Texts

tataḥ sumantrastvāgamya rāghavaṃ vākyam abravīt / (1.1) Par.?

ete nivāritā rājan dvāri tiṣṭhanti tāpasāḥ // (1.2) Par.?

bhārgavaṃ cyavanaṃ nāma puraskṛtya maharṣayaḥ / (2.1) Par.?

darśanaṃ te mahārāja codayanti kṛtatvarāḥ / (2.2) Par.?

prīyamāṇā naravyāghra yamunātīravāsinaḥ // (2.3) Par.?

tasya tadvacanaṃ śrutvā rāmaḥ provāca dharmavit / (3.1) Par.?

praveśyantāṃ mahātmāno bhārgavapramukhā dvijāḥ // (3.2) Par.?

rājñastvājñāṃ puraskṛtya dvāḥstho mūrdhni kṛtāñjaliḥ / (4.1) Par.?

praveśayāmāsa tatastāpasān saṃmatān bahūn // (4.2) Par.?

śataṃ samadhikaṃ tatra dīpyamānaṃ svatejasā / (5.1) Par.?

praviṣṭaṃ rājabhavanaṃ tāpasānāṃ mahātmanām // (5.2) Par.?

te dvijāḥ pūrṇakalaśaiḥ sarvatīrthāmbusatkṛtam / (6.1) Par.?

gṛhītvā phalamūlaṃ ca rāmasyābhyāharan bahu // (6.2) Par.?

pratigṛhya tu tat sarvaṃ rāmaḥ prītipuraskṛtaḥ / (7.1) Par.?

tīrthodakāni sarvāṇi phalāni vividhāni ca // (7.2) Par.?

uvāca ca mahābāhuḥ sarvān eva mahāmunīn / (8.1) Par.?

imānyāsanamukhyāni yathārham upaviśyatām // (8.2) Par.?

rāmasya bhāṣitaṃ śrutvā sarva eva maharṣayaḥ / (9.1) Par.?

bṛsīṣu rucirākhyāsu niṣeduḥ kāñcanīṣu te // (9.2) Par.?

upaviṣṭān ṛṣīṃstatra dṛṣṭvā parapuraṃjayaḥ / (10.1) Par.?

prayataḥ prāñjalir bhūtvā rāghavo vākyam abravīt // (10.2) Par.?

kim āgamanakāryaṃ vaḥ kiṃ karomi tapodhanāḥ / (11.1) Par.?

ājñāpyo 'haṃ maharṣīṇāṃ sarvakāmakaraḥ sukham // (11.2) Par.?

idaṃ rājyaṃ ca sakalaṃ jīvitaṃ ca hṛdi sthitam / (12.1) Par.?

sarvam etad dvijārthaṃ me satyam etad bravīmi vaḥ // (12.2) Par.?

tasya tadvacanaṃ śrutvā sādhuvādo mahān abhūt / (13.1) Par.?

ṛṣīṇām ugratapasāṃ yamunātīravāsinām // (13.2) Par.?

ūcuśca te mahātmāno harṣeṇa mahatānvitāḥ / (14.1) Par.?

upapannaṃ naraśreṣṭha tavaiva bhuvi nānyataḥ // (14.2) Par.?

bahavaḥ pārthivā rājann atikrāntā mahābalāḥ / (15.1) Par.?

kāryagauravam aśrutvā pratijñāṃ nābhyarocayan // (15.2) Par.?

tvayā punar brāhmaṇagauravād iyaṃ kṛtvā pratijñā hyanavekṣya kāraṇam / (16.1) Par.?

kuruṣva kartā hyasi nātra saṃśayo mahābhayāt trātum ṛṣīṃstvam arhasi // (16.2) Par.?