UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3493
- Click on a sentence to show its analysis
- Keep the mouse pointer over a lemma to show its meanings.
tad vacaḥ pathyam aklībaṃ sāraṇenābhibhāṣitam / (1.1)
Par.?
niśamya rāvaṇo rājā pratyabhāṣata sāraṇam // (1.2)
Par.?
yadi mām abhiyuñjīran devagandharvadānavāḥ / (2.1)
Par.?
naiva sītāṃ pradāsyāmi sarvalokabhayād api // (2.2)
Par.?
tvaṃ tu saumya paritrasto haribhir nirjito bhṛśam / (3.1)
Par.?
pratipradānam adyaiva sītāyāḥ sādhu manyase / (3.2)
Par.?
ko hi nāma sapatno māṃ samare jetum arhati // (3.3)
Par.?
ityuktvā paruṣaṃ vākyaṃ rāvaṇo rākṣasādhipaḥ / (4.1)
Par.?
āruroha tataḥ śrīmān prāsādaṃ himapāṇḍuram / (4.2)
Par.?
bahutālasamutsedhaṃ rāvaṇo 'tha didṛkṣayā // (4.3)
Par.?
tābhyāṃ carābhyāṃ sahito rāvaṇaḥ krodhamūrchitaḥ / (5.1)
Par.?
paśyamānaḥ samudraṃ ca parvatāṃśca vanāni ca / (5.2)
Par.?
dadarśa pṛthivīdeśaṃ susampūrṇaṃ plavaṃgamaiḥ // (5.3)
Par.?
tad apāram asaṃkhyeyaṃ vānarāṇāṃ mahad balam / (6.1)
Par.?
ālokya rāvaṇo rājā paripapraccha sāraṇam // (6.2)
Par.?
eṣāṃ vānaramukhyānāṃ ke śūrāḥ ke mahābalāḥ / (7.1)
Par.?
ke pūrvam abhivartante mahotsāhāḥ samantataḥ // (7.2)
Par.?
keṣāṃ śṛṇoti sugrīvaḥ ke vā yūthapayūthapāḥ / (8.1)
Par.?
sāraṇācakṣva me sarvaṃ ke pradhānāḥ plavaṃgamāḥ // (8.2)
Par.?
sāraṇo rākṣasendrasya vacanaṃ paripṛcchataḥ / (9.1)
Par.?
ācacakṣe 'tha mukhyajño mukhyāṃstāṃstu vanaukasaḥ // (9.2)
Par.?
eṣa yo 'bhimukho laṅkāṃ nardaṃstiṣṭhati vānaraḥ / (10.1)
Par.?
yūthapānāṃ sahasrāṇāṃ śatena parivāritaḥ // (10.2)
Par.?
yasya ghoṣeṇa mahatā saprākārā satoraṇā / (11.1)
Par.?
laṅkā pravepate sarvā saśailavanakānanā // (11.2)
Par.?
sarvaśākhāmṛgendrasya sugrīvasya mahātmanaḥ / (12.1)
Par.?
balāgre tiṣṭhate vīro nīlo nāmaiṣa yūthapaḥ // (12.2)
Par.?
bāhū pragṛhya yaḥ padbhyāṃ mahīṃ gacchati vīryavān / (13.1)
Par.?
laṅkām abhimukhaḥ kopād abhīkṣṇaṃ ca vijṛmbhate // (13.2)
Par.?
giriśṛṅgapratīkāśaḥ padmakiñjalkasaṃnibhaḥ / (14.1)
Par.?
sphoṭayatyabhisaṃrabdho lāṅgūlaṃ ca punaḥ punaḥ // (14.2)
Par.?
yasya lāṅgūlaśabdena svanantīva diśo daśa / (15.1)
Par.?
eṣa vānararājena sugrīveṇābhiṣecitaḥ / (15.2)
Par.?
yauvarājye 'ṅgado nāma tvām āhvayati saṃyuge // (15.3)
Par.?
ye tu viṣṭabhya gātrāṇi kṣveḍayanti nadanti ca / (16.1)
Par.?
utthāya ca vijṛmbhante krodhena haripuṃgavāḥ // (16.2)
Par.?
ete duṣprasahā ghorāścaṇḍāścaṇḍaparākramāḥ / (17.1)
Par.?
aṣṭau śatasahasrāṇi daśakoṭiśatāni ca // (17.2)
Par.?
ya enam anugacchanti vīrāścandanavāsinaḥ / (18.1)
Par.?
eṣa āśaṃsate laṅkāṃ svenānīkena marditum // (18.2)
Par.?
