Texts

tam apratimatejobhyāṃ bhrātṛbhyāṃ romaharṣaṇam / (1.1) Par.?

vismitāḥ saṃgamaṃ prekṣya samavetā maharṣayaḥ // (1.2) Par.?

antarhitās tv ṛṣigaṇāḥ siddhāś ca paramarṣayaḥ / (2.1) Par.?

tau bhrātarau mahātmānau kākutsthau praśaśaṃsire // (2.2) Par.?

sa dhanyo yasya putrau dvau dharmajñau dharmavikramau / (3.1) Par.?

śrutvā vayaṃ hi sambhāṣām ubhayoḥ spṛhayāmahe // (3.2) Par.?

tatas tv ṛṣigaṇāḥ kṣipraṃ daśagrīvavadhaiṣiṇaḥ / (4.1) Par.?

bharataṃ rājaśārdūlam ity ūcuḥ saṃgatā vacaḥ // (4.2) Par.?

kule jāta mahāprājña mahāvṛtta mahāyaśaḥ / (5.1) Par.?

grāhyaṃ rāmasya vākyaṃ te pitaraṃ yady avekṣase // (5.2) Par.?

sadānṛṇam imaṃ rāmaṃ vayam icchāmahe pituḥ / (6.1) Par.?

anṛṇatvācca kaikeyyāḥ svargaṃ daśaratho gataḥ // (6.2) Par.?

etāvad uktvā vacanaṃ gandharvāḥ samaharṣayaḥ / (7.1) Par.?

rājarṣayaś caiva tathā sarve svāṃ svāṃ gatiṃ gatāḥ // (7.2) Par.?

hlāditas tena vākyena śubhena śubhadarśanaḥ / (8.1) Par.?

rāmaḥ saṃhṛṣṭavadanas tān ṛṣīn abhyapūjayat // (8.2) Par.?

srastagātras tu bharataḥ sa vācā sajjamānayā / (9.1) Par.?

kṛtāñjalir idaṃ vākyaṃ rāghavaṃ punar abravīt // (9.2) Par.?

rājadharmam anuprekṣya kuladharmānusaṃtatim / (10.1) Par.?

kartum arhasi kākutstha mama mātuś ca yācanām // (10.2) Par.?

rakṣituṃ sumahad rājyam aham ekas tu notsahe / (11.1) Par.?

paurajānapadāṃś cāpi raktān rañjayituṃ tathā // (11.2) Par.?

jñātayaś ca hi yodhāś ca mitrāṇi suhṛdaś ca naḥ / (12.1) Par.?

tvām eva pratikāṅkṣante parjanyam iva karṣakāḥ // (12.2) Par.?

idaṃ rājyaṃ mahāprājña sthāpaya pratipadya hi / (13.1) Par.?

śaktimān asi kākutstha lokasya paripālane // (13.2) Par.?

ity uktvā nyapatad bhrātuḥ pādayor bharatas tadā / (14.1) Par.?

bhṛśaṃ samprārthayāmāsa rāmam evaṃ priyaṃvadaḥ // (14.2) Par.?

tam aṅke bhrātaraṃ kṛtvā rāmo vacanam abravīt / (15.1) Par.?

śyāmaṃ nalinapattrākṣaṃ mattahaṃsasvaraṃ svayam // (15.2) Par.?

āgatā tvām iyaṃ buddhiḥ svajā vainayikī ca yā / (16.1) Par.?

bhṛśam utsahase tāta rakṣituṃ pṛthivīm api // (16.2) Par.?

amātyaiś ca suhṛdbhiś ca buddhimadbhiś ca mantribhiḥ / (17.1) Par.?

sarvakāryāṇi saṃmantrya sumahāntyapi kāraya // (17.2) Par.?

lakṣmīś candrād apeyād vā himavān vā himaṃ tyajet / (18.1) Par.?

atīyāt sāgaro velāṃ na pratijñām ahaṃ pituḥ // (18.2) Par.?

kāmād vā tāta lobhād vā mātrā tubhyam idaṃ kṛtam / (19.1) Par.?

na tan manasi kartavyaṃ vartitavyaṃ ca mātṛvat // (19.2) Par.?

evaṃ bruvāṇaṃ bharataḥ kausalyāsutam abravīt / (20.1) Par.?

tejasādityasaṃkāśaṃ pratipaccandradarśanam // (20.2) Par.?

adhirohārya pādābhyāṃ pāduke hemabhūṣite / (21.1) Par.?

ete hi sarvalokasya yogakṣemaṃ vidhāsyataḥ // (21.2) Par.?

so 'dhiruhya naravyāghraḥ pāduke hy avaruhya ca / (22.1) Par.?

prāyacchat sumahātejā bharatāya mahātmane // (22.2) Par.?

sa pāduke te bharataḥ pratāpavān svalaṃkṛte samparigṛhya dharmavit / (23.1) Par.?

pradakṣiṇaṃ caiva cakāra rāghavaṃ cakāra caivottamanāgamūrdhani // (23.2) Par.?

athānupūrvyāt pratipūjya taṃ janaṃ gurūṃś ca mantriprakṛtīs tathānujau / (24.1) Par.?

vyasarjayad rāghavavaṃśavardhanaḥ sthitaḥ svadharme himavān ivācalaḥ // (24.2) Par.?

taṃ mātaro bāṣpagṛhītakaṇṭhyo duḥkhena nāmantrayituṃ hi śekuḥ / (25.1) Par.?

sa tv eva mātṝn abhivādya sarvā rudan kuṭīṃ svāṃ praviveśa rāmaḥ // (25.2) Par.?