Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4517

Click on a sentence to show its analysis
Keep the mouse pointer over a lemma to show its meanings.

bahūni nāma varṣāṇi gatasya sumahad vanam / (1.1) Par.?

śṛṇomyahaṃ prītikaraṃ mama nāthasya kīrtanam // (1.2) Par.?

kalyāṇī bata gātheyaṃ laukikī pratibhāti me / (2.1) Par.?

eti jīvantam ānando naraṃ varṣaśatād api // (2.2) Par.?

rāghavasya harīṇāṃ ca katham āsīt samāgamaḥ / (3.1) Par.?

kasmin deśe kim āśritya tat tvam ākhyāhi pṛcchataḥ // (3.2) Par.?

sa pṛṣṭo rājaputreṇa bṛsyāṃ samupaveśitaḥ / (4.1) Par.?

ācacakṣe tataḥ sarvaṃ rāmasya caritaṃ vane // (4.2) Par.?

yathā pravrajito rāmo mātur datte vare tava / (5.1) Par.?

yathā ca putraśokena rājā daśaratho mṛtaḥ // (5.2) Par.?

yathā dūtaistvam ānītastūrṇaṃ rājagṛhāt prabho / (6.1) Par.?

tvayāyodhyāṃ praviṣṭena yathā rājyaṃ na cepsitam // (6.2) Par.?

citrakūṭaṃ giriṃ gatvā rājyenāmitrakarśanaḥ / (7.1) Par.?

nimantritastvayā bhrātā dharmam ācaratā satām // (7.2) Par.?

sthitena rājño vacane yathā rājyaṃ visarjitam / (8.1) Par.?

āryasya pāduke gṛhya yathāsi punar āgataḥ // (8.2) Par.?

sarvam etanmahābāho yathāvad viditaṃ tava / (9.1) Par.?

tvayi pratiprayāte tu yad vṛttaṃ tannibodha me // (9.2) Par.?

apayāte tvayi tadā samudbhrāntamṛgadvijam / (10.1) Par.?

praviveśātha vijanaṃ sumahad daṇḍakāvanam // (10.2) Par.?

teṣāṃ purastād balavān gacchatāṃ gahane vane / (11.1) Par.?

vinadan sumahānādaṃ virādhaḥ pratyadṛśyata // (11.2) Par.?

tam utkṣipya mahānādam ūrdhvabāhum adhomukham / (12.1) Par.?

nikhāte prakṣipanti sma nadantam iva kuñjaram // (12.2) Par.?

tat kṛtvā duṣkaraṃ karma bhrātarau rāmalakṣmaṇau / (13.1) Par.?

sāyāhne śarabhaṅgasya ramyam āśramam īyatuḥ // (13.2) Par.?

śarabhaṅge divaṃ prāpte rāmaḥ satyaparākramaḥ / (14.1) Par.?

abhivādya munīn sarvāñ janasthānam upāgamat // (14.2) Par.?

caturdaśasahasrāṇi rakṣasāṃ bhīmakarmaṇām / (15.1) Par.?

hatāni vasatā tatra rāghaveṇa mahātmanā // (15.2) Par.?

tataḥ paścācchūrpaṇakhā rāmapārśvam upāgatā / (16.1) Par.?

tato rāmeṇa saṃdiṣṭo lakṣmaṇaḥ sahasotthitaḥ // (16.2) Par.?

pragṛhya khaḍgaṃ cicheda karṇanāse mahābalaḥ / (17.1) Par.?

tatastenārditā bālā rāvaṇaṃ samupāgatā // (17.2) Par.?

rāvaṇānucaro ghoro mārīco nāma rākṣasaḥ / (18.1) Par.?

lobhayāmāsa vaidehīṃ bhūtvā ratnamayo mṛgaḥ // (18.2) Par.?

sā rāmam abravīd dṛṣṭvā vaidehī gṛhyatām iti / (19.1) Par.?

aho manoharaḥ kānta āśrame no bhaviṣyati // (19.2) Par.?

tato rāmo dhanuṣpāṇir dhāvantam anudhāvati / (20.1) Par.?

sa taṃ jaghāna dhāvantaṃ śareṇānataparvaṇā // (20.2) Par.?

atha saumya daśagrīvo mṛgaṃ yāte tu rāghave / (21.1) Par.?

lakṣmaṇe cāpi niṣkrānte praviveśāśramaṃ tadā / (21.2) Par.?

jagrāha tarasā sītāṃ grahaḥ khe rohiṇīm iva // (21.3) Par.?

trātukāmaṃ tato yuddhe hatvā gṛdhraṃ jaṭāyuṣam / (22.1) Par.?

pragṛhya sītāṃ sahasā jagāmāśu sa rāvaṇaḥ // (22.2) Par.?

tatastvadbhutasaṃkāśāḥ sthitāḥ parvatamūrdhani / (23.1) Par.?

sītāṃ gṛhītvā gacchantaṃ vānarāḥ parvatopamāḥ / (23.2) Par.?

dadṛśur vismitāstatra rāvaṇaṃ rākṣasādhipam // (23.3) Par.?

praviveśa tadā laṅkāṃ rāvaṇo lokarāvaṇaḥ // (24.1) Par.?

tāṃ suvarṇaparikrānte śubhe mahati veśmani / (25.1) Par.?

praveśya maithilīṃ vākyaiḥ sāntvayāmāsa rāvaṇaḥ // (25.2) Par.?

nivartamānaḥ kākutstho dṛṣṭvā gṛdhraṃ pravivyathe // (26.1) Par.?

gṛdhraṃ hataṃ tadā dagdhvā rāmaḥ priyasakhaṃ pituḥ / (27.1) Par.?

godāvarīm anucaran vanoddeśāṃśca puṣpitān / (27.2) Par.?