śveto rajatasaṃkāśaḥ sabalo bhīmavikramaḥ / (19.1)
Par.?
buddhimān vānaraḥ śūrastriṣu lokeṣu viśrutaḥ // (19.2)
Par.?
tūrṇaṃ sugrīvam āgamya punar gacchati vānaraḥ / (20.1)
Par.?
vibhajan vānarīṃ senām anīkāni praharṣayan // (20.2)
Par.?
yaḥ purā gomatītīre ramyaṃ paryeti parvatam / (21.1)
Par.?
nāmnā saṃkocano nāma nānānagayuto giriḥ // (21.2) Par.?
tatra rājyaṃ praśāstyeṣa kumudo nāma yūthapaḥ / (22.1)
Par.?
yo 'sau śatasahasrāṇāṃ sahasraṃ parikarṣati // (22.2)
Par.?
yasya vālā bahuvyāmā dīrghalāṅgūlam āśritāḥ / (23.1)
Par.?
tāmrāḥ pītāḥ sitāḥ śvetāḥ prakīrṇā ghorakarmaṇaḥ // (23.2)
Par.?
adīno roṣaṇaścaṇḍaḥ saṃgrāmam abhikāṅkṣati / (24.1)
Par.?
eṣaivāśaṃsate laṅkāṃ svenānīkena marditum // (24.2)
Par.?
yastveṣa siṃhasaṃkāśaḥ kapilo dīrghakesaraḥ / (25.1)
Par.?
nibhṛtaḥ prekṣate laṅkāṃ didhakṣann iva cakṣuṣā // (25.2)
Par.?
vindhyaṃ kṛṣṇagiriṃ sahyaṃ parvataṃ ca sudarśanam / (26.1)
Par.?
rājan satatam adhyāste rambho nāmaiṣa yūthapaḥ // (26.2)
Par.?
śataṃ śatasahasrāṇāṃ triṃśacca hariyūthapāḥ / (27.1)
Par.?
parivāryānugacchanti laṅkāṃ marditum ojasā // (27.2)
Par.?
yastu karṇau vivṛṇute jṛmbhate ca punaḥ punaḥ / (28.1)
Par.?
na ca saṃvijate mṛtyor na ca yūthād vidhāvati // (28.2)
Par.?
mahābalo vītabhayo ramyaṃ sālveyaparvatam / (29.1)
Par.?
rājan satatam adhyāste śarabho nāma yūthapaḥ // (29.2)
Par.?
etasya balinaḥ sarve vihārā nāma yūthapāḥ / (30.1)
Par.?
rājañ śatasahasrāṇi catvāriṃśat tathaiva ca // (30.2)
Par.?
yastu megha ivākāśaṃ mahān āvṛtya tiṣṭhati / (31.1)
Par.?
madhye vānaravīrāṇāṃ surāṇām iva vāsavaḥ // (31.2)
Par.?
bherīṇām iva saṃnādo yasyaiṣa śrūyate mahān / (32.1)
Par.?
ghoraḥ śākhāmṛgendrāṇāṃ saṃgrāmam abhikāṅkṣatām // (32.2)
Par.?
eṣa parvatam adhyāste pāriyātram anuttamam / (33.1)
Par.?
yuddhe duṣprasaho nityaṃ panaso nāma yūthapaḥ // (33.2)
Par.?
enaṃ śatasahasrāṇāṃ śatārdhaṃ paryupāsate / (34.1)
Par.?
yūthapā yūthapaśreṣṭhaṃ yeṣāṃ yūthāni bhāgaśaḥ // (34.2)
Par.?
yastu bhīmāṃ pravalgantīṃ camūṃ tiṣṭhati śobhayan / (35.1)
Par.?
sthitāṃ tīre samudrasya dvitīya iva sāgaraḥ // (35.2)
Par.?
eṣa dardarasaṃkāśo vinato nāma yūthapaḥ / (36.1)
Par.?
pibaṃścarati parṇāśāṃ nadīnām uttamāṃ nadīm // (36.2)
Par.?
ṣaṣṭiḥ śatasahasrāṇi balam asya plavaṃgamāḥ / (37.1)
Par.?
tvām āhvayati yuddhāya krathano nāma yūthapaḥ // (37.2)
Par.?
yastu gairikavarṇābhaṃ vapuḥ puṣyati vānaraḥ / (38.1)
Par.?
gavayo nāma tejasvī tvāṃ krodhād abhivartate // (38.2)
Par.?
enaṃ śatasahasrāṇi saptatiḥ paryupāsate / (39.1)
Par.?
eṣa āśaṃsate laṅkāṃ svenānīkena marditum // (39.2)
Par.?
ete duṣprasahā ghorā balinaḥ kāmarūpiṇaḥ / (40.1)
Par.?
yūthapā yūthapaśreṣṭhā yeṣāṃ saṃkhyā na vidyate // (40.2)
Par.?
Duration=0.22771191596985 secs.