Texts

sa tasya gatim anvicchan rājaputraḥ pratāpavān / (1.1) Par.?

dideśātibalo rāmo daśavānarayūthapān // (1.2) Par.?

dvau suṣeṇasya dāyādau nīlaṃ ca plavagarṣabham / (2.1) Par.?

aṅgadaṃ vāliputraṃ ca śarabhaṃ ca tarasvinam // (2.2) Par.?

vinataṃ jāmbavantaṃ ca sānuprasthaṃ mahābalam / (3.1) Par.?

ṛṣabhaṃ carṣabhaskandham ādideśa paraṃtapaḥ // (3.2) Par.?

te samprahṛṣṭā harayo bhīmān udyamya pādapān / (4.1) Par.?

ākāśaṃ viviśuḥ sarve mārgamāṇā diśo daśa // (4.2) Par.?

teṣāṃ vegavatāṃ vegam iṣubhir vegavattaraiḥ / (5.1) Par.?

astravit paramāstreṇa vārayāmāsa rāvaṇiḥ // (5.2) Par.?

taṃ bhīmavegā harayo nārācaiḥ kṣatavikṣatāḥ / (6.1) Par.?

andhakāre na dadṛśur meghaiḥ sūryam ivāvṛtam // (6.2) Par.?

rāmalakṣmaṇayor eva sarvamarmabhidaḥ śarān / (7.1) Par.?

bhṛśam āveśayāmāsa rāvaṇiḥ samitiṃjayaḥ // (7.2) Par.?

nirantaraśarīrau tu bhrātarau rāmalakṣmaṇau / (8.1) Par.?

kruddhenendrajitā vīrau pannagaiḥ śaratāṃ gataiḥ // (8.2) Par.?

tayoḥ kṣatajamārgeṇa susrāva rudhiraṃ bahu / (9.1) Par.?

tāvubhau ca prakāśete puṣpitāviva kiṃśukau // (9.2) Par.?

tataḥ paryantaraktākṣo bhinnāñjanacayopamaḥ / (10.1) Par.?

rāvaṇir bhrātarau vākyam antardhānagato 'bravīt // (10.2) Par.?

yudhyamānam anālakṣyaṃ śakro 'pi tridaśeśvaraḥ / (11.1) Par.?

draṣṭum āsādituṃ vāpi na śaktaḥ kiṃ punar yuvām // (11.2) Par.?

prāvṛtāviṣujālena rāghavau kaṅkapattriṇā / (12.1) Par.?

eṣa roṣaparītātmā nayāmi yamasādanam // (12.2) Par.?

evam uktvā tu dharmajñau bhrātarau rāmalakṣmaṇau / (13.1) Par.?

nirbibheda śitair bāṇaiḥ prajaharṣa nanāda ca // (13.2) Par.?

bhinnāñjanacayaśyāmo visphārya vipulaṃ dhanuḥ / (14.1) Par.?

bhūyo bhūyaḥ śarān ghorān visasarja mahāmṛdhe // (14.2) Par.?

tato marmasu marmajño majjayanniśitāñ śarān / (15.1) Par.?

rāmalakṣmaṇayor vīro nanāda ca muhur muhuḥ // (15.2) Par.?

baddhau tu śarabandhena tāvubhau raṇamūrdhani / (16.1) Par.?

nimeṣāntaramātreṇa na śekatur udīkṣitum // (16.2) Par.?

tato vibhinnasarvāṅgau śaraśalyācitāvubhau / (17.1) Par.?

dhvajāviva mahendrasya rajjumuktau prakampitau // (17.2) Par.?

tau saṃpracalitau vīrau marmabhedena karśitau / (18.1) Par.?

nipetatur maheṣvāsau jagatyāṃ jagatīpatī // (18.2) Par.?

tau vīraśayane vīrau śayānau rudhirokṣitau / (19.1) Par.?

śaraveṣṭitasarvāṅgāvārtau paramapīḍitau // (19.2) Par.?

na hyaviddhaṃ tayor gātraṃ babhūvāṅgulam antaram / (20.1) Par.?

nānirbhinnaṃ na cāstabdham ā karāgrād ajihmagaiḥ // (20.2) Par.?

tau tu krūreṇa nihatau rakṣasā kāmarūpiṇā / (21.1) Par.?

asṛksusruvatustīvraṃ jalaṃ prasravaṇāviva // (21.2) Par.?

papāta prathamaṃ rāmo viddho marmasu mārgaṇaiḥ / (22.1) Par.?

krodhād indrajitā yena purā śakro vinirjitaḥ // (22.2) Par.?

nārācair ardhanārācair bhallair añjalikair api / (23.1) Par.?

vivyādha vatsadantaiśca siṃhadaṃṣṭraiḥ kṣuraistathā // (23.2) Par.?

sa vīraśayane śiśye vijyam ādāya kārmukam / (24.1) Par.?

bhinnamuṣṭiparīṇāhaṃ triṇataṃ rukmabhūṣitam // (24.2) Par.?

bāṇapātāntare rāmaṃ patitaṃ puruṣarṣabham / (25.1) Par.?

sa tatra lakṣmaṇo dṛṣṭvā nirāśo jīvite 'bhavat // (25.2) Par.?

baddhau tu vīrau patitau śayānau tau vānarāḥ saṃparivārya tasthuḥ / (26.1) Par.?

samāgatā vāyusutapramukhyā viṣādam ārtāḥ paramaṃ ca jagmuḥ // (26.2) Par.?