āsedatur mahāraṇye kabandhaṃ nāma rākṣasaṃ // (27.3) Par.?

tataḥ kabandhavacanād rāmaḥ satyaparākramaḥ / (28.1) Par.?

ṛśyamūkaṃ giriṃ gatvā sugrīveṇa samāgataḥ // (28.2) Par.?

tayoḥ samāgamaḥ pūrvaṃ prītyā hārdo vyajāyata / (29.1) Par.?

itaretarasaṃvādāt pragāḍhaḥ praṇayastayoḥ // (29.2) Par.?

rāmaḥ svabāhuvīryeṇa svarājyaṃ pratyapādayat / (30.1) Par.?

vālinaṃ samare hatvā mahākāyaṃ mahābalam // (30.2) Par.?

sugrīvaḥ sthāpito rājye sahitaḥ sarvavānaraiḥ / (31.1) Par.?

rāmāya pratijānīte rājaputryāstu mārgaṇam // (31.2) Par.?

ādiṣṭā vānarendreṇa sugrīveṇa mahātmanā / (32.1) Par.?

daśakoṭyaḥ plavaṃgānāṃ sarvāḥ prasthāpitā diśaḥ // (32.2) Par.?

teṣāṃ no vipranaṣṭānāṃ vindhye parvatasattame / (33.1) Par.?

bhṛśaṃ śokābhitaptānāṃ mahān kālo 'tyavartata // (33.2) Par.?

bhrātā tu gṛdhrarājasya saṃpātir nāma vīryavān / (34.1) Par.?

samākhyāti sma vasatiṃ sītāyā rāvaṇālaye // (34.2) Par.?

so 'haṃ duḥkhaparītānāṃ duḥkhaṃ tajjñātināṃ nudan / (35.1) Par.?

ātmavīryaṃ samāsthāya yojanānāṃ śataṃ plutaḥ // (35.2) Par.?

tatrāham ekām adrākṣam aśokavanikāṃ gatām / (36.1) Par.?

kauśeyavastrāṃ malināṃ nirānandāṃ dṛḍhavratām // (36.2) Par.?

tayā sametya vidhivat pṛṣṭvā sarvam aninditām / (37.1) Par.?

abhijñānaṃ maṇiṃ labdhvā caritārtho 'ham āgataḥ // (37.2) Par.?

mayā ca punar āgamya rāmasyākliṣṭakarmaṇaḥ / (38.1) Par.?

abhijñānaṃ mayā dattam arciṣmān sa mahāmaṇiḥ // (38.2) Par.?

śrutvā tāṃ maithilīṃ hṛṣṭastvāśaśaṃse sa jīvitam / (39.1) Par.?

jīvitāntam anuprāptaḥ pītvāmṛtam ivāturaḥ // (39.2) Par.?

udyojayiṣyann udyogaṃ dadhre laṅkāvadhe manaḥ / (40.1) Par.?

jighāṃsur iva lokāṃste sarvāṃllokān vibhāvasuḥ // (40.2) Par.?

tataḥ samudram āsādya nalaṃ setum akārayat / (41.1) Par.?

atarat kapivīrāṇāṃ vāhinī tena setunā // (41.2) Par.?

prahastam avadhīnnīlaḥ kumbhakarṇaṃ tu rāghavaḥ / (42.1) Par.?

lakṣmaṇo rāvaṇasutaṃ svayaṃ rāmastu rāvaṇam // (42.2) Par.?

sa śakreṇa samāgamya yamena varuṇena ca / (43.1) Par.?

surarṣibhiśca kākutstho varāṃllebhe paraṃtapaḥ // (43.2) Par.?

sa tu dattavaraḥ prītyā vānaraiśca samāgataḥ / (44.1) Par.?

puṣpakeṇa vimānena kiṣkindhām abhyupāgamat // (44.2) Par.?

taṃ gaṅgāṃ punar āsādya vasantaṃ munisaṃnidhau / (45.1) Par.?

avighnaṃ puṣyayogena śvo rāmaṃ draṣṭum arhasi // (45.2) Par.?

tataḥ sa satyaṃ hanumadvaco mahan niśamya hṛṣṭo bharataḥ kṛtāñjaliḥ / (46.1) Par.?

uvāca vāṇīṃ manasaḥ praharṣiṇīṃ cirasya pūrṇaḥ khalu me manorathaḥ // (46.2) Par.?

Duration=0.27208399772644 secs.