UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4286
- Click on a sentence to show its analysis
- Keep the mouse pointer over a lemma to show its meanings.
evam uktā tu vaidehī paruṣaṃ lomaharṣaṇam / (1.1)
Par.?
rāghaveṇa saroṣeṇa bhṛśaṃ pravyathitābhavat // (1.2)
Par.?
sā tad aśrutapūrvaṃ hi jane mahati maithilī / (2.1)
Par.?
śrutvā bhartṛvaco rūkṣaṃ lajjayā vrīḍitābhavat // (2.2)
Par.?
praviśantīva gātrāṇi svānyeva janakātmajā / (3.1)
Par.?
vākśalyaistaiḥ saśalyeva bhṛśam aśrūṇyavartayat // (3.2)
Par.?
tato bāṣpaparikliṣṭaṃ pramārjantī svam ānanam / (4.1)
Par.?
śanair gadgadayā vācā bhartāram idam abravīt // (4.2)
Par.?
kiṃ mām asadṛśaṃ vākyam īdṛśaṃ śrotradāruṇam / (5.1)
Par.?
rūkṣaṃ śrāvayase vīra prākṛtaḥ prākṛtām iva // (5.2)
Par.?
na tathāsmi mahābāho yathā tvam avagacchasi / (6.1)
Par.?
pratyayaṃ gaccha me svena cāritreṇaiva te śape // (6.2)
Par.?
pṛthak strīṇāṃ pracāreṇa jātiṃ tvaṃ pariśaṅkase / (7.1)
Par.?
parityajemāṃ śaṅkāṃ tu yadi te 'haṃ parīkṣitā // (7.2)
Par.?
yadyahaṃ gātrasaṃsparśaṃ gatāsmi vivaśā prabho / (8.1)
Par.?
kāmakāro na me tatra daivaṃ tatrāparādhyati // (8.2)
Par.?
madadhīnaṃ tu yat tanme hṛdayaṃ tvayi vartate / (9.1)
Par.?
parādhīneṣu gātreṣu kiṃ kariṣyāmyanīśvarā // (9.2)
Par.?
sahasaṃvṛddhabhāvācca saṃsargeṇa ca mānada / (10.1)
Par.?
yadyahaṃ te na vijñātā hatā tenāsmi śāśvatam // (10.2)
Par.?
preṣitaste yadā vīro hanūmān avalokakaḥ / (11.1)
Par.?
laṅkāsthāhaṃ tvayā vīra kiṃ tadā na visarjitā // (11.2)
Par.?
pratyakṣaṃ vānarendrasya tvadvākyasamanantaram / (12.1)
Par.?
tvayā saṃtyaktayā vīra tyaktaṃ syājjīvitaṃ mayā // (12.2)
Par.?
na vṛthā te śramo 'yaṃ syāt saṃśaye nyasya jīvitam / (13.1)
Par.?
suhṛjjanaparikleśo na cāyaṃ niṣphalastava // (13.2)
Par.?
tvayā tu naraśārdūla krodham evānuvartatā / (14.1)
Par.?
laghuneva manuṣyeṇa strītvam eva puraskṛtam // (14.2)
Par.?
apadeśena janakānnotpattir vasudhātalāt / (15.1)
Par.?
mama vṛttaṃ ca vṛttajña bahu te na puraskṛtam // (15.2)
Par.?
na pramāṇīkṛtaḥ pāṇir bālye bālena pīḍitaḥ / (16.1)
Par.?
mama bhaktiśca śīlaṃ ca sarvaṃ te pṛṣṭhataḥ kṛtam // (16.2)
Par.?
evaṃ bruvāṇā rudatī bāṣpagadgadabhāṣiṇī / (17.1)
Par.?
abravīl lakṣmaṇaṃ sītā dīnaṃ dhyānaparaṃ sthitam // (17.2) Par.?
citāṃ me kuru saumitre vyasanasyāsya bheṣajam / (18.1)
Par.?
mithyāpavādopahatā nāhaṃ jīvitum utsahe // (18.2)
Par.?
aprītasya guṇair bhartustyaktayā janasaṃsadi / (19.1)
Par.?
yā kṣamā me gatir gantuṃ pravekṣye havyavāhanam // (19.2)
Par.?
evam uktastu vaidehyā lakṣmaṇaḥ paravīrahā / (20.1)
Par.?
amarṣavaśam āpanno rāghavānanam aikṣata // (20.2)
Par.?
sa vijñāya manaśchandaṃ rāmasyākārasūcitam / (21.1)
Par.?
citāṃ cakāra saumitrir mate rāmasya vīryavān // (21.2)
Par.?
adhomukhaṃ tato rāmaṃ śanaiḥ kṛtvā pradakṣiṇam / (22.1)
Par.?
upāsarpata vaidehī dīpyamānaṃ hutāśanam // (22.2)
Par.?
praṇamya devatābhyaśca brāhmaṇebhyaśca maithilī / (23.1)
Par.?
baddhāñjalipuṭā cedam uvācāgnisamīpataḥ // (23.2)
Par.?
yathā me hṛdayaṃ nityaṃ nāpasarpati rāghavāt / (24.1)
Par.?
tathā lokasya sākṣī māṃ sarvataḥ pātu pāvakaḥ // (24.2)
Par.?
evam uktvā tu vaidehī parikramya hutāśanam / (25.1)
Par.?
viveśa jvalanaṃ dīptaṃ niḥsaṅgenāntarātmanā // (25.2)
Par.?
janaḥ sa sumahāṃstatra bālavṛddhasamākulaḥ / (26.1)
Par.?
dadarśa maithilīṃ tatra praviśantīṃ hutāśanam // (26.2)
Par.?
tasyām agniṃ viśantyāṃ tu hāheti vipulaḥ svanaḥ / (27.1)
Par.?
rakṣasāṃ vānarāṇāṃ ca saṃbabhūvādbhutopamaḥ // (27.2)
Par.?
Duration=0.083065032958984 secs.