UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1224
- Click on a sentence to show its analysis
- Keep the mouse pointer over a lemma to show its meanings.
vilapantīṃ tathā tāṃ tu kausalyāṃ pramadottamām / (1.1)
Par.?
idaṃ dharme sthitā dharmyaṃ sumitrā vākyam abravīt // (1.2)
Par.?
tavārye sadguṇair yuktaḥ putraḥ sa puruṣottamaḥ / (2.1)
Par.?
kiṃ te vilapitenaivaṃ kṛpaṇaṃ ruditena vā // (2.2)
Par.?
yas tavārye gataḥ putras tyaktvā rājyaṃ mahābalaḥ / (3.1)
Par.?
sādhu kurvan mahātmānaṃ pitaraṃ satyavādinām // (3.2)
Par.?
śiṣṭair ācarite samyak śaśvat pretya phalodaye / (4.1)
Par.?
rāmo dharme sthitaḥ śreṣṭho na sa śocyaḥ kadācana // (4.2)
Par.?
vartate cottamāṃ vṛttiṃ lakṣmaṇo 'smin sadānaghaḥ / (5.1)
Par.?
dayāvān sarvabhūteṣu lābhas tasya mahātmanaḥ // (5.2)
Par.?
araṇyavāse yad duḥkhaṃ jānatī vai sukhocitā / (6.1)
Par.?
anugacchati vaidehī dharmātmānaṃ tavātmajam // (6.2)
Par.?
kīrtibhūtāṃ patākāṃ yo loke bhrāmayati prabhuḥ / (7.1)
Par.?
damasatyavrataparaḥ kiṃ na prāptas tavātmajaḥ // (7.2)
Par.?
vyaktaṃ rāmasya vijñāya śaucaṃ māhātmyam uttamam / (8.1)
Par.?
na gātram aṃśubhiḥ sūryaḥ saṃtāpayitum arhati // (8.2)
Par.?
śivaḥ sarveṣu kāleṣu kānanebhyo viniḥsṛtaḥ / (9.1)
Par.?
rāghavaṃ yuktaśītoṣṇaḥ seviṣyati sukho 'nilaḥ // (9.2)
Par.?
śayānam anaghaṃ rātrau pitevābhipariṣvajan / (10.1)
Par.?
raśmibhiḥ saṃspṛśañ śītaiś candramā hlādayiṣyati // (10.2)
Par.?
dadau cāstrāṇi divyāni yasmai brahmā mahaujase / (11.1)
Par.?
dānavendraṃ hataṃ dṛṣṭvā timidhvajasutaṃ raṇe // (11.2) Par.?
pṛthivyā saha vaidehyā śriyā ca puruṣarṣabhaḥ / (12.1)
Par.?
kṣipraṃ tisṛbhir etābhiḥ saha rāmo 'bhiṣekṣyate // (12.2)
Par.?
duḥkhajaṃ visṛjanty asraṃ niṣkrāmantam udīkṣya yam / (13.1)
Par.?
samutsrakṣyasi netrābhyāṃ kṣipram ānandajaṃ payaḥ // (13.2)
Par.?
abhivādayamānaṃ taṃ dṛṣṭvā sasuhṛdaṃ sutam / (14.1)
Par.?
mudāśru mokṣyase kṣipraṃ meghalekheva vārṣikī // (14.2)
Par.?
putras te varadaḥ kṣipram ayodhyāṃ punar āgataḥ / (15.1)
Par.?
karābhyāṃ mṛdupīnābhyāṃ caraṇau pīḍayiṣyati // (15.2)
Par.?
niśamya tal lakṣmaṇamātṛvākyaṃ rāmasya mātur naradevapatnyāḥ / (16.1)
Par.?
sadyaḥ śarīre vinanāśa śokaḥ śaradgato megha ivālpatoyaḥ // (16.2)
Par.?
Duration=0.056479930877686 secs.