Texts

śukena tu samākhyātāṃstān dṛṣṭvā hariyūthapān / (1.1) Par.?

samīpasthaṃ ca rāmasya bhrātaraṃ svaṃ vibhīṣaṇam // (1.2) Par.?

lakṣmaṇaṃ ca mahāvīryaṃ bhujaṃ rāmasya dakṣiṇam / (2.1) Par.?

sarvavānararājaṃ ca sugrīvaṃ bhīmavikramam // (2.2) Par.?

kiṃcid āvignahṛdayo jātakrodhaśca rāvaṇaḥ / (3.1) Par.?

bhartsayāmāsa tau vīrau kathānte śukasāraṇau // (3.2) Par.?

adhomukhau tau praṇatāvabravīcchukasāraṇau / (4.1) Par.?

roṣagadgadayā vācā saṃrabdhaḥ paruṣaṃ vacaḥ // (4.2) Par.?

na tāvat sadṛśaṃ nāma sacivair upajīvibhiḥ / (5.1) Par.?

vipriyaṃ nṛpater vaktuṃ nigrahapragrahe vibhoḥ // (5.2) Par.?

ripūṇāṃ pratikūlānāṃ yuddhārtham abhivartatām / (6.1) Par.?

ubhābhyāṃ sadṛśaṃ nāma vaktum aprastave stavam // (6.2) Par.?

ācāryā guravo vṛddhā vṛthā vāṃ paryupāsitāḥ / (7.1) Par.?

sāraṃ yad rājaśāstrāṇām anujīvyaṃ na gṛhyate // (7.2) Par.?

gṛhīto vā na vijñāto bhāro jñānasya vohyate / (8.1) Par.?

īdṛśaiḥ sacivair yukto mūrkhair diṣṭyā dharāmyaham // (8.2) Par.?

kiṃ nu mṛtyor bhayaṃ nāsti māṃ vaktuṃ paruṣaṃ vacaḥ / (9.1) Par.?

yasya me śāsato jihvā prayacchati śubhāśubham // (9.2) Par.?

apyeva dahanaṃ spṛṣṭvā vane tiṣṭhanti pādapāḥ / (10.1) Par.?

rājadoṣaparāmṛṣṭāstiṣṭhante nāparādhinaḥ // (10.2) Par.?

hanyām aham imau pāpau śatrupakṣapraśaṃsakau / (11.1) Par.?

yadi pūrvopakārair me na krodho mṛdutāṃ vrajet // (11.2) Par.?

apadhvaṃsata gacchadhvaṃ saṃnikarṣād ito mama / (12.1) Par.?

na hi vāṃ hantum icchāmi smarann upakṛtāni vām / (12.2) Par.?

hatāveva kṛtaghnau tau mayi snehaparāṅmukhau // (12.3) Par.?

evam uktau tu savrīḍau tāvubhau śukasāraṇau / (13.1) Par.?

rāvaṇaṃ jayaśabdena pratinandyābhiniḥsṛtau // (13.2) Par.?

abravīt sa daśagrīvaḥ samīpasthaṃ mahodaram / (14.1) Par.?

upasthāpaya śīghraṃ me cārānnītiviśāradān // (14.2) Par.?

tataścarāḥ saṃtvaritāḥ prāptāḥ pārthivaśāsanāt / (15.1) Par.?

upasthitāḥ prāñjalayo vardhayitvā jayāśiṣā // (15.2) Par.?

tān abravīt tato vākyaṃ rāvaṇo rākṣasādhipaḥ / (16.1) Par.?

cārān pratyayikāñ śūrān bhaktān vigatasādhvasān // (16.2) Par.?

ito gacchata rāmasya vyavasāyaṃ parīkṣatha / (17.1) Par.?

mantreṣvabhyantarā ye 'sya prītyā tena samāgatāḥ // (17.2) Par.?

kathaṃ svapiti jāgarti kim anyacca kariṣyati / (18.1) Par.?

vijñāya nipuṇaṃ sarvam āgantavyam aśeṣataḥ // (18.2) Par.?

cāreṇa viditaḥ śatruḥ paṇḍitair vasudhādhipaiḥ / (19.1) Par.?

yuddhe svalpena yatnena samāsādya nirasyate // (19.2) Par.?

cārāstu te tathetyuktvā prahṛṣṭā rākṣaseśvaram / (20.1) Par.?

kṛtvā pradakṣiṇaṃ jagmur yatra rāmaḥ salakṣmaṇaḥ // (20.2) Par.?

te suvelasya śailasya samīpe rāmalakṣmaṇau / (21.1) Par.?

pracchannā dadṛśur gatvā sasugrīvavibhīṣaṇau // (21.2) Par.?

te tu dharmātmanā dṛṣṭā rākṣasendreṇa rākṣasāḥ / (22.1) Par.?

vibhīṣaṇena tatrasthā nigṛhītā yadṛcchayā // (22.2) Par.?

vānarair arditāste tu vikrāntair laghuvikramaiḥ / (23.1) Par.?

punar laṅkām anuprāptāḥ śvasanto naṣṭacetasaḥ // (23.2) Par.?

tato daśagrīvam upasthitāste cārā bahirnityacarā niśācarāḥ / (24.1) Par.?

gireḥ suvelasya samīpavāsinaṃ nyavedayan bhīmabalaṃ mahābalāḥ // (24.2) Par.?