥ punaḥ śrīmān rāmaḥ saṃsādhyatām iti // (8.2)
Par.?
evaṃ bruvati kākutsthe kaikeyyā bhayam āgatam / (9.1)
Par.?
mukhaṃ cāpy agamacchoṣaṃ svaraś cāpi nyarudhyata // (9.2)
Par.?
sā viṣaṇṇā ca saṃtrastā kaikeyī vākyam abravīt / (10.1)
Par.?
rājyaṃ gatajanaṃ sādho pītamaṇḍāṃ surām iva / (10.2)
Par.?
nirāsvādyatamaṃ śūnyaṃ bharato nābhipatsyate // (10.3)
Par.?
kaikeyyāṃ muktalajjāyāṃ vadantyām atidāruṇam / (11.1)
Par.?
rājā daśaratho vākyam uvācāyatalocanām / (11.2)
Par.?
vahantaṃ kiṃ tudasi māṃ niyujya dhuri māhite // (11.3)
Par.?
kaikeyī dviguṇaṃ kruddhā rājānam idam abravīt / (12.1)
Par.?
tavaiva vaṃśe sagaro jyeṣṭhaṃ putram upārudhat / (12.2)
Par.?
asamañja iti khyātaṃ tathāyaṃ gantum arhati // (12.3)
Par.?
evam ukto dhig ity eva rājā daśaratho 'bravīt / (13.1)
Par.?
vrīḍitaś ca janaḥ sarvaḥ sā ca tan nāvabudhyata // (13.2)
Par.?
tatra vṛddho mahāmātraḥ siddhārtho nāma nāmataḥ / (14.1)
Par.?
śucir bahumato rājñaḥ kaikeyīm idam abravīt // (14.2)
Par.?
asamañjo gṛhītvā tu krīḍitaḥ pathi dārakān / (15.1)
Par.?
sarayvāḥ prakṣipann apsu ramate tena durmatiḥ // (15.2)
Par.?
taṃ dṛṣṭvā nāgarāḥ sarve kruddhā rājānam abruvan / (16.1)
Par.?
asamañjaṃ vṛṇīṣvaikam asmān vā rāṣṭravardhana // (16.2) Par.?
tān uvāca tato rājā kiṃnimittam idaṃ bhayam / (17.1)
Par.?
tāś cāpi rājñā saṃpṛṣṭā vākyaṃ prakṛtayo 'bruvan // (17.2)
Par.?
krīḍitas tv eṣa naḥ putrān bālān udbhrāntacetanaḥ / (18.1)
Par.?
sarayvāṃ prakṣipan maurkhyād atulāṃ prītim aśnute // (18.2)
Par.?
sa tāsāṃ vacanaṃ śrutvā prakṛtīnāṃ narādhipa / (19.1)
Par.?
taṃ tatyājāhitaṃ putraṃ tāsāṃ priyacikīrṣayā // (19.2)
Par.?
ity evam atyajad rājā sagaro vai sudhārmikaḥ / (20.1)
Par.?
rāmaḥ kim akarot pāpaṃ yenaivam uparudhyate // (20.2)
Par.?
śrutvā tu siddhārthavaco rājā śrāntatarasvanaḥ / (21.1)
Par.?
śokopahatayā vācā kaikeyīm idam abravīt // (21.2)
Par.?
anuvrajiṣyāmy aham adya rāmaṃ rājyaṃ parityajya sukhaṃ dhanaṃ ca / (22.1)
Par.?
sahaiva rājñā bharatena ca tvaṃ yathāsukhaṃ bhuṅkṣva cirāya rājyam // (22.2)
Par.?
Duration=0.071686983108521 secs.