Texts

visṛjya lakṣmaṇaṃ rāmo duḥkhaśokasamanvitaḥ / (1.1) Par.?

purodhasaṃ mantriṇaśca naigamāṃścedam abravīt // (1.2) Par.?

adya rājye 'bhiṣekṣyāmi bharataṃ dharmavatsalam / (2.1) Par.?

ayodhyāyāṃ patiṃ vīraṃ tato yāsyāmyahaṃ vanam // (2.2) Par.?

praveśayata saṃbhārānmā bhūt kālātyayo yathā / (3.1) Par.?

adyaivāhaṃ gamiṣyāmi lakṣmaṇena gatāṃ gatim // (3.2) Par.?

tacchrutvā rāghaveṇoktaṃ sarvāḥ prakṛtayo bhṛśam / (4.1) Par.?

mūrdhabhiḥ praṇatā bhūmau gatasattvā ivābhavan // (4.2) Par.?

bharataśca visaṃjño 'bhūcchrutvā rāmasya bhāṣitam / (5.1) Par.?

rājyaṃ vigarhayāmāsa rāghavaṃ cedam abravīt // (5.2) Par.?

satyena hi śape rājan svargaloke na caiva hi / (6.1) Par.?

na kāmaye yathā rājyaṃ tvāṃ vinā raghunandana // (6.2) Par.?

imau kuśīlavau rājann abhiṣiñca narādhipa / (7.1) Par.?

kosaleṣu kuśaṃ vīram uttareṣu tathā lavam // (7.2) Par.?

śatrughnasya tu gacchantu dūtāstvaritavikramāḥ / (8.1) Par.?

idaṃ gamanam asmākaṃ svargāyākhyāntu māciram // (8.2) Par.?

tacchrutvā bharatenoktaṃ dṛṣṭvā cāpi hyadhomukhān / (9.1) Par.?

paurān duḥkhena saṃtaptān vasiṣṭho vākyam abravīt // (9.2) Par.?

vatsa rāma imāḥ paśya dharaṇīṃ prakṛtīr gatāḥ / (10.1) Par.?

jñātvaiṣām īpsitaṃ kāryaṃ mā caiṣāṃ vipriyaṃ kṛthāḥ // (10.2) Par.?

vasiṣṭhasya tu vākyena utthāpya prakṛtījanam / (11.1) Par.?

kiṃ karomīti kākutsthaḥ sarvān vacanam abravīt // (11.2) Par.?

tataḥ sarvāḥ prakṛtayo rāmaṃ vacanam abruvan / (12.1) Par.?

gacchantam anugacchāmo yato rāma gamiṣyasi // (12.2) Par.?

eṣā naḥ paramā prītir eṣa dharmaḥ paro mataḥ / (13.1) Par.?

hṛdgatā naḥ sadā tuṣṭistavānugamane dṛḍhā // (13.2) Par.?

paureṣu yadi te prītir yadi sneho hyanuttamaḥ / (14.1) Par.?

saputradārāḥ kākutstha samaṃ gacchāma satpatham // (14.2) Par.?

tapovanaṃ vā durgaṃ vā nadīm ambhonidhiṃ tathā / (15.1) Par.?

vayaṃ te yadi na tyājyāḥ sarvānno naya īśvara // (15.2) Par.?

sa teṣāṃ niścayaṃ jñātvā kṛtāntaṃ ca nirīkṣya ca / (16.1) Par.?

paurāṇāṃ dṛḍhabhaktiṃ ca bāḍham ityeva so 'bravīt // (16.2) Par.?

evaṃ viniścayaṃ kṛtvā tasminn ahani rāghavaḥ / (17.1) Par.?

kosaleṣu kuśaṃ vīram uttareṣu tathā lavam // (17.2) Par.?

abhiṣiñcanmahātmānāvubhāveva kuśīlavau / (18.1) Par.?

rathānāṃ tu sahasrāṇi trīṇi nāgāyutāni ca // (18.2) Par.?

daśa cāśvasahasrāṇi ekaikasya dhanaṃ dadau / (19.1) Par.?

bahuratnau bahudhanau hṛṣṭapuṣṭajanāvṛtau // (19.2) Par.?

abhiṣicya tu tau vīrau prasthāpya svapure tathā / (20.1) Par.?

dūtān saṃpreṣayāmāsa śatrughnāya mahātmane // (20.2) Par.?