Texts

śrutvā taṃ bhīmanirhrādaṃ śakrāśanisamasvanam / (1.1) Par.?

vīkṣamāṇā diśaḥ sarvā dudruvur vānararṣabhāḥ // (1.2) Par.?

tān uvāca tataḥ sarvān hanūmānmārutātmajaḥ / (2.1) Par.?

viṣaṇṇavadanān dīnāṃstrastān vidravataḥ pṛthak // (2.2) Par.?

kasmād viṣaṇṇavadanā vidravadhvaṃ plavaṃgamāḥ / (3.1) Par.?

tyaktayuddhasamutsāhāḥ śūratvaṃ kva nu vo gatam // (3.2) Par.?

pṛṣṭhato 'nuvrajadhvaṃ mām agrato yāntam āhave / (4.1) Par.?

śūrair abhijanopetair ayuktaṃ hi nivartitum // (4.2) Par.?

evam uktāḥ susaṃkruddhā vāyuputreṇa dhīmatā / (5.1) Par.?

śailaśṛṅgān drumāṃścaiva jagṛhur hṛṣṭamānasāḥ // (5.2) Par.?

abhipetuśca garjanto rākṣasān vānararṣabhāḥ / (6.1) Par.?

parivārya hanūmantam anvayuśca mahāhave // (6.2) Par.?

sa tair vānaramukhyaistu hanūmān sarvato vṛtaḥ / (7.1) Par.?

hutāśana ivārciṣmān adahacchatruvāhinīm // (7.2) Par.?

sa rākṣasānāṃ kadanaṃ cakāra sumahākapiḥ / (8.1) Par.?

vṛto vānarasainyena kālāntakayamopamaḥ // (8.2) Par.?

sa tu śokena cāviṣṭaḥ krodhena ca mahākapiḥ / (9.1) Par.?

hanūmān rāvaṇirathe mahatīṃ pātayacchilām // (9.2) Par.?

tām āpatantīṃ dṛṣṭvaiva rathaḥ sārathinā tadā / (10.1) Par.?

vidheyāśvasamāyuktaḥ sudūram apavāhitaḥ // (10.2) Par.?

tam indrajitam aprāpya rathasthaṃ sahasārathim / (11.1) Par.?

viveśa dharaṇīṃ bhittvā sā śilā vyartham udyatā // (11.2) Par.?

patitāyāṃ śilāyāṃ tu rakṣasāṃ vyathitā camūḥ / (12.1) Par.?

tam abhyadhāvañ śataśo nadantaḥ kānanaukasaḥ // (12.2) Par.?

te drumāṃśca mahākāyā giriśṛṅgāṇi codyatāḥ / (13.1) Par.?

cikṣipur dviṣatāṃ madhye vānarā bhīmavikramāḥ // (13.2) Par.?

vānaraistair mahāvīryair ghorarūpā niśācarāḥ / (14.1) Par.?

vīryād abhihatā vṛkṣair vyaveṣṭanta raṇakṣitau // (14.2) Par.?

svasainyam abhivīkṣyātha vānarārditam indrajit / (15.1) Par.?

pragṛhītāyudhaḥ kruddhaḥ parān abhimukho yayau // (15.2) Par.?

sa śaraughān avasṛjan svasainyenābhisaṃvṛtaḥ / (16.1) Par.?

jaghāna kapiśārdūlān subahūn dṛṣṭavikramaḥ // (16.2) Par.?

śūlair aśanibhiḥ khaḍgaiḥ paṭṭasaiḥ kūṭamudgaraiḥ / (17.1) Par.?

te cāpyanucarāṃstasya vānarā jaghnur āhave // (17.2) Par.?

saskandhaviṭapaiḥ sālaiḥ śilābhiśca mahābalaiḥ / (18.1) Par.?

hanūmān kadanaṃ cakre rakṣasāṃ bhīmakarmaṇām // (18.2) Par.?

sa nivārya parānīkam abravīt tān vanaukasaḥ / (19.1) Par.?

hanūmān saṃnivartadhvaṃ na naḥ sādhyam idaṃ balam // (19.2) Par.?

tyaktvā prāṇān viceṣṭanto rāmapriyacikīrṣavaḥ / (20.1) Par.?

yannimittaṃ hi yudhyāmo hatā sā janakātmajā // (20.2) Par.?

imam arthaṃ hi vijñāpya rāmaṃ sugrīvam eva ca / (21.1) Par.?

tau yat pratividhāsyete tat kariṣyāmahe vayam // (21.2) Par.?

ityuktvā vānaraśreṣṭho vārayan sarvavānarān / (22.1) Par.?

śanaiḥ śanair asaṃtrastaḥ sabalaḥ sa nyavartata // (22.2) Par.?

sa tu prekṣya hanūmantaṃ vrajantaṃ yatra rāghavaḥ / (23.1) Par.?

nikumbhilām adhiṣṭhāya pāvakaṃ juhuve indrajit // (23.2) Par.?

yajñabhūmyāṃ tu vidhivat pāvakastena rakṣasā / (24.1) Par.?

hūyamānaḥ prajajvāla homaśoṇitabhuk tadā // (24.2) Par.?

so 'rciḥpinaddho dadṛśe homaśoṇitatarpitaḥ / (25.1) Par.?

saṃdhyāgata ivādityaḥ sa tīvrāgniḥ samutthitaḥ // (25.2) Par.?

athendrajid rākṣasabhūtaye tu juhāva havyaṃ vidhinā vidhānavat / (26.1) Par.?

dṛṣṭvā vyatiṣṭhanta ca rākṣasāste mahāsamūheṣu nayānayajñāḥ // (26.2) Par.?