Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3598
  • Click on a sentence to show its analysis
  • Keep the mouse pointer over a lemma to show its meanings.
rāmam āśvāsayāne tu lakṣmaṇe bhrātṛvatsale / (1.1) Par.?
nikṣipya gulmān svasthāne tatrāgacchad vibhīṣaṇaḥ // (1.2) Par.?
nānāpraharaṇair vīraiścaturbhiḥ sacivair vṛtaḥ / (2.1) Par.?
nīlāñjanacayākārair mātaṃgair iva yūthapaḥ // (2.2) Par.?
so 'bhigamya mahātmānaṃ rāghavaṃ śokalālasam / (3.1) Par.?
vānarāṃścaiva dadṛśe bāṣpaparyākulekṣaṇān // (3.2) Par.?
rāghavaṃ ca mahātmānam ikṣvākukulanandanam / (4.1) Par.?
dadarśa moham āpannaṃ lakṣmaṇasyāṅkam āśritam // (4.2) Par.?
vrīḍitaṃ śokasaṃtaptaṃ dṛṣṭvā rāmaṃ vibhīṣaṇaḥ / (5.1) Par.?
antarduḥkhena dīnātmā kim etad iti so 'bravīt // (5.2) Par.?
vibhīṣaṇamukhaṃ dṛṣṭvā sugrīvaṃ tāṃśca vānarān / (6.1) Par.?
uvāca lakṣmaṇo vākyam idaṃ bāṣpapariplutaḥ // (6.2) Par.?
hatām indrajitā sītām iha śrutvaiva rāghavaḥ / (7.1) Par.?
hanūmadvacanāt saumya tato moham upāgataḥ // (7.2) Par.?
kathayantaṃ tu saumitriṃ saṃnivārya vibhīṣaṇaḥ / (8.1) Par.?
puṣkalārtham idaṃ vākyaṃ visaṃjñaṃ rāmam abravīt // (8.2) Par.?
manujendrārtarūpeṇa yad uktastvaṃ hanūmatā / (9.1) Par.?
tad ayuktam ahaṃ manye sāgarasyeva śoṣaṇam // (9.2) Par.?
abhiprāyaṃ tu jānāmi rāvaṇasya durātmanaḥ / (10.1) Par.?
sītāṃ prati mahābāho na ca ghātaṃ kariṣyati // (10.2) Par.?
yācyamānaḥ subahuśo mayā hitacikīrṣuṇā / (11.1) Par.?
vaidehīm utsṛjasveti na ca tat kṛtavān vacaḥ // (11.2) Par.?
naiva sāmnā na bhedena na dānena kuto yudhā / (12.1) Par.?
sā draṣṭum api śakyeta naiva cānyena kenacit // (12.2) Par.?
vānarānmohayitvā tu pratiyātaḥ sa rākṣasaḥ / (13.1) Par.?
caityaṃ nikumbhilāṃ nāma yatra homaṃ kariṣyati // (13.2) Par.?
hutavān upayāto hi devair api savāsavaiḥ / (14.1) Par.?
durādharṣo bhavatyeṣa saṃgrāme rāvaṇātmajaḥ // (14.2) Par.?
tena mohayatā nūnam eṣā māyā prayojitā / (15.1) Par.?
vighnam anvicchatā tāta vānarāṇāṃ parākrame / (15.2) Par.?
sasainyāstatra gacchāmo yāvat tanna samāpyate // (15.3) Par.?
tyajemaṃ naraśārdūla mithyāsaṃtāpam āgatam / (16.1) Par.?
sīdate hi balaṃ sarvaṃ dṛṣṭvā tvāṃ śokakarśitam // (16.2) Par.?
iha tvaṃ svasthahṛdayastiṣṭha sattvasamucchritaḥ / (17.1) Par.?
lakṣmaṇaṃ preṣayāsmābhiḥ saha sainyānukarṣibhiḥ // (17.2) Par.?
eṣa taṃ naraśārdūlo rāvaṇiṃ niśitaiḥ śaraiḥ / (18.1) Par.?
tyājayiṣyati tat karma tato vadhyo bhaviṣyati // (18.2) Par.?
tasyaite niśitāstīkṣṇāḥ patripatrāṅgavājinaḥ / (19.1) Par.?
patatriṇa ivāsaumyāḥ śarāḥ pāsyanti śoṇitam // (19.2) Par.?
tat saṃdiśa mahābāho lakṣmaṇaṃ śubhalakṣaṇam / (20.1) Par.?
rākṣasasya vināśāya vajraṃ vajradharo yathā // (20.2) Par.?
manujavara na kālaviprakarṣo ripunidhanaṃ prati yat kṣamo 'dya kartum / (21.1) Par.?
tvam atisṛja ripor vadhāya vāṇīm asurapuronmathane yathā mahendraḥ // (21.2) Par.?
samāptakarmā hi sa rākṣasendro bhavatyadṛśyaḥ samare surāsuraiḥ / (22.1) Par.?
yuyutsatā tena samāptakarmaṇā bhavet surāṇām api saṃśayo mahān // (22.2) Par.?
Duration=0.089112997055054 secs.