Texts

ṛśyamūkāt tu hanumān gatvā taṃ malayaṃ girim / (1.1) Par.?

ācacakṣe tadā vīrau kapirājāya rāghavau // (1.2) Par.?

ayaṃ rāmo mahāprājñaḥ samprāpto dṛḍhavikramaḥ / (2.1) Par.?

lakṣmaṇena saha bhrātrā rāmo 'yaṃ satyavikramaḥ // (2.2) Par.?

ikṣvākūṇāṃ kule jāto rāmo daśarathātmajaḥ / (3.1) Par.?

dharme nigaditaś caiva pitur nirdeśapālakaḥ // (3.2) Par.?

tasyāsya vasato 'raṇye niyatasya mahātmanaḥ / (4.1) Par.?

rakṣasāpahṛtā bhāryā sa tvāṃ śaraṇam āgataḥ // (4.2) Par.?

rājasūyāśvamedhaiś ca vahnir yenābhitarpitaḥ / (5.1) Par.?

dakṣiṇāś ca tathotsṛṣṭā gāvaḥ śatasahasraśaḥ // (5.2) Par.?

tapasā satyavākyena vasudhā yena pālitā / (6.1) Par.?

strīhetos tasya putro 'yaṃ rāmas tvāṃ śaraṇaṃ gataḥ // (6.2) Par.?

bhavatā sakhyakāmau tau bhrātarau rāmalakṣmaṇau / (7.1) Par.?

pratigṛhyārcayasvemau pūjanīyatamāv ubhau // (7.2) Par.?

śrutvā hanumato vākyaṃ sugrīvo hṛṣṭamānasaḥ / (8.1) Par.?

bhayaṃ sa rāghavād ghoraṃ prajahau vigatajvaraḥ // (8.2) Par.?

sa kṛtvā mānuṣaṃ rūpaṃ sugrīvaḥ plavagādhipaḥ / (9.1) Par.?

darśanīyatamo bhūtvā prītyā provāca rāghavam // (9.2) Par.?

bhavān dharmavinītaś ca vikrāntaḥ sarvavatsalaḥ / (10.1) Par.?

ākhyātā vāyuputreṇa tattvato me bhavadguṇāḥ // (10.2) Par.?

tan mamaivaiṣa satkāro lābhaś caivottamaḥ prabho / (11.1) Par.?

yat tvam icchasi sauhārdaṃ vānareṇa mayā saha // (11.2) Par.?

rocate yadi vā sakhyaṃ bāhur eṣa prasāritaḥ / (12.1) Par.?

gṛhyatāṃ pāṇinā pāṇir maryādā badhyatāṃ dhruvā // (12.2) Par.?

etat tu vacanaṃ śrutvā sugrīvasya subhāṣitam / (13.1) Par.?

samprahṛṣṭamanā hastaṃ pīḍayāmāsa pāṇinā / (13.2) Par.?

hṛdyaṃ sauhṛdam ālambya paryaṣvajata pīḍitam // (13.3) Par.?

tato hanūmān saṃtyajya bhikṣurūpam ariṃdamaḥ / (14.1) Par.?

kāṣṭhayoḥ svena rūpeṇa janayāmāsa pāvakam // (14.2) Par.?

dīpyamānaṃ tato vahniṃ puṣpair abhyarcya satkṛtam / (15.1) Par.?

tayor madhye tu suprīto nidadhe susamāhitaḥ // (15.2) Par.?

tato 'gniṃ dīpyamānaṃ tau cakratuś ca pradakṣiṇam / (16.1) Par.?

sugrīvo rāghavaś caiva vayasyatvam upāgatau // (16.2) Par.?

tataḥ suprītamanasau tāv ubhau harirāghavau / (17.1) Par.?

anyonyam abhivīkṣantau na tṛptim upajagmatuḥ // (17.2) Par.?

tataḥ sarvārthavidvāṃsaṃ rāmaṃ daśarathātmajam / (18.1) Par.?

sugrīvaḥ prāha tejasvī vākyam ekamanās tadā // (18.2) Par.?