UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1744
- Click on a sentence to show its analysis
- Keep the mouse pointer over a lemma to show its meanings.
tam alpajīvitaṃ bhūmau sphurantaṃ rākṣasādhipaḥ / (1.1)
Par.?
dadarśa gṛdhraṃ patitaṃ samīpe rāghavāśramāt // (1.2)
Par.?
sā tu tārādhipamukhī rāvaṇena samīkṣya tam / (2.1)
Par.?
gṛdhrarājaṃ vinihataṃ vilalāpa suduḥkhitā // (2.2)
Par.?
nimittaṃ lakṣaṇajñānaṃ śakunisvaradarśanam / (3.1)
Par.?
avaśyaṃ sukhaduḥkheṣu narāṇāṃ pratidṛśyate // (3.2)
Par.?
na nūnaṃ rāma jānāsi mahad vyasanam ātmanaḥ / (4.1)
Par.?
dhāvanti nūnaṃ kākutstha madarthaṃ mṛgapakṣiṇaḥ // (4.2)
Par.?
trāhi mām adya kākutstha lakṣmaṇeti varāṅganā / (5.1)
Par.?
susaṃtrastā samākrandac chṛṇvatāṃ tu yathāntike // (5.2)
Par.?
tāṃ kliṣṭamālyābharaṇāṃ vilapantīm anāthavat / (6.1)
Par.?
abhyadhāvata vaidehīṃ rāvaṇo rākṣasādhipaḥ // (6.2)
Par.?
tāṃ latām iva veṣṭantīm āliṅgantīṃ mahādrumān / (7.1)
Par.?
muñca muñceti bahuśaḥ pravadan rākṣasādhipaḥ // (7.2)
Par.?
krośantīṃ rāma rāmeti rāmeṇa rahitāṃ vane / (8.1)
Par.?
jīvitāntāya keśeṣu jagrāhāntakasaṃnibhaḥ // (8.2)
Par.?
pradharṣitāyāṃ vaidehyāṃ babhūva sacarācaram / (9.1)
Par.?
jagat sarvam amaryādaṃ tamasāndhena saṃvṛtam // (9.2)
Par.?
dṛṣṭvā sītāṃ parāmṛṣṭāṃ dīnāṃ divyena cakṣuṣā / (10.1)
Par.?
kṛtaṃ kāryam iti śrīmān vyājahāra pitāmahaḥ // (10.2)
Par.?
prahṛṣṭā vyathitāś cāsan sarve te paramarṣayaḥ / (11.1)
Par.?
dṛṣṭvā sītāṃ parāmṛṣṭāṃ daṇḍakāraṇyavāsinaḥ // (11.2)
Par.?
sa tu tāṃ rāma rāmeti rudantīṃ lakṣmaṇeti ca / (12.1)
Par.?
jagāmākāśam ādāya rāvaṇo rākṣasādhipaḥ // (12.2)
Par.?
taptābharaṇasarvāṅgī pītakauśeyavāsanī / (13.1)
Par.?
rarāja rājaputrī tu vidyut saudāmanī yathā // (13.2)
Par.?
uddhūtena ca vastreṇa tasyāḥ pītena rāvaṇaḥ / (14.1)
Par.?
adhikaṃ paribabhrāja girir dīpta ivāgninā // (14.2)
Par.?
tasyāḥ paramakalyāṇyās tāmrāṇi surabhīṇi ca / (15.1)
Par.?
padmapattrāṇi vaidehyā abhyakīryanta rāvaṇam // (15.2)
Par.?
tasyāḥ kauśeyam uddhūtam ākāśe kanakaprabham / (16.1)
Par.?
babhau cādityarāgeṇa tāmram abhram ivātape // (16.2)
Par.?
tasyās tad vimalaṃ vaktram ākāśe rāvaṇāṅkagam / (17.1)
Par.?
na rarāja vinā rāmaṃ vinālam iva paṅkajam // (17.2)
Par.?
babhūva jaladaṃ nīlaṃ bhittvā candra ivoditaḥ / (18.1)
Par.?
sulalāṭaṃ sukeśāntaṃ padmagarbhābham avraṇam / (18.2)
Par.?
śuklaiḥ suvimalair dantaiḥ prabhāvadbhir alaṃkṛtam // (18.3)
Par.?
ruditaṃ vyapamṛṣṭāsraṃ candravat priyadarśanam / (19.1)
Par.?
sunāsaṃ cārutāmrauṣṭham ākāśe hāṭakaprabham // (19.2)
Par.?
rākṣasendrasamādhūtaṃ tasyās tad vacanaṃ śubham / (20.1)
Par.?
śuśubhe na vinā rāmaṃ divā candra ivoditaḥ // (20.2)
Par.?
sā hemavarṇā nīlāṅgaṃ maithilī rākṣasādhipam / (21.1)
Par.?
