Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3263

Click on a sentence to show its analysis
Keep the mouse pointer over a lemma to show its meanings.

tasya tadvacanaṃ śrutvā sītā raudrasya rakṣasaḥ / (1.1) Par.?

ārtā dīnasvarā dīnaṃ pratyuvāca śanair vacaḥ // (1.2) Par.?

duḥkhārtā rudatī sītā vepamānā tapasvinī / (2.1) Par.?

cintayantī varārohā patim eva pativratā // (2.2) Par.?

tṛṇam antarataḥ kṛtvā pratyuvāca śucismitā / (3.1) Par.?

nivartaya mano mattaḥ svajane kriyatāṃ manaḥ // (3.2) Par.?

na māṃ prārthayituṃ yuktastvaṃ siddhim iva pāpakṛt / (4.1) Par.?

akāryaṃ na mayā kāryam ekapatnyā vigarhitam / (4.2) Par.?

kulaṃ samprāptayā puṇyaṃ kule mahati jātayā // (4.3) Par.?

evam uktvā tu vaidehī rāvaṇaṃ taṃ yaśasvinī / (5.1) Par.?

rākṣasaṃ pṛṣṭhataḥ kṛtvā bhūyo vacanam abravīt // (5.2) Par.?

nāham aupayikī bhāryā parabhāryā satī tava / (6.1) Par.?

sādhu dharmam avekṣasva sādhu sādhuvrataṃ cara // (6.2) Par.?

yathā tava tathānyeṣāṃ rakṣyā dārā niśācara / (7.1) Par.?

ātmānam upamāṃ kṛtvā sveṣu dāreṣu ramyatām // (7.2) Par.?

atuṣṭaṃ sveṣu dāreṣu capalaṃ calitendriyam / (8.1) Par.?

nayanti nikṛtiprajñāṃ paradārāḥ parābhavam // (8.2) Par.?

iha santo na vā santi sato vā nānuvartase / (9.1) Par.?

vaco mithyā praṇītātmā pathyam uktaṃ vicakṣaṇaiḥ // (9.2) Par.?

akṛtātmānam āsādya rājānam anaye ratam / (10.1) Par.?

samṛddhāni vinaśyanti rāṣṭrāṇi nagarāṇi ca // (10.2) Par.?

tatheyaṃ tvāṃ samāsādya laṅkā ratnaughasaṃkulā / (11.1) Par.?

aparādhāt tavaikasya nacirād vinaśiṣyati // (11.2) Par.?

svakṛtair hanyamānasya rāvaṇādīrghadarśinaḥ / (12.1) Par.?

abhinandanti bhūtāni vināśe pāpakarmaṇaḥ // (12.2) Par.?

evaṃ tvāṃ pāpakarmāṇaṃ vakṣyanti nikṛtā janāḥ / (13.1) Par.?

diṣṭyaitad vyasanaṃ prāpto raudra ityeva harṣitāḥ // (13.2) Par.?

śakyā lobhayituṃ nāham aiśvaryeṇa dhanena vā / (14.1) Par.?

ananyā rāghaveṇāhaṃ bhāskareṇa prabhā yathā // (14.2) Par.?

upadhāya bhujaṃ tasya lokanāthasya satkṛtam / (15.1) Par.?

kathaṃ nāmopadhāsyāmi bhujam anyasya kasyacit // (15.2) Par.?

aham aupayikī bhāryā tasyaiva vasudhāpateḥ / (16.1) Par.?

vratasnātasya viprasya vidyeva viditātmanaḥ // (16.2) Par.?

sādhu rāvaṇa rāmeṇa māṃ samānaya duḥkhitām / (17.1) Par.?

vane vāśitayā sārdhaṃ kareṇveva gajādhipam // (17.2) Par.?

mitram aupayikaṃ kartuṃ rāmaḥ sthānaṃ parīpsatā / (18.1) Par.?

vadhaṃ cānicchatā ghoraṃ tvayāsau puruṣarṣabhaḥ // (18.2) Par.?

varjayed vajram utsṛṣṭaṃ varjayed antakaściram / (19.1) Par.?

tvadvidhaṃ na tu saṃkruddho lokanāthaḥ sa rāghavaḥ // (19.2) Par.?

rāmasya dhanuṣaḥ śabdaṃ śroṣyasi tvaṃ mahāsvanam / (20.1) Par.?

śatakratuvisṛṣṭasya nirghoṣam aśaner iva // (20.2) Par.?

iha śīghraṃ suparvāṇo jvalitāsyā ivoragāḥ / (21.1) Par.?

iṣavo nipatiṣyanti rāmalakṣmaṇalakṣaṇāḥ // (21.2) Par.?

rakṣāṃsi pariṇighnantaḥ puryām asyāṃ samantataḥ / (22.1) Par.?

asaṃpātaṃ kariṣyanti patantaḥ kaṅkavāsasaḥ // (22.2) Par.?

rākṣasendramahāsarpān sa rāmagaruḍo mahān / (23.1) Par.?

uddhariṣyati vegena vainateya ivoragān // (23.2) Par.?

apaneṣyati māṃ bhartā tvattaḥ śīghram ariṃdamaḥ / (24.1) Par.?

asurebhyaḥ śriyaṃ dīptāṃ viṣṇustribhir iva kramaiḥ // (24.2) Par.?

janasthāne hatasthāne nihate rakṣasāṃ bale / (25.1) Par.?

aśaktena tvayā rakṣaḥ kṛtam etad asādhu vai // (25.2) Par.?

āśramaṃ tu tayoḥ śūnyaṃ praviśya narasiṃhayoḥ / (26.1) Par.?

gocaraṃ gatayor bhrātror apanītā tvayādhama // (26.2) Par.?

na hi gandham upāghrāya rāmalakṣmaṇayostvayā / (27.1) Par.?

śakyaṃ saṃdarśane sthātuṃ śunā śārdūlayor iva // (27.2) Par.?

tasya te vigrahe tābhyāṃ yugagrahaṇam asthiram / (28.1) Par.?

vṛtrasyevendrabāhubhyāṃ bāhor ekasya nigrahaḥ // (28.2) Par.?

kṣipraṃ tava sa nātho me rāmaḥ saumitriṇā saha / (29.1) Par.?

toyam alpam ivādityaḥ prāṇān ādāsyate śaraiḥ // (29.2) Par.?

giriṃ kuberasya gato 'thavālayaṃ sabhāṃ gato vā varuṇasya rājñaḥ / (30.1) Par.?

asaṃśayaṃ dāśarather na mokṣyase mahādrumaḥ kālahato 'śaner iva // (30.2) Par.?

Duration=0.13394498825073 secs.