UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3551
- Click on a sentence to show its analysis
- Keep the mouse pointer over a lemma to show its meanings.
sa nanāda mahānādaṃ samudram abhinādayan / (1.1)
Par.?
janayann iva nirghātān vidhamann iva parvatān // (1.2)
Par.?
tam avadhyaṃ maghavatā yamena varuṇena ca / (2.1)
Par.?
prekṣya bhīmākṣam āyāntaṃ vānarā vipradudruvuḥ // (2.2)
Par.?
tāṃstu vidravato dṛṣṭvā vāliputro 'ṅgado 'bravīt / (3.1)
Par.?
nalaṃ nīlaṃ gavākṣaṃ ca kumudaṃ ca mahābalam // (3.2)
Par.?
ātmānam atra vismṛtya vīryāṇyabhijanāni ca / (4.1) Par.?
kva gacchata bhayatrastāḥ prākṛtā harayo yathā // (4.2)
Par.?
sādhu saumyā nivartadhvaṃ kiṃ prāṇān parirakṣatha / (5.1)
Par.?
nālaṃ yuddhāya vai rakṣo mahatīyaṃ vibhīṣikā // (5.2)
Par.?
mahatīm utthitām enāṃ rākṣasānāṃ vibhīṣikām / (6.1)
Par.?
vikramād vidhamiṣyāmo nivartadhvaṃ plavaṃgamāḥ // (6.2)
Par.?
kṛcchreṇa tu samāśvāsya saṃgamya ca tatastataḥ / (7.1)
Par.?
vṛkṣādrihastā harayaḥ sampratasthū raṇājiram // (7.2)
Par.?
te nivṛtya tu saṃkruddhāḥ kumbhakarṇaṃ vanaukasaḥ / (8.1)
Par.?
nijaghnuḥ paramakruddhāḥ samadā iva kuñjarāḥ / (8.2)
Par.?
prāṃśubhir giriśṛṅgaiśca śilābhiśca mahābalāḥ // (8.3)
Par.?
pādapaiḥ puṣpitāgraiśca hanyamāno na kampate / (9.1)
Par.?
tasya gātreṣu patitā bhidyante śataśaḥ śilāḥ / (9.2)
Par.?
pādapāḥ puṣpitāgrāśca bhagnāḥ petur mahītale // (9.3)
Par.?
so 'pi sainyāni saṃkruddho vānarāṇāṃ mahaujasām / (10.1)
Par.?
mamantha paramāyatto vanānyagnir ivotthitaḥ // (10.2)
Par.?
lohitārdrāstu bahavaḥ śerate vānararṣabhāḥ / (11.1)
Par.?
nirastāḥ patitā bhūmau tāmrapuṣpā iva drumāḥ // (11.2)
Par.?
laṅghayantaḥ pradhāvanto vānarā nāvalokayan / (12.1)
Par.?
kecit samudre patitāḥ kecid gaganam āśritāḥ // (12.2)
Par.?
vadhyamānāstu te vīrā rākṣasena balīyasā / (13.1)
Par.?
sāgaraṃ yena te tīrṇāḥ pathā tenaiva dudruvuḥ // (13.2)
Par.?
te sthalāni tathā nimnaṃ viṣaṇṇavadanā bhayāt / (14.1)
Par.?
ṛkṣā vṛkṣān samārūḍhāḥ kecit parvatam āśritāḥ // (14.2)
Par.?
mamajjur arṇave kecid guhāḥ kecit samāśritāḥ / (15.1)
Par.?
niṣeduḥ plavagāḥ kecit kecin naivāvatasthire // (15.2)
Par.?
tān samīkṣyāṅgado bhagnān vānarān idam abravīt / (16.1)
Par.?
avatiṣṭhata yudhyāmo nivartadhvaṃ plavaṃgamāḥ // (16.2)
Par.?
bhagnānāṃ vo na paśyāmi parigamya mahīm imām / (17.1)
Par.?
sthānaṃ sarve nivartadhvaṃ kiṃ prāṇān parirakṣatha // (17.2)
Par.?
nirāyudhānāṃ dravatām asaṃgagatipauruṣāḥ / (18.1)
Par.?
dārā hyapahasiṣyanti sa vai ghātastu jīvatām // (18.2)
Par.?
kuleṣu jātāḥ sarve sma vistīrṇeṣu mahatsu ca / (19.1)
Par.?
anāryāḥ khalu yad bhītāstyaktvā vīryaṃ pradhāvata // (19.2)
Par.?
vikatthanāni vo yāni yadā vai janasaṃsadi / (20.1)
Par.?
tāni vaḥ kva ca yatāni sodagrāṇi mahānti ca // (20.2)
Par.?
bhīrupravādāḥ śrūyante yastu jīvati dhikkṛtaḥ / (21.1)
Par.?
mārgaḥ satpuruṣair juṣṭaḥ sevyatāṃ tyajyatāṃ bhayam // (21.2)
Par.?
śayāmahe vā nihatāḥ pṛthivyām alpajīvitāḥ / (22.1)
Par.?
duṣprāpaṃ brahmalokaṃ vā prāpnumo yudhi sūditāḥ / (22.2)
Par.?
samprāpnuyāmaḥ kīrtiṃ vā nihatya śatrum āhave // (22.3)
Par.?
na kumbhakarṇaḥ kākutsthaṃ dṛṣṭvā jīvan gamiṣyati / (23.1)
Par.?
dīpyamānam ivāsādya pataṃgo jvalanaṃ yathā // (23.2)
Par.?
palāyanena coddiṣṭāḥ prāṇān rakṣāmahe vayam / (24.1)
Par.?
ekena bahavo bhagnā yaśo nāśaṃ gamiṣyati // (24.2)
Par.?
evaṃ bruvāṇaṃ taṃ śūram aṅgadaṃ kanakāṅgadam / (25.1)
Par.?
dravamāṇāstato vākyam ūcuḥ śūravigarhitam // (25.2)
Par.?
kṛtaṃ naḥ kadanaṃ ghoraṃ kumbhakarṇena rakṣasā / (26.1)
Par.?
na sthānakālo gacchāmo dayitaṃ jīvitaṃ hi naḥ // (26.2)
Par.?
etāvad uktvā vacanaṃ sarve te bhejire diśaḥ / (27.1)
Par.?
bhīmaṃ bhīmākṣam āyāntaṃ dṛṣṭvā vānarayūthapāḥ // (27.2)
Par.?
dravamāṇāstu te vīrā aṅgadena valīmukhāḥ / (28.1)
Par.?
sāntvaiśca bahumānaiśca tataḥ sarve nivartitāḥ // (28.2)
Par.?
ṛṣabhaśarabhamaindadhūmranīlāḥ kumudasuṣeṇagavākṣarambhatārāḥ / (29.1)
Par.?
dvividapanasavāyuputramukhyās tvaritatarābhimukhaṃ raṇaṃ prayātāḥ // (29.2)
Par.?
Duration=0.17123293876648 secs.