UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3214
- Click on a sentence to show its analysis
- Keep the mouse pointer over a lemma to show its meanings.
anekaśatasāhasrīṃ viṣaṇṇāṃ harivāhinīm / (1.1)
Par.?
jāmbavān samudīkṣyaivaṃ hanumantam athābravīt // (1.2)
Par.?
vīra vānaralokasya sarvaśāstram athābravīt / (2.1)
Par.?
tūṣṇīm ekāntam āśritya hanuman kiṃ na jalpasi // (2.2)
Par.?
hanuman harirājasya sugrīvasya samo hyasi / (3.1)
Par.?
rāmalakṣmaṇayoścāpi tejasā ca balena ca // (3.2)
Par.?
ariṣṭaneminaḥ putrau vainateyo mahābalaḥ / (4.1)
Par.?
garutmān iva vikhyāta uttamaḥ sarvapakṣiṇām // (4.2)
Par.?
bahuśo hi mayā dṛṣṭaḥ sāgare sa mahābalaḥ / (5.1)
Par.?
bhujagān uddharan pakṣī mahāvego mahāyaśāḥ // (5.2)
Par.?
pakṣayor yad balaṃ tasya tāvad bhujabalaṃ tava / (6.1)
Par.?
vikramaścāpi vegaśca na te tenāpahīyate // (6.2)
Par.?
balaṃ buddhiśca tejaśca sattvaṃ ca harisattama / (7.1)
Par.?
viśiṣṭaṃ sarvabhūteṣu kim ātmānaṃ na budhyase // (7.2)
Par.?
apsarāpsarasāṃ śreṣṭhā vikhyātā puñjikasthalā / (8.1)
Par.?
ajñaneti parikhyātā patnī kesariṇo hareḥ // (8.2)
Par.?
abhiśāpād abhūt tāta vānarī kāmarūpiṇī / (9.1)
Par.?
duhitā vānarendrasya kuñjarasya mahātmanaḥ // (9.2)
Par.?
kapitve cārusarvāṅgī kadācit kāmarūpiṇī / (10.1)
Par.?
mānuṣaṃ vigrahaṃ kṛtvā yauvanottamaśālinī // (10.2)
Par.?
acarat parvatasyāgre prāvṛḍambudasaṃnibhe / (11.1)
Par.?
vicitramālyābharaṇā mahārhakṣaumavāsinī // (11.2)
Par.?
tasyā vastraṃ viśālākṣyāḥ pītaṃ raktadaśaṃ śubham / (12.1)
Par.?
sthitāyāḥ parvatasyāgre māruto 'paharacchanaiḥ // (12.2)
Par.?
sa dadarśa tatastasyā vṛttāvūrū susaṃhatau / (13.1)
Par.?
stanau ca pīnau sahitau sujātaṃ cāru cānanam // (13.2)
Par.?
tāṃ viśālāyataśroṇīṃ tanumadhyāṃ yaśasvinīm / (14.1)
Par.?
dṛṣṭvaiva śubhasarvāṅgīṃ pavanaḥ kāmamohitaḥ // (14.2)
Par.?
sa tāṃ bhujābhyāṃ pīnābhyāṃ paryaṣvajata mārutaḥ / (15.1)
Par.?
manmathāviṣṭasarvāṅgo gatātmā tām aninditām // (15.2)
Par.?
sā tu tatraiva saṃbhrāntā suvṛttā vākyam abravīt / (16.1)
Par.?
ekapatnīvratam idaṃ ko nāśayitum icchati // (16.2)
Par.?
añjanāyā vacaḥ śrutvā mārutaḥ pratyabhāṣata / (17.1)
Par.?
na tvāṃ hiṃsāmi suśroṇi mā bhūt te subhage bhayam // (17.2)
Par.?
manasāsmi gato yat tvāṃ pariṣvajya yaśasvini / (18.1)
Par.?
vīryavān buddhisampannaḥ putrastava bhaviṣyati // (18.2)
Par.?
abhyutthitaṃ tataḥ sūryaṃ bālo dṛṣṭvā mahāvane / (19.1)
Par.?
phalaṃ ceti jighṛkṣustvam utplutyābhyapato divam // (19.2)
Par.?
