UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3492
- Click on a sentence to show its analysis
- Keep the mouse pointer over a lemma to show its meanings.
sabale sāgaraṃ tīrṇe rāme daśarathātmaje / (1.1)
Par.?
amātyau rāvaṇaḥ śrīmān abravīcchukasāraṇau // (1.2)
Par.?
samagraṃ sāgaraṃ tīrṇaṃ dustaraṃ vānaraṃ balam / (2.1)
Par.?
abhūtapūrvaṃ rāmeṇa sāgare setubandhanam // (2.2)
Par.?
sāgare setubandhaṃ tu na śraddadhyāṃ kathaṃcana / (3.1)
Par.?
avaśyaṃ cāpi saṃkhyeyaṃ tanmayā vānaraṃ balam // (3.2)
Par.?
bhavantau vānaraṃ sainyaṃ praviśyānupalakṣitau / (4.1)
Par.?
parimāṇaṃ ca vīryaṃ ca ye ca mukhyāḥ plavaṃgamāḥ // (4.2)
Par.?
mantriṇo ye ca rāmasya sugrīvasya ca saṃmatāḥ / (5.1)
Par.?
ye pūrvam abhivartante ye ca śūrāḥ plavaṃgamāḥ // (5.2)
Par.?
sa ca setur yathā baddhaḥ sāgare salilārṇave / (6.1)
Par.?
niveśaśca yathā teṣāṃ vānarāṇāṃ mahātmanām // (6.2)
Par.?
rāmasya vyavasāyaṃ ca vīryaṃ praharaṇāni ca / (7.1)
Par.?
lakṣmaṇasya ca vīrasya tattvato jñātum arhatha // (7.2)
Par.?
kaśca senāpatisteṣāṃ vānarāṇāṃ mahaujasām / (8.1)
Par.?
etajjñātvā yathātattvaṃ śīghram āgantum arhathaḥ // (8.2)
Par.?
iti pratisamādiṣṭau rākṣasau śukasāraṇau / (9.1)
Par.?
harirūpadharau vīrau praviṣṭau vānaraṃ balam // (9.2)
Par.?
tatastad vānaraṃ sainyam acintyaṃ lomaharṣaṇam / (10.1)
Par.?
saṃkhyātuṃ nādhyagacchetāṃ tadā tau śukasāraṇau // (10.2)
Par.?
tat sthitaṃ parvatāgreṣu nirdareṣu guhāsu ca / (11.1)
Par.?
samudrasya ca tīreṣu vaneṣūpavaneṣu ca // (11.2)
Par.?
taramāṇaṃ ca tīrṇaṃ ca tartukāmaṃ ca sarvaśaḥ / (12.1)
Par.?
niviṣṭaṃ niviśaccaiva bhīmanādaṃ mahābalam // (12.2)
Par.?
tau dadarśa mahātejāḥ pracchannau ca vibhīṣaṇaḥ / (13.1)
Par.?
ācacakṣe 'tha rāmāya gṛhītvā śukasāraṇau / (13.2)
Par.?
laṅkāyāḥ samanuprāptau cārau parapuraṃjayau // (13.3)
Par.?
tau dṛṣṭvā vyathitau rāmaṃ nirāśau jīvite tadā / (14.1)
Par.?
kṛtāñjalipuṭau bhītau vacanaṃ cedam ūcatuḥ // (14.2)
Par.?
āvām ihāgatau saumya rāvaṇaprahitāvubhau / (15.1)
Par.?
parijñātuṃ balaṃ kṛtsnaṃ tavedaṃ raghunandana // (15.2)
Par.?
tayostad vacanaṃ śrutvā rāmo daśarathātmajaḥ / (16.1)
Par.?
abravīt prahasan vākyaṃ sarvabhūtahite rataḥ // (16.2)
Par.?
yadi dṛṣṭaṃ balaṃ kṛtsnaṃ vayaṃ vā susamīkṣitāḥ / (17.1)
Par.?
yathoktaṃ vā kṛtaṃ kāryaṃ chandataḥ pratigamyatām // (17.2)
Par.?
praviśya nagarīṃ laṅkāṃ bhavadbhyāṃ dhanadānujaḥ / (18.1)
Par.?
vaktavyo rakṣasāṃ rājā yathoktaṃ vacanaṃ mama // (18.2)
Par.?
yad balaṃ ca samāśritya sītāṃ me hṛtavān asi / (19.1)
Par.?
tad darśaya yathākāmaṃ sasainyaḥ sahabāndhavaḥ // (19.2)
Par.?
śvaḥ kāle nagarīṃ laṅkāṃ saprākārāṃ satoraṇām / (20.1)
Par.?
rākṣasaṃ ca balaṃ paśya śarair vidhvaṃsitaṃ mayā // (20.2)
Par.?
ghoraṃ roṣam ahaṃ mokṣye balaṃ dhāraya rāvaṇa / (21.1)
Par.?
śvaḥkāle vajravān vajraṃ dānaveṣviva vāsavaḥ // (21.2)
Par.?
iti pratisamādiṣṭau rākṣasau śukasāraṇau / (22.1)
Par.?
āgamya nagarīṃ laṅkām abrūtāṃ rākṣasādhipam // (22.2)
Par.?
vibhīṣaṇagṛhītau tu vadhārhau rākṣaseśvara / (23.1)
Par.?
dṛṣṭvā dharmātmanā muktau rāmeṇāmitatejasā // (23.2)
Par.?
ekasthānagatā yatra catvāraḥ puruṣarṣabhāḥ / (24.1)
Par.?
lokapālopamāḥ śūrāḥ kṛtāstrā dṛḍhavikramāḥ // (24.2)
Par.?
rāmo dāśarathiḥ śrīmāṃl lakṣmaṇaśca vibhīṣaṇaḥ / (25.1)
Par.?
sugrīvaśca mahātejā mahendrasamavikramaḥ // (25.2)
Par.?
ete śaktāḥ purīṃ laṅkāṃ saprākārāṃ satoraṇām / (26.1)
Par.?
utpāṭya saṃkrāmayituṃ sarve tiṣṭhantu vānarāḥ // (26.2)
Par.?
yādṛśaṃ tasya rāmasya rūpaṃ praharaṇāni ca / (27.1)
Par.?
vadhiṣyati purīṃ laṅkām ekastiṣṭhantu te trayaḥ // (27.2)
Par.?
rāmalakṣmaṇaguptā sā sugrīveṇa ca vāhinī / (28.1)
Par.?
babhūva durdharṣatarā sarvair api surāsuraiḥ // (28.2)
Par.?
prahṛṣṭarūpā dhvajinī vanaukasāṃ mahātmanāṃ saṃprati yoddhum icchatām / (29.1)
Par.?
alaṃ virodhena śamo vidhīyatāṃ pradīyatāṃ dāśarathāya maithilī // (29.2) Par.?
Duration=0.16414403915405 secs.