UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3586
- Click on a sentence to show its analysis
- Keep the mouse pointer over a lemma to show its meanings.
nikumbhaṃ ca hataṃ śrutvā kumbhaṃ ca vinipātitam / (1.1)
Par.?
rāvaṇaḥ paramāmarṣī prajajvālānalo yathā // (1.2)
Par.?
nairṛtaḥ krodhaśokābhyāṃ dvābhyāṃ tu parimūrchitaḥ / (2.1)
Par.?
kharaputraṃ viśālākṣaṃ makarākṣam acodayat // (2.2)
Par.?
gaccha putra mayājñapto balenābhisamanvitaḥ / (3.1)
Par.?
rāghavaṃ lakṣmaṇaṃ caiva jahi tau savanaukasau // (3.2) Par.?
rāvaṇasya vacaḥ śrutvā śūro mānī kharātmajaḥ / (4.1)
Par.?
bāḍham ityabravīd dhṛṣṭo makarākṣo niśācaraḥ // (4.2)
Par.?
so 'bhivādya daśagrīvaṃ kṛtvā cāpi pradakṣiṇam / (5.1)
Par.?
nirjagāma gṛhācchubhrād rāvaṇasyājñayā balī // (5.2)
Par.?
samīpasthaṃ balādhyakṣaṃ kharaputro 'bravīd idam / (6.1)
Par.?
ratham ānīyatāṃ śīghraṃ sainyaṃ cānīyatāṃ tvarāt // (6.2)
Par.?
tasya tadvacanaṃ śrutvā balādhyakṣo niśācaraḥ / (7.1)
Par.?
syandanaṃ ca balaṃ caiva samīpaṃ pratyapādayat // (7.2)
Par.?
pradakṣiṇaṃ rathaṃ kṛtvā āruroha niśācaraḥ / (8.1)
Par.?
sūtaṃ saṃcodayāmāsa śīghraṃ me ratham āvaha // (8.2)
Par.?
atha tān rākṣasān sarvānmakarākṣo 'bravīd idam / (9.1)
Par.?
yūyaṃ sarve prayudhyadhvaṃ purastānmama rākṣasāḥ // (9.2)
Par.?
ahaṃ rākṣasarājena rāvaṇena mahātmanā / (10.1)
Par.?
ājñaptaḥ samare hantuṃ tāvubhau rāmalakṣmaṇau // (10.2)
Par.?
adya rāmaṃ vadhiṣyāmi lakṣmaṇaṃ ca niśācarāḥ / (11.1)
Par.?
śākhāmṛgaṃ ca sugrīvaṃ vānarāṃśca śarottamaiḥ // (11.2)
Par.?
adya śūlanipātaiśca vānarāṇāṃ mahācamūm / (12.1)
Par.?
pradahiṣyāmi samprāptāṃ śuṣkendhanam ivānalaḥ // (12.2)
Par.?
makarākṣasya tacchrutvā vacanaṃ te niśācarāḥ / (13.1)
Par.?
sarve nānāyudhopetā balavantaḥ samāhitāḥ // (13.2)
Par.?
te kāmarūpiṇaḥ śūrā daṃṣṭriṇaḥ piṅgalekṣaṇāḥ / (14.1)
Par.?
mātaṃgā iva nardanto dhvastakeśā bhayānakāḥ // (14.2)
Par.?
parivārya mahākāyā mahākāyaṃ kharātmajam / (15.1)
Par.?
abhijagmustadā hṛṣṭāścālayanto vasuṃdharām // (15.2)
Par.?
śaṅkhabherīsahasrāṇām āhatānāṃ samantataḥ / (16.1)
Par.?
kṣveḍitāsphoṭitānāṃ ca tataḥ śabdo mahān abhūt // (16.2)
Par.?
prabhraṣṭo 'tha karāt tasya pratodaḥ sārathestadā / (17.1)
Par.?
papāta sahasā caiva dhvajastasya ca rakṣasaḥ // (17.2)
Par.?
tasya te rathasaṃyuktā hayā vikramavarjitāḥ / (18.1)
Par.?
caraṇair ākulair gatvā dīnāḥ sāsramukhā yayuḥ // (18.2)
Par.?
pravāti pavanastasya sapāṃsuḥ kharadāruṇaḥ / (19.1)
Par.?
niryāṇe tasya raudrasya makarākṣasya durmateḥ // (19.2)
Par.?
tāni dṛṣṭvā nimittāni rākṣasā vīryavattamāḥ / (20.1)
Par.?
acintya nirgatāḥ sarve yatra tau rāmalakṣmaṇau // (20.2)
Par.?
ghanagajamahiṣāṅgatulyavarṇāḥ samaramukheṣvasakṛd gadāsibhinnāḥ / (21.1)
Par.?
aham aham iti yuddhakauśalāste rajanicarāḥ paribabhramur nadantaḥ // (21.2)
Par.?
Duration=0.10080003738403 secs.