Texts

ityuktā rākṣasendreṇa rākṣasāste mahābalāḥ / (1.1) Par.?

ūcuḥ prāñjalayaḥ sarve rāvaṇaṃ rākṣaseśvaram // (1.2) Par.?

rājan parighaśaktyṛṣṭiśūlapaṭṭasasaṃkulam / (2.1) Par.?

sumahanno balaṃ kasmād viṣādaṃ bhajate bhavān // (2.2) Par.?

kailāsaśikharāvāsī yakṣair bahubhir āvṛtaḥ / (3.1) Par.?

sumahat kadanaṃ kṛtvā vaśyaste dhanadaḥ kṛtaḥ // (3.2) Par.?

sa maheśvarasakhyena ślāghamānastvayā vibho / (4.1) Par.?

nirjitaḥ samare roṣāl lokapālo mahābalaḥ // (4.2) Par.?

vinihatya ca yakṣaughān vikṣobhya ca vigṛhya ca / (5.1) Par.?

tvayā kailāsaśikharād vimānam idam āhṛtam // (5.2) Par.?

mayena dānavendreṇa tvadbhayāt sakhyam icchatā / (6.1) Par.?

duhitā tava bhāryārthe dattā rākṣasapuṃgava // (6.2) Par.?

dānavendro madhur nāma vīryotsikto durāsadaḥ / (7.1) Par.?

vigṛhya vaśam ānītaḥ kumbhīnasyāḥ sukhāvahaḥ // (7.2) Par.?

nirjitāste mahābāho nāgā gatvā rasātalam / (8.1) Par.?

vāsukistakṣakaḥ śaṅkho jaṭī ca vaśam āhṛtāḥ // (8.2) Par.?

akṣayā balavantaśca śūrā labdhavarāḥ punaḥ / (9.1) Par.?

tvayā saṃvatsaraṃ yuddhvā samare dānavā vibho // (9.2) Par.?

svabalaṃ samupāśritya nītā vaśam ariṃdama / (10.1) Par.?

māyāścādhigatāstatra bahavo rākṣasādhipa // (10.2) Par.?

śūrāśca balavantaśca varuṇasya sutā raṇe / (11.1) Par.?

nirjitāste mahābāho caturvidhabalānugāḥ // (11.2) Par.?

mṛtyudaṇḍamahāgrāhaṃ śālmalidvīpamaṇḍitam / (12.1) Par.?

avagāhya tvayā rājan yamasya balasāgaram // (12.2) Par.?

jayaśca vipulaḥ prāpto mṛtyuśca pratiṣedhitaḥ / (13.1) Par.?

suyuddhena ca te sarve lokāstatra sutoṣitāḥ // (13.2) Par.?

kṣatriyair bahubhir vīraiḥ śakratulyaparākramaiḥ / (14.1) Par.?

āsīd vasumatī pūrṇā mahadbhir iva pādapaiḥ // (14.2) Par.?

teṣāṃ vīryaguṇotsāhair na samo rāghavo raṇe / (15.1) Par.?

prasahya te tvayā rājan hatāḥ paramadurjayāḥ // (15.2) Par.?

rājannāpad ayukteyam āgatā prākṛtājjanāt / (16.1) Par.?

hṛdi naiva tvayā kāryā tvaṃ vadhiṣyasi rāghavam // (16.2) Par.?