Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3434
  • Click on a sentence to show its analysis
  • Keep the mouse pointer over a lemma to show its meanings.
śrutvā hanumato vākyaṃ yathāvad abhibhāṣitam / (1.1) Par.?
rāmaḥ prītisamāyukto vākyam uttaram abravīt // (1.2) Par.?
kṛtaṃ hanumatā kāryaṃ sumahad bhuvi duṣkaram / (2.1) Par.?
manasāpi yad anyena na śakyaṃ dharaṇītale // (2.2) Par.?
na hi taṃ paripaśyāmi yastareta mahārṇavam / (3.1) Par.?
anyatra garuḍād vāyor anyatra ca hanūmataḥ // (3.2) Par.?
devadānavayakṣāṇāṃ gandharvoragarakṣasām / (4.1) Par.?
apradhṛṣyāṃ purīṃ laṅkāṃ rāvaṇena surakṣitām // (4.2) Par.?
praviṣṭaḥ sattvam āśritya jīvan ko nāma niṣkramet / (5.1) Par.?
ko viśet sudurādharṣāṃ rākṣasaiśca surakṣitām / (5.2) Par.?
yo vīryabalasampanno na samaḥ syāddhanūmataḥ // (5.3) Par.?
bhṛtyakāryaṃ hanumatā sugrīvasya kṛtaṃ mahat / (6.1) Par.?
evaṃ vidhāya svabalaṃ sadṛśaṃ vikramasya ca // (6.2) Par.?
yo hi bhṛtyo niyuktaḥ san bhartrā karmaṇi duṣkare / (7.1) Par.?
kuryāt tadanurāgeṇa tam āhuḥ puruṣottamam // (7.2) Par.?
niyukto nṛpateḥ kāryaṃ na kuryād yaḥ samāhitaḥ / (8.1) Par.?
bhṛtyo yuktaḥ samarthaśca tam āhuḥ puruṣādhamam // (8.2) Par.?
tanniyoge niyuktena kṛtaṃ kṛtyaṃ hanūmatā / (9.1) Par.?
na cātmā laghutāṃ nītaḥ sugrīvaścāpi toṣitaḥ // (9.2) Par.?
ahaṃ ca raghuvaṃśaśca lakṣmaṇaśca mahābalaḥ / (10.1) Par.?
vaidehyā darśanenādya dharmataḥ parirakṣitāḥ // (10.2) Par.?
idaṃ tu mama dīnasya mano bhūyaḥ prakarṣati / (11.1) Par.?
yad ihāsya priyākhyātur na kurmi sadṛśaṃ priyam // (11.2) Par.?
eṣa sarvasvabhūtastu pariṣvaṅgo hanūmataḥ / (12.1) Par.?
mayā kālam imaṃ prāpya dattastasya mahātmanaḥ // (12.2) Par.?
sarvathā sukṛtaṃ tāvat sītāyāḥ parimārgaṇam / (13.1) Par.?
sāgaraṃ tu samāsādya punar naṣṭaṃ mano mama // (13.2) Par.?
kathaṃ nāma samudrasya duṣpārasya mahāmbhasaḥ / (14.1) Par.?
harayo dakṣiṇaṃ pāraṃ gamiṣyanti samāhitāḥ // (14.2) Par.?
yadyapyeṣa tu vṛttānto vaidehyā gadito mama / (15.1) Par.?
samudrapāragamane harīṇāṃ kim ivottaram // (15.2) Par.?
ityuktvā śokasaṃbhrānto rāmaḥ śatrunibarhaṇaḥ / (16.1) Par.?
hanūmantaṃ mahābāhustato dhyānam upāgamat // (16.2) Par.?
Duration=0.074702978134155 secs.