UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3265
- Click on a sentence to show its analysis
- Keep the mouse pointer over a lemma to show its meanings.
ityuktvā maithilīṃ rājā rāvaṇaḥ śatrurāvaṇaḥ / (1.1)
Par.?
saṃdiśya ca tataḥ sarvā rākṣasīr nirjagāma ha // (1.2)
Par.?
niṣkrānte rākṣasendre tu punar antaḥpuraṃ gate / (2.1)
Par.?
rākṣasyo bhīmarūpāstāḥ sītāṃ samabhidudruvuḥ // (2.2)
Par.?
tataḥ sītām upāgamya rākṣasyaḥ krodhamūrchitāḥ / (3.1)
Par.?
paraṃ paruṣayā vācā vaidehīm idam abruvan // (3.2)
Par.?
paulastyasya variṣṭhasya rāvaṇasya mahātmanaḥ / (4.1)
Par.?
daśagrīvasya bhāryātvaṃ sīte na bahu manyase // (4.2)
Par.?
tatastvekajaṭā nāma rākṣasī vākyam abravīt / (5.1)
Par.?
āmantrya krodhatāmrākṣī sītāṃ karatalodarīm // (5.2)
Par.?
prajāpatīnāṃ ṣaṇṇāṃ tu caturtho yaḥ prajāpatiḥ / (6.1)
Par.?
mānaso brahmaṇaḥ putraḥ pulastya iti viśrutaḥ // (6.2)
Par.?
pulastyasya tu tejasvī maharṣir mānasaḥ sutaḥ / (7.1)
Par.?
nāmnā sa viśravā nāma prajāpatisamaprabhaḥ // (7.2)
Par.?
tasya putro viśālākṣi rāvaṇaḥ śatrurāvaṇaḥ / (8.1)
Par.?
tasya tvaṃ rākṣasendrasya bhāryā bhavitum arhasi / (8.2)
Par.?
mayoktaṃ cārusarvāṅgi vākyaṃ kiṃ nānumanyase // (8.3)
Par.?
tato harijaṭā nāma rākṣasī vākyam abravīt / (9.1)
Par.?
vivṛtya nayane kopānmārjārasadṛśekṣaṇā // (9.2)
Par.?
yena devāstrayastriṃśad devarājaśca nirjitaḥ / (10.1)
Par.?
tasya tvaṃ rākṣasendrasya bhāryā bhavitum arhasi // (10.2)
Par.?
vīryotsiktasya śūrasya saṃgrāmeṣvanivartinaḥ / (11.1)
Par.?
balino vīryayuktasya bhāryātvaṃ kiṃ na lapsyase // (11.2)
Par.?
priyāṃ bahumatāṃ bhāryāṃ tyaktvā rājā mahābalaḥ / (12.1)
Par.?
sarvāsāṃ ca mahābhāgāṃ tvām upaiṣyati rāvaṇaḥ // (12.2)
Par.?
samṛddhaṃ strīsahasreṇa nānāratnopaśobhitam / (13.1)
Par.?
antaḥpuraṃ samutsṛjya tvām upaiṣyati rāvaṇaḥ // (13.2)
Par.?
asakṛd devatā yuddhe nāgagandharvadānavāḥ / (14.1)
Par.?
nirjitāḥ samare yena sa te pārśvam upāgataḥ // (14.2)
Par.?
tasya sarvasamṛddhasya rāvaṇasya mahātmanaḥ / (15.1) Par.?
kimarthaṃ rākṣasendrasya bhāryātvaṃ necchase 'dhame // (15.2)
Par.?
yasya sūryo na tapati bhīto yasya ca mārutaḥ / (16.1)
Par.?
na vāti smāyatāpāṅge kiṃ tvaṃ tasya na tiṣṭhasi // (16.2)
Par.?
puṣpavṛṣṭiṃ ca taravo mumucur yasya vai bhayāt / (17.1)
Par.?
śailāśca subhru pānīyaṃ jaladāśca yadecchati // (17.2)
Par.?
tasya nairṛtarājasya rājarājasya bhāmini / (18.1)
Par.?
kiṃ tvaṃ na kuruṣe buddhiṃ bhāryārthe rāvaṇasya hi // (18.2)
Par.?
sādhu te tattvato devi kathitaṃ sādhu bhāmini / (19.1)
Par.?
gṛhāṇa susmite vākyam anyathā na bhaviṣyasi // (19.2)
Par.?
Duration=0.15830397605896 secs.