śatāni trīṇi gatvātha yojanānāṃ mahākape / (20.1)
Par.?
tejasā tasya nirdhūto na viṣādaṃ tato gataḥ // (20.2)
Par.?
tāvad āpatatastūrṇam antarikṣaṃ mahākape / (21.1)
Par.?
kṣiptam indreṇa te vajraṃ krodhāviṣṭena dhīmatā // (21.2)
Par.?
tataḥ śailāgraśikhare vāmo hanur abhajyata / (22.1)
Par.?
tato hi nāmadheyaṃ te hanumān iti kīrtyate // (22.2)
Par.?
tatastvāṃ nihataṃ dṛṣṭvā vāyur gandhavahaḥ svayam / (23.1)
Par.?
trailokye bhṛśasaṃkruddho na vavau vai prabhañjanaḥ // (23.2)
Par.?
saṃbhrāntāśca surāḥ sarve trailokye kṣubhite sati / (24.1)
Par.?
prasādayanti saṃkruddhaṃ mārutaṃ bhuvaneśvarāḥ // (24.2)
Par.?
prasādite ca pavane brahmā tubhyaṃ varaṃ dadau / (25.1)
Par.?
aśastravadhyatāṃ tāta samare satyavikrama // (25.2)
Par.?
vajrasya ca nipātena virujaṃ tvāṃ samīkṣya ca / (26.1)
Par.?
sahasranetraḥ prītātmā dadau te varam uttamam // (26.2) Par.?
svacchandataśca maraṇaṃ te bhūyād iti vai prabho / (27.1)
Par.?
sa tvaṃ kesariṇaḥ putraḥ kṣetrajo bhīmavikramaḥ // (27.2)
Par.?
mārutasyaurasaḥ putrastejasā cāpi tatsamaḥ / (28.1)
Par.?
tvaṃ hi vāyusuto vatsa plavane cāpi tatsamaḥ // (28.2)
Par.?
vayam adya gataprāṇā bhavān asmāsu sāmpratam / (29.1)
Par.?
dākṣyavikramasampannaḥ pakṣirāja ivāparaḥ // (29.2)
Par.?
trivikrame mayā tāta saśailavanakānanā / (30.1)
Par.?
triḥ saptakṛtvaḥ pṛthivī parikrāntā pradakṣiṇam // (30.2)
Par.?
tadā cauṣadhayo 'smābhiḥ saṃcitā devaśāsanāt / (31.1)
Par.?
niṣpannam amṛtaṃ yābhistadāsīnno mahad balam // (31.2)
Par.?
sa idānīm ahaṃ vṛddhaḥ parihīnaparākramaḥ / (32.1)
Par.?
sāmprataṃ kālam asmākaṃ bhavān sarvaguṇānvitaḥ // (32.2)
Par.?
tad vijṛmbhasva vikrāntaḥ plavatām uttamo hyasi / (33.1)
Par.?
tvadvīryaṃ draṣṭukāmeyaṃ sarvā vānaravāhinī // (33.2)
Par.?
uttiṣṭha hariśārdūla laṅghayasva mahārṇavam / (34.1)
Par.?
parā hi sarvabhūtānāṃ hanuman yā gatistava // (34.2)
Par.?
viṣaṇṇā harayaḥ sarve hanuman kim upekṣase / (35.1)
Par.?
vikramasva mahāvego viṣṇustrīn vikramān iva // (35.2)
Par.?
tatastu vai jāmbavatābhicoditaḥ pratītavegaḥ pavanātmajaḥ kapiḥ / (36.1)
Par.?
praharṣayaṃstāṃ harivīra vāhinīṃ cakāra rūpaṃ mahad ātmanastadā // (36.2)
Par.?
Duration=0.15556311607361 secs.