UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1965
- Click on a sentence to show its analysis
- Keep the mouse pointer over a lemma to show its meanings.
atha tān abravīt sarvān viśrāntān hariyūthapān / (1.1)
Par.?
idaṃ vacanam ekāgrā tāpasī dharmacāriṇī // (1.2)
Par.?
vānarā yadi vaḥ khedaḥ pranaṣṭaḥ phalabhakṣaṇāt / (2.1)
Par.?
yadi caitan mayā śrāvyaṃ śrotum icchāmi kathyatām // (2.2)
Par.?
tasyās tad vacanaṃ śrutvā hanumān mārutātmajaḥ / (3.1)
Par.?
ārjavena yathātattvam ākhyātum upacakrame // (3.2)
Par.?
rājā sarvasya lokasya mahendravaruṇopamaḥ / (4.1)
Par.?
rāmo dāśarathiḥ śrīmān praviṣṭo daṇḍakāvanam // (4.2)
Par.?
lakṣmaṇena saha bhrātrā vaidehyā cāpi bhāryayā / (5.1)
Par.?
tasya bhāryā janasthānād rāvaṇena hṛtā balāt // (5.2)
Par.?
vīras tasya sakhā rājñaḥ sugrīvo nāma vānaraḥ / (6.1)
Par.?
rājā vānaramukhyānāṃ yena prasthāpitā vayam // (6.2)
Par.?
agastyacaritām āśāṃ dakṣiṇāṃ yamarakṣitām / (7.1)
Par.?
sahaibhir vānarair mukhyair aṅgadapramukhair vayam // (7.2)
Par.?
rāvaṇaṃ sahitāḥ sarve rākṣasaṃ kāmarūpiṇam / (8.1)
Par.?
sītayā saha vaidehyā mārgadhvam iti coditāḥ // (8.2)
Par.?
vicitya tu vayaṃ sarve samagrāṃ dakṣiṇāṃ diśam / (9.1)
Par.?
bubhukṣitāḥ pariśrāntā vṛkṣamūlam upāśritāḥ // (9.2)
Par.?
vivarṇavadanāḥ sarve sarve dhyānaparāyaṇāḥ / (10.1)
Par.?
nādhigacchāmahe pāraṃ magnāś cintāmahārṇave // (10.2)
Par.?
cārayantas tataś cakṣur dṛṣṭavanto mahad bilam / (11.1)
Par.?
latāpādapasaṃchannaṃ timireṇa samāvṛtam // (11.2) Par.?
asmāddhaṃsā jalaklinnāḥ pakṣaiḥ salilareṇubhiḥ / (12.1)
Par.?
kurarāḥ sārasāś caiva niṣpatanti patatriṇaḥ / (12.2)
Par.?
sādhv atra praviśāmeti mayā tūktāḥ plavaṃgamāḥ // (12.3)
Par.?
teṣām api hi sarveṣām anumānam upāgatam / (13.1)
Par.?
gacchāmaḥ praviśāmeti bhartṛkāryatvarānvitāḥ // (13.2)
Par.?
tato gāḍhaṃ nipatitā gṛhya hastau parasparam / (14.1)
Par.?
idaṃ praviṣṭāḥ sahasā bilaṃ timirasaṃvṛtam // (14.2)
Par.?
etan naḥ kāryam etena kṛtyena vayam āgatāḥ / (15.1)
Par.?
tvāṃ caivopagatāḥ sarve paridyūnā bubhukṣitāḥ // (15.2)
Par.?
ātithyadharmadattāni mūlāni ca phalāni ca / (16.1)
Par.?
asmābhir upabhuktāni bubhukṣāparipīḍitaiḥ // (16.2)
Par.?
yat tvayā rakṣitāḥ sarve mriyamāṇā bubhukṣayā / (17.1)
Par.?
brūhi pratyupakārārthaṃ kiṃ te kurvantu vānarāḥ // (17.2)
Par.?
evam uktā tu sarvajñā vānarais taiḥ svayaṃprabhā / (18.1)
Par.?
pratyuvāca tataḥ sarvān idaṃ vānarayūthapān // (18.2)
Par.?
sarveṣāṃ parituṣṭāsmi vānarāṇāṃ tarasvinām / (19.1)
Par.?
carantyā mama dharmeṇa na kāryam iha kenacit // (19.2)
Par.?
Duration=0.09075403213501 secs.