Texts

tat sarvam akhilenāśu prasthāpya bharatāgrajaḥ / (1.1) Par.?

hayaṃ lakṣmaṇasampannaṃ kṛṣṇasāraṃ mumoca ha // (1.2) Par.?

ṛtvigbhir lakṣmaṇaṃ sārdham aśve ca viniyujya saḥ / (2.1) Par.?

tato 'bhyagacchat kākutsthaḥ saha sainyena naimiṣam // (2.2) Par.?

yajñavāṭaṃ mahābāhur dṛṣṭvā paramam adbhutam / (3.1) Par.?

praharṣam atulaṃ lebhe śrīmān iti ca so 'bravīt // (3.2) Par.?

naimiṣe vasatastasya sarva eva narādhipāḥ / (4.1) Par.?

ājagmuḥ sarvarāṣṭrebhyastān rāmaḥ pratyapūjayat // (4.2) Par.?

upakāryānmahārhāṃśca pārthivānāṃ mahātmanām / (5.1) Par.?

sānugānāṃ naraśreṣṭho vyādideśa mahādyutiḥ // (5.2) Par.?

annapānāni vastrāṇi sānugānāṃ mahātmanām / (6.1) Par.?

bharataḥ saṃdadāvāśu śatrughnasahitastadā // (6.2) Par.?

vānarāśca mahātmānaḥ sugrīvasahitāstadā / (7.1) Par.?

viprāṇāṃ praṇatāḥ sarve cakrire pariveṣaṇam // (7.2) Par.?

vibhīṣaṇaśca rakṣobhiḥ sragvibhir bahubhir vṛtaḥ / (8.1) Par.?

ṛṣīṇām ugratapasāṃ kiṃkaraḥ paryupasthitaḥ // (8.2) Par.?

evaṃ suvihito yajño hayamedho 'bhyavartata / (9.1) Par.?

lakṣmaṇenābhiguptā ca hayacaryā pravartitā // (9.2) Par.?

nānyaḥ śabdo 'bhavat tatra hayamedhe mahātmanaḥ / (10.1) Par.?

chandato dehi viśrabdho yāvat tuṣyanti yācakāḥ / (10.2) Par.?

tāvad vānararakṣobhir dattam evābhyadṛśyata // (10.3) Par.?

na kaścinmalinastatra dīno vāpyatha vā kṛśaḥ / (11.1) Par.?

tasmin yajñavare rājño hṛṣṭapuṣṭajanāvṛte // (11.2) Par.?

ye ca tatra mahātmāno munayaścirajīvinaḥ / (12.1) Par.?

nāsmaraṃstādṛśaṃ yajñaṃ dānaughasamalaṃkṛtam // (12.2) Par.?

rajatānāṃ suvarṇānāṃ ratnānām atha vāsasām / (13.1) Par.?

aniśaṃ dīyamānānāṃ nāntaḥ samupadṛśyate // (13.2) Par.?

na śakrasya na somasya yamasya varuṇasya vā / (14.1) Par.?

īdṛśo dṛṣṭapūrvo na evam ūcustapodhanāḥ // (14.2) Par.?

sarvatra vānarāstasthuḥ sarvatraiva ca rākṣasāḥ / (15.1) Par.?

vāso dhanāni kāmibhyaḥ pūrṇahastā dadur bhṛśam // (15.2) Par.?

īdṛśo rājasiṃhasya yajñaḥ sarvaguṇānvitaḥ / (16.1) Par.?

saṃvatsaram atho sāgraṃ vartate na ca hīyate // (16.2) Par.?