Texts

ity uktas tārayā vākyaṃ praśritaṃ dharmasaṃhitam / (1.1) Par.?

mṛdusvabhāvaḥ saumitriḥ pratijagrāha tadvacaḥ // (1.2) Par.?

tasmin pratigṛhīte tu vākye harigaṇeśvaraḥ / (2.1) Par.?

lakṣmaṇāt sumahattrāsaṃ vastraṃ klinnam ivātyajat // (2.2) Par.?

tataḥ kaṇṭhagataṃ mālyaṃ citraṃ bahuguṇaṃ mahat / (3.1) Par.?

cicheda vimadaś cāsīt sugrīvo vānareśvaraḥ // (3.2) Par.?

sa lakṣmaṇaṃ bhīmabalaṃ sarvavānarasattamaḥ / (4.1) Par.?

abravīt praśritaṃ vākyaṃ sugrīvaḥ saṃpraharṣayan // (4.2) Par.?

pranaṣṭā śrīś ca kīrtiś ca kapirājyaṃ ca śāśvatam / (5.1) Par.?

rāmaprasādāt saumitre punaḥ prāptam idaṃ mayā // (5.2) Par.?

kaḥ śaktas tasya devasya khyātasya svena karmaṇā / (6.1) Par.?

tādṛśaṃ vikramaṃ vīra pratikartum ariṃdama // (6.2) Par.?

sītāṃ prāpsyati dharmātmā vadhiṣyati ca rāvaṇam / (7.1) Par.?

sahāyamātreṇa mayā rāghavaḥ svena tejasā // (7.2) Par.?

sahāyakṛtyaṃ hi tasya yena sapta mahādrumāḥ / (8.1) Par.?

śailaś ca vasudhā caiva bāṇenaikena dāritāḥ // (8.2) Par.?

dhanur visphārayāṇasya yasya śabdena lakṣmaṇa / (9.1) Par.?

saśailā kampitā bhūmiḥ sahāyais tasya kiṃ nu vai // (9.2) Par.?

anuyātrāṃ narendrasya kariṣye 'haṃ nararṣabha / (10.1) Par.?

gacchato rāvaṇaṃ hantuṃ vairiṇaṃ sapuraḥsaram // (10.2) Par.?

yadi kiṃcid atikrāntaṃ viśvāsāt praṇayena vā / (11.1) Par.?

preṣyasya kṣamitavyaṃ me na kaścin nāparādhyati // (11.2) Par.?

iti tasya bruvāṇasya sugrīvasya mahātmanaḥ / (12.1) Par.?

abhavallakṣmaṇaḥ prītaḥ premṇā cedam uvāca ha // (12.2) Par.?

sarvathā hi mama bhrātā sanātho vānareśvara / (13.1) Par.?

tvayā nāthena sugrīva praśritena viśeṣataḥ // (13.2) Par.?

yas te prabhāvaḥ sugrīva yac ca te śaucam uttamam / (14.1) Par.?

arhastvaṃ kapirājyasya śriyaṃ bhoktum anuttamām // (14.2) Par.?

sahāyena ca sugrīva tvayā rāmaḥ pratāpavān / (15.1) Par.?

vadhiṣyati raṇe śatrūn acirānnātra saṃśayaḥ // (15.2) Par.?

dharmajñasya kṛtajñasya saṃgrāmeṣv anivartinaḥ / (16.1) Par.?

upapannaṃ ca yuktaṃ ca sugrīva tava bhāṣitam // (16.2) Par.?

doṣajñaḥ sati sāmarthye ko 'nyo bhāṣitum arhati / (17.1) Par.?

varjayitvā mama jyeṣṭhaṃ tvāṃ ca vānarasattama // (17.2) Par.?

sadṛśaś cāsi rāmasya vikrameṇa balena ca / (18.1) Par.?

sahāyo daivatair dattaś cirāya haripuṃgava // (18.2) Par.?

kiṃ tu śīghram ito vīra niṣkrāma tvaṃ mayā saha / (19.1) Par.?

sāntvayasva vayasyaṃ ca bhāryāharaṇaduḥkhitam // (19.2) Par.?

yac ca śokābhibhūtasya śrutvā rāmasya bhāṣitam / (20.1) Par.?

mayā tvaṃ paruṣāṇy uktas tac ca tvaṃ kṣantum arhasi // (20.2) Par.?