UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4875
- Click on a sentence to show its analysis
- Keep the mouse pointer over a lemma to show its meanings.
teṣāṃ samupaviṣṭānāṃ sarveṣāṃ dīnacetasām / (1.1)
Par.?
uvāca vākyaṃ kākutstho mukhena pariśuṣyatā // (1.2)
Par.?
sarve śṛṇuta bhadraṃ vo mā kurudhvaṃ mano 'nyathā / (2.1)
Par.?
paurāṇāṃ mama sītāyāṃ yādṛśī vartate kathā // (2.2)
Par.?
paurāpavādaḥ sumahāṃstathā janapadasya ca / (3.1) Par.?
vartate mayi bībhatsaḥ sa me marmāṇi kṛntati // (3.2)
Par.?
ahaṃ kila kule jāta ikṣvākūṇāṃ mahātmanām / (4.1)
Par.?
sītāṃ pāpasamācārām ānayeyaṃ kathaṃ pure // (4.2)
Par.?
jānāsi hi yathā saumya daṇḍake vijane vane / (5.1)
Par.?
rāvaṇena hṛtā sītā sa ca vidhvaṃsito mayā // (5.2)
Par.?
pratyakṣaṃ tava saumitre devānāṃ havyavāhanaḥ / (6.1)
Par.?
apāpāṃ maithilīm āha vāyuścākāśagocaraḥ // (6.2)
Par.?
candrādityau ca śaṃsete surāṇāṃ saṃnidhau purā / (7.1)
Par.?
ṛṣīṇāṃ caiva sarveṣām apāpāṃ janakātmajām // (7.2)
Par.?
evaṃ śuddhasamācārā devagandharvasaṃnidhau / (8.1)
Par.?
laṅkādvīpe mahendreṇa mama haste niveśitā // (8.2)
Par.?
antarātmā ca me vetti sītāṃ śuddhāṃ yaśasvinīm / (9.1)
Par.?
tato gṛhītvā vaidehīm ayodhyām aham āgataḥ // (9.2)
Par.?
ayaṃ tu me mahān vādaḥ śokaśca hṛdi vartate / (10.1)
Par.?
paurāpavādaḥ sumahāṃstathā janapadasya ca // (10.2)
Par.?
akīrtir yasya gīyeta loke bhūtasya kasyacit / (11.1)
Par.?
patatyevādhamāṃllokān yāvacchabdaḥ sa kīrtyate // (11.2)
Par.?
akīrtir nindyate daivaiḥ kīrtir deveṣu pūjyate / (12.1)
Par.?
kīrtyarthaṃ ca samārambhaḥ sarva eva mahātmanām // (12.2)
Par.?
apyahaṃ jīvitaṃ jahyāṃ yuṣmān vā puruṣarṣabhāḥ / (13.1)
Par.?
apavādabhayād bhītāḥ kiṃ punar janakātmajām // (13.2)
Par.?
tasmād bhavantaḥ paśyantu patitaṃ śokasāgare / (14.1)
Par.?
na hi paśyāmyahaṃ bhūyaḥ kiṃcid duḥkham ato 'dhikam // (14.2)
Par.?
śvastvaṃ prabhāte saumitre sumantrādhiṣṭhitaṃ ratham / (15.1)
Par.?
āruhya sītām āropya viṣayānte samutsṛja // (15.2)
Par.?
gaṅgāyāstu pare pāre vālmīkeḥ sumahātmanaḥ / (16.1)
Par.?
āśramo divyasaṃkāśastamasātīram āśritaḥ // (16.2)
Par.?
tatraināṃ vijane kakṣe visṛjya raghunandana / (17.1)
Par.?
śīghram āgaccha saumitre kuruṣva vacanaṃ mama // (17.2)
Par.?
na cāsmi prativaktavyaḥ sītāṃ prati kathaṃcana / (18.1)
Par.?
aprītiḥ paramā mahyaṃ bhavet tu prativārite // (18.2)
Par.?
śāpitāśca mayā yūyaṃ bhujābhyāṃ jīvitena ca / (19.1)
Par.?
ye māṃ vākyāntare brūyur anunetuṃ kathaṃcana // (19.2)
Par.?
mānayantu bhavanto māṃ yadi macchāsane sthitāḥ / (20.1)
Par.?
ito 'dya nīyatāṃ sītā kuruṣva vacanaṃ mama // (20.2)
Par.?
pūrvam ukto 'ham anayā gaṅgātīre mahāśramān / (21.1)
Par.?
paśyeyam iti tasyāśca kāmaḥ saṃvartyatām ayam // (21.2)
Par.?
evam uktvā tu kākutstho bāṣpeṇa pihitekṣaṇaḥ / (22.1)
Par.?
praviveśa sa dharmātmā bhrātṛbhiḥ parivāritaḥ // (22.2)
Par.?
Duration=0.097402095794678 secs.