Texts

sa tu rākṣasaśārdūlo nidrāmadasamākulaḥ / (1.1) Par.?

rājamārgaṃ śriyā juṣṭaṃ yayau vipulavikramaḥ // (1.2) Par.?

rākṣasānāṃ sahasraiśca vṛtaḥ paramadurjayaḥ / (2.1) Par.?

gṛhebhyaḥ puṣpavarṣeṇa kīryamāṇastadā yayau // (2.2) Par.?

sa hemajālavitataṃ bhānubhāsvaradarśanam / (3.1) Par.?

dadarśa vipulaṃ ramyaṃ rākṣasendraniveśanam // (3.2) Par.?

sa tat tadā sūrya ivābhrajālaṃ praviśya rakṣo'dhipater niveśanam / (4.1) Par.?

dadarśa dūre 'grajam āsanasthaṃ svayambhuvaṃ śakra ivāsanastham // (4.2) Par.?

so 'bhigamya gṛhaṃ bhrātuḥ kakṣyām abhivigāhya ca / (5.1) Par.?

dadarśodvignam āsīnaṃ vimāne puṣpake gurum // (5.2) Par.?

atha dṛṣṭvā daśagrīvaḥ kumbhakarṇam upasthitam / (6.1) Par.?

tūrṇam utthāya saṃhṛṣṭaḥ saṃnikarṣam upānayat // (6.2) Par.?

athāsīnasya paryaṅke kumbhakarṇo mahābalaḥ / (7.1) Par.?

bhrātur vavande caraṇau kiṃ kṛtyam iti cābravīt / (7.2) Par.?

utpatya cainaṃ mudito rāvaṇaḥ pariṣasvaje // (7.3) Par.?

sa bhrātrā sampariṣvakto yathāvaccābhinanditaḥ / (8.1) Par.?

kumbhakarṇaḥ śubhaṃ divyaṃ pratipede varāsanam // (8.2) Par.?

sa tadāsanam āśritya kumbhakarṇo mahābalaḥ / (9.1) Par.?

saṃraktanayanaḥ kopād rāvaṇaṃ vākyam abravīt // (9.2) Par.?

kimartham aham ādṛtya tvayā rājan prabodhitaḥ / (10.1) Par.?

śaṃsa kasmād bhayaṃ te 'sti ko 'dya preto bhaviṣyati // (10.2) Par.?

bhrātaraṃ rāvaṇaḥ kruddhaṃ kumbhakarṇam avasthitam / (11.1) Par.?

īṣat tu parivṛttābhyāṃ netrābhyāṃ vākyam abravīt // (11.2) Par.?

adya te sumahān kālaḥ śayānasya mahābala / (12.1) Par.?

sukhitastvaṃ na jānīṣe mama rāmakṛtaṃ bhayam // (12.2) Par.?

eṣa dāśarathī rāmaḥ sugrīvasahito balī / (13.1) Par.?

samudraṃ sabalastīrtvā mūlaṃ naḥ parikṛntati // (13.2) Par.?

hanta paśyasva laṅkāyā vanānyupavanāni ca / (14.1) Par.?

setunā sukham āgamya vānaraikārṇavaṃ kṛtam // (14.2) Par.?

ye rākṣasā mukhyatamā hatāste vānarair yudhi / (15.1) Par.?

vānarāṇāṃ kṣayaṃ yuddhe na paśyāmi kadācana // (15.2) Par.?

sarvakṣapitakośaṃ ca sa tvam abhyavapadya mām / (16.1) Par.?

trāyasvemāṃ purīṃ laṅkāṃ bālavṛddhāvaśeṣitām // (16.2) Par.?

bhrātur arthe mahābāho kuru karma suduṣkaram / (17.1) Par.?

mayaivaṃ noktapūrvo hi kaścid bhrātaḥ paraṃtapa / (17.2) Par.?

tvayyasti mama ca snehaḥ parā saṃbhāvanā ca me // (17.3) Par.?

devāsuravimardeṣu bahuśo rākṣasarṣabha / (18.1) Par.?

tvayā devāḥ prativyūhya nirjitāścāsurā yudhi / (18.2) Par.?

na hi te sarvabhūteṣu dṛśyate sadṛśo balī // (18.3) Par.?

kuruṣva me priyahitam etad uttamaṃ yathāpriyaṃ priyaraṇa bāndhavapriya / (19.1) Par.?

svatejasā vidhama sapatnavāhinīṃ śaradghanaṃ pavana ivodyato mahān // (19.2) Par.?