śuśubhe kāñcanī kāñcī nīlaṃ maṇim ivāśritā // (21.2)
Par.?
sā padmagaurī hemābhā rāvaṇaṃ janakātmajā / (22.1)
Par.?
vidyudghanam ivāviśya śuśubhe taptabhūṣaṇā // (22.2)
Par.?
tasyā bhūṣaṇaghoṣeṇa vaidehyā rākṣasādhipaḥ / (23.1) Par.?
babhūva vimalo nīlaḥ saghoṣa iva toyadaḥ // (23.2)
Par.?
uttamāṅgacyutā tasyāḥ puṣpavṛṣṭiḥ samantataḥ / (24.1)
Par.?
sītāyā hriyamāṇāyāḥ papāta dharaṇītale // (24.2)
Par.?
sā tu rāvaṇavegena puṣpavṛṣṭiḥ samantataḥ / (25.1)
Par.?
samādhūtā daśagrīvaṃ punar evābhyavartata // (25.2)
Par.?
abhyavartata puṣpāṇāṃ dhārā vaiśravaṇānujam / (26.1)
Par.?
nakṣatramālāvimalā meruṃ nagam ivottamam // (26.2)
Par.?
caraṇān nūpuraṃ bhraṣṭaṃ vaidehyā ratnabhūṣitam / (27.1)
Par.?
vidyunmaṇḍalasaṃkāśaṃ papāta madhurasvanam // (27.2)
Par.?
tarupravālaraktā sā nīlāṅgaṃ rākṣaseśvaram / (28.1)
Par.?
prāśobhayata vaidehī gajaṃ
kaṣyeva kāñcanī // (28.2)
Par.?
tāṃ maholkām ivākāśe dīpyamānāṃ svatejasā / (29.1)
Par.?
jahārākāśam āviśya sītāṃ vaiśravaṇānujaḥ // (29.2)
Par.?
tasyās tāny agnivarṇāni bhūṣaṇāni mahītale / (30.1)
Par.?
saghoṣāṇyavakīryanta kṣīṇās tārā ivāmbarāt // (30.2)
Par.?
tasyāḥ stanāntarād bhraṣṭo hāras tārādhipadyutiḥ / (31.1)
Par.?
vaidehyā nipatan bhāti gaṅgeva gaganāc cyutā // (31.2)
Par.?
utpātavātābhihatā nānādvijagaṇāyutāḥ / (32.1)
Par.?
mā bhair iti vidhūtāgrā vyājahrur iva pādapāḥ // (32.2)
Par.?
nalinyo dhvastakamalās trastamīnajalecarāḥ / (33.1)
Par.?
sakhīm iva gatotsāhāṃ śocantīva sma maithilīm // (33.2)
Par.?
samantād abhisaṃpatya siṃhavyāghramṛgadvijāḥ / (34.1)
Par.?
anvadhāvaṃs tadā roṣāt sītāchāyānugāminaḥ // (34.2)
Par.?
jalaprapātāsramukhāḥ śṛṅgair ucchritabāhavaḥ / (35.1)
Par.?
sītāyāṃ hriyamāṇāyāṃ vikrośantīva parvatāḥ // (35.2)
Par.?
hriyamāṇāṃ tu vaidehīṃ dṛṣṭvā dīno divākaraḥ / (36.1)
Par.?
pravidhvastaprabhaḥ śrīmān āsīt pāṇḍuramaṇḍalaḥ // (36.2)
Par.?
nāsti dharmaḥ kutaḥ satyaṃ nārjavaṃ nānṛśaṃsatā / (37.1)
Par.?
yatra rāmasya vaidehīṃ bhāryāṃ harati rāvaṇaḥ // (37.2)
Par.?
iti sarvāṇi bhūtāni gaṇaśaḥ paryadevayan / (38.1)
Par.?
vitrastakā dīnamukhā rurudur mṛgapotakāḥ // (38.2)
Par.?
udvīkṣyodvīkṣya nayanair āsrapātāvilekṣaṇāḥ / (39.1)
Par.?
supravepitagātrāś ca babhūvur vanadevatāḥ // (39.2)
Par.?
vikrośantīṃ dṛḍhaṃ sītāṃ dṛṣṭvā duḥkhaṃ tathā gatām / (40.1)
Par.?
tāṃ tu lakṣmaṇa rāmeti krośantīṃ madhurasvarām // (40.2)
Par.?
avekṣamāṇāṃ bahuśo vaidehīṃ dharaṇītalam / (41.1)
Par.?
sa tām ākulakeśāntāṃ vipramṛṣṭaviśeṣakām / (41.2)
Par.?
jahārātmavināśāya daśagrīvo manasvinīm // (41.3)
Par.?
tatas tu sā cārudatī śucismitā vinākṛtā bandhujanena maithilī / (42.1)
Par.?
apaśyatī rāghavalakṣmaṇāv ubhau vivarṇavaktrā bhayabhārapīḍitā // (42.2)
Par.?
Duration=0.15145492553711 